كان ممرضا لقلبي كامله

_اتجوز بنت المعلمه بتاعت الحته ! دي مثبته كل الحارة دي مثبتاني أنا شخصيا تلت مرات !!
بنتها الي طلبتك مينفعش نكسر كلامها
_والنيش علي مين !!
نعم 
_اصل انت مش واخد بالك يوالدي أنا راجل وليا مركزي ومش هتجوز واحده جاهله
هي مين دي الي جاهله
_المعلمه حبيبت قلبي عامل أي يحبي
سمعت انك مش موافق علي بنتي ! بنت المعلمه جمالات احلي واجمل بنت في المنطقه
_طبعا طالعه لمامتها اكيد مش حكايه مش موافق والله هو انا اطول ! بس انا مش بفكر في الجواز دلوقت مش جاهز يعني
وشقتك الي خلصت
_هحرقها
ايييي
_قصدي هو الجواز شقه بس يمعلمه ! دا كلام بردو وبعدين بصراحه انا متعلم ومعايا شهاده

انت تمرجي يالا ! انت هتنسي نفسك !! انت بتاع حقن فوق !
جزيت علي سناني _انا اخصائي تمريض واخد كليه ومش بدي حقن أنا
ما علينا اخصائي من تمرجي عندي واحد كتب الكتاب النهاردة بليل
_احيه !! يجدعان متهزروش أنا من حقي اقول رأيي
رجالتها طلعوا المطاوي والسلاح من جيبهم ووجهوه عليا
قول رأيك طبعا من حقك اشجيني يحليتها 
بلعت ريقي _انا من رأيي نكتب الكتاب دلوقت أي الي يخلينا نستني لبليل الشيخ يبني بسرعه أوام
جابوا المأذون وتمت الجوازه من غير مشوفها من غير ډم من غير زوق من غير كرامتي أيوة بالظبط !
جت بنت وقفت جمبي لابسه اسود ف اسود ومش باين منها أي حاجه ف بعدت
_امال فين العروسه مش من حقي أشوفها بردو ولا انتي شايفه أي يست المعلمين
مهي جمبك اهيي !!
_جمبيي ايي ديي !! لا لا انا كده ادبست انتي مجوزاني ستارة !
بتقول حاجه يروح امك
_تبارك الله انا حاسس انها ملكه جمال بجد أنا مشوفتش بس حاسس الله اكبر أنا لازم أرقيها
مامتها عملتلنا زفه عرفت كل الناس اني اتجوزت يفضيحتك يا احمد وصلنا البيت وفتحت الباب
_انتي هتباتي معانا ولا اي يحماتي كلك نظر يعني !!
انت عارف لو زعلتها في يوم أنا هعمل فيك اي
_تحبي نطلع علي القسم نعمل محضر عدم تعرض
قسم ! لا انا اعرف اخد حق بنتي كويس يلا فتكم بعافيه حطها في عينك
_اكيد طبعا
مشيت ف قعدت علي الركنه وخدت نفس وطلعته ب الراحه وانا مغمض عنيا فتحت عيني لقيتها قدامي كانت حلوة جامد ف فتحت بوقي !
_انتي مين 
مريم مراتك
_احلفي
ضحكت والله!!
_طب تعالي قربي اقعدي عاوز اتكلم معاكي
قعدت بعيد _ايدا انتي طلعتي بتتكسفي وپتخافي ! انتي متأكده انك بنت المعلمه
انا مبخفش من حاجه
_تعجبني يجميل المهم هو انتي بجد الي طلبتي تتجوزيني !! مش غريبه ديي ! هو الجواز ب الإجبار تتحسب
يتبع ..
هو انتي بجد الي طلبتي تتجوزيني!! مش غريبه ديي! هو الجواز ب الإجبار تتحسب 
_ياديي الكسوف ! هو دا سؤال بتسأل يا استاذ انت !
شكلي عكيت صح 
_دا انت عميتها
أنا آسف والله مش قصدي مش بعرف اتكلم
_بس لو عاوز الاجابه ف اه أنا الي طلبت
لي
_حسيتك مختلف تعرف إن ماما عرضت عليا كتير عرسان من الرجاله الي بتحمينا وكبار العمد الي في البلد بس ساعه مشوفتك حسيت ..
قربت حسيتي ب ايي !
_حسيت انك كويس علي نياتك وملكش في الاڈيه غير اي حد من الي اعرفهم كان أي راجل يتفرض عليا اعرفه كنت بشوف فيه قسۏة واقول لا لا لا يمكن أبدا مش هتجوز غير واحد حنين لما شوفت معاملتك ل اهلك ولزمايلك وحتي القطط الي في الشارع الي كنت بتعمل حسابهم في الغدا معاك وتكلمهم وكأنهم فهمينك عرفت قد أي انت قلبك طيب و.. قولي صحيح منة زميلتك في المستشفى حطت أيدها علي كتفك انت مبعدش لي
كنت متنح هي عرفت كل دا ازاي !!
ابتسمت دا احلي وصف سمعته عني منة كان أغمي عليها ف سندت عليا لو مش واخده بالك يعني !
_ايوة تسند عليك لي بتاع ايي
طب متسندي عليا انتي كمان الاه !!
_ها !!
مش مصدق اني في شقتي ومتجوز والله اعرفك علي نفسي طيب احمد عندي ٢٤ سنه و..
_عارفه عنك دا حاجه متتعبش نفسك في الشرح
عارفه منين 
_لما بعوز اعرف حاجه بعرفها
لا دا انتي شكلك جامدة بجد بقي !
قامت من مكانها _تاكل تتعشي جعان 
ابلعي ريقك مفيش اكل في البيت اصل اسف متجوز في مسافه ساعه ف ملحقتش احضر الشقه حلو
_زوقها حلو ومترتبه زيك تمام
بس تصدقي الجواز مطلعش وحش زي مكنت فاكر طلع لطيف وبيقول كلام حلو وعليه جوز عيون يسطلو
_أ أحمد !
نعم
_انا أنا جعانه
حاضر هنزل اجيب عشا واجي تحبي تاكلي أي 
_الي تحبه
المرأة مش ملزمه انتي مش تبعهم ولا ايي
_لا لا شوف الي بتحبه أي وهاته
خلاص ماشي
_كريب وبيبسي بقي ها
ضحكت حاضر اتفرجي علي الشقه لغايه مرجع
سبتها ونزلت ولقتني بتسبت من رجاله المعلمه هو في اييييي!!
سايب البت لوحدها لي في ساعه زي ديي انت طفشان ولا اي !
_برستيج اهلي في ذمه الله بسببك مينفعش كده انا جوز بنتك بردو نازل
اجيب اكل عشان نتعشي
اه قول كده من الصبح !
_هو انتي سيبالي فرصه اقول حاجه
واد يزقله هات الطلبات الي هيقولك عليها سي احمد طياره والاقيك هنا
اديتله فلوس طب هات اتنين كريب وازازه بيبسي لتر لغايه منزل بكره اجيب حاجات البيت
ولا يكون عندك فكره بكره البيت يتملي خيرات
كتر خيرك بنتك متجوزة راجل يعرف يصرف علي البيت مش خرتيت ! ولا هو إجبار في الجواز والدفع كمان !
ضحكت ماشي يا احمد
العشا جه وطلعت
_مريم مريم !!
أيوة
_انتي عاوزة تجبيلي صډمه واروح فيها أنا حمل الجمال دا بردو !! دا انا مكنتش بشوف بنات الله وكيل علي كده حلوة زي امي
طلعت بتعرف تقول كلام حلو مش باين عليك خالص !
_والله اول مرة اقوله
طب تعالي عشان ناكل
كلنا وشربنا واحنا ساكتين كل شويه ابصلها يخربيت التقل فين كاريزمتك يا احمد ركز يخربيت اهلك ڤضحتنا !! خلصنا أكل وبصتلي
_احنا بقي في اللحظه دي لازم ..
تنام عشان عندك بكره شغل الصبح
_استني بس راحه فين شغل أي مش رايح هاخد إجازة اسبوع
شدت النضاره من علي وشي هات اقيسها
_مش بشوف من غيرها
معتش هتاخدها
قومت من مكاني _بقي كده !
شكلها حلو عليا 
قربت _هتجبها اهي
شكلي دكتورة حلوة 
_يبنتي !!
انفع مذيعه طيب 
وصلنا للحيطه ف حطيت ايدي الأتنين علي الحيطه
حاكم أنا كنت بهزر وهدهالك تاني
_لا معتش عاوزها
حاكم أنا ممكن اصوت الم عليك الناس
حطيت ايدي علي بوقها _امك تحت لو حست بس بصوتك هتطلع تخليكي ارمله انتي حره بقي وانا لسه في عز شبابي مش عاوز اموت دلوقت أنا و.. تصدقي شكلك فعلا مذيعه 
بصت علي ايدي ف شلتها ف ضحكت وادتني النظاره
لعبت في شعري _تصبح علي خير
هو انا ابن اختك !!
دخلت اوضه وقفلت الباب بكره تروق أنا بحب الحاجات الصعبه اصلا مبالك بقي تبقي صعبه وجامده!!
دخلت اوضتي ونمت من كتر التعب وصحيت علي صوت خبط في الباب
_فييي اييييي! حد يصحييي حد كدهه
اخر نومتك إن شاء الله
_احيه !! في أي يحماتي هو انتي ډخلتي ازاي يفضحتي انتي عامله نسخه من المفتاح ولا اي !
هاتوه
_لا بصي بقي الي هيمسكني ه..
هتعمل أي يعني
_هاجي لوحدي من غير حد يكبيره ولا أنا

معنديش