زواج مع وقف التنفيذ الجزء الاخير بقلم حنان حسين

زواج مع ايقاف التنفيذ
الجزء الاخير
فتحت الباب.. وجدت ام زينب.. نسيت اقولكم ان ام زينب هي الشغالةالتي تعمل عند حماتي من زمان.. وكانت احيانا بتجيبها عندي تظبط لي الشقة كل كام يوم وهي تقريبا.. متربية معاهم من زمان.. 
دخلت ام زينب وهي علي وجهها حزن والم وكانها اصابها مكروه.. رحبت بيها
قلت.. تعالي يا ام زينب ادخلي.. مالك
قالت وهي تبكي ابني تعبان اوي يا ست عبير ..
قلت وانا اتالم لحزنها... سلامتة الف سلامة عليه ماله 
قالت.. صدمتة عربية وهو في المستشفي دلوقتي ..في غيبوبة.. واڼفجرت بالبكاء المسكينة
قلت.. لا حول ولا قوة الا بالله.. اسمعي يا ام زينب شوفي مصاريف المستشفي والعلاج هيتكلف كام وانا هكلم احمد وهو هيتكفل بعلاجةومتحمليش هم حاجة ومتقلقيش احنا معاكي ومش هنسيبك لوحدك ان شاء الله ..

اخذت تبكي بحړقة وكانني زدت من الامها.. 
قلت.. اطمئني ربنا موجود وان شاء الله هيشفيهولك ..نظرت الي وهي تبكي بحړقة ثم قالت
سامحيني يا ست عبير.. ده ذنبك وربنا بيعاقبني
سمعت كلامها وتعجبت.. ثم قلت لها.. ليه بتقولي .. كده
قالت ام زينب وهي تبكي في ندم بالغ ..الست ام احمد حماتي الله يسامحها وخطيبة ابنها هما الي خلوني اعمل الي عملتة وربنا يسامحني مع اني حاسه ان ربنا عاقبني ودفعت الثمن
ثم قالت انتي متعلميش بحړقة قلبي علي ابني 
قلت وانا احاول استوعب شيئا مما تقولة
قلت.. بالراحة كده يا ام زينب وفهميني في ايه وحماتي وسهر خلوكي عملتي ايه
قالت ام زينب وهي تحاول ان تهدي من نفسها لتستطيع ان تسرد لي ما حدث 
قالت.. من يومين الست حماتك رجعت بيتها من عندك وهي زعلانة ومتعصبةواتصلت بالست سهر وجابتها ودخلوا في الصالون وكانوا هيتجننوا من الي عملة معاهم احمد بيه.. وكان كل همهم هما الاتنين انهم يتخلصوا منك باي شكل عشان كانوا بيعتبروا انك انتي يا ست عبير السبب ان الاستاذ احمد اهانهم هما الاتنين
قلت ها وبعدين كملي
قالت ام زينب وهي تبدء في سرد المخطط التي قامت به سهر وحماتي معا .. ليخربوا بيتي وليخرجوني من حياة احمد للابد.
قالت.. والست حماتك سمعتها بتقول انها كانت بتراقبك وشافتك وانتي داخلة عمارة كبيرة وبعد كده خرجتي من العمارة وكان في واحد معاكي
استوقفتها في الحديث وسالتها.. 
قلت.. مين الواحد الي هي شافتني معاه ده
قالت معرفش بس هي بتقول انها اخدت ليكم صوره بالموبيل بتاعها وكمان سمعتها بتقول انها فتشت شنطتك ولقت كارت باسم راجل ..وهي كانت فاكره يعني لمؤخذة انه هو ده الي حضرتك يعني كنتي معاه في الشقة فوق .. وكانت الست سهر عايزة تاخد الصورة والكارت توريهم للاستاذ احمد لكن الست حماتك رفضت وقالت انها عارفة ان ابنها مش هيصدق بسهولة بدون دليل قوي.. بعد شوية.. لقيت الست حماتك بتنادي عليا ..وطلبوا