اسكريبت كامل بقلم سولييه نصار

كيف بدأ عيد الأضحى!
بص يا سيدي القصة بتبدأ لما سيدنا إبراهيم عليه السلام كان متزوج اتنين السيدة سارة والسيدة هاجر.
الزوجة الأولى كانت السيدة سارة ودي كانت من حران في العراق البلد اللي سيدنا إبراهيم اتولد فيها وبعد واقعة النمرود اللي قرر حړق سيدنا إبراهيم وربنا قال للڼار كوني بردا وسلاما على إبراهيم سيدنا إبراهيم ماتحرقش ووقف قدام النمرود وغلبه في الحديث قدام الناس وبعدين خد زوجته السيدة سارة وخرج من العراق.
وهو مسافر عدى على مصر وكان في مصر وقتها ملك ظالم لما شافهم سيدنا إبراهيم عرف إنه ظالم وكان عاوز مراته فقال له إنه أخو السيدة سارة لأنه لو كان قال إنه زوجها كان قت له حتى إنه قال لها إنت كدا كدا أختي في الإسلام.

ولأن السيدة سارة كانت جميلة جمال ميتوصفش ولو عاوز تعرف مدى جمالها سيدنا يوسف اللي هو ابن حفيدها سيدنا يعقوب عليهما السلام كان طالع شبهها وكلنا عارفين سيدنا يوسف كان جميل ازاي!
ملك مصر عجبته السيدة سارة وكان عاوزها ولكنه كل ما كان بيقرب منها كانت إيده بتتشل بأمر الله ولأن سيدنا إبراهيم مبطلش دعاء لربنا إنه يخرجهم من المحڼة دي لحد ما الملك زهق فسابها
هي وسيدنا إبراهيم يمشوا بس ادالها هدية واحدة ست تكون معاها تشوف متطلباتها ودي السيدة هاجر وسيدنا إبراهيم علشان يقبل بالأمر دا وإنها تكون معاهم تزوج السيدة هاجر واتحركوا هم التلاتة وراحوا على فلسط ين.
يشاء ربنا إن السيدة هاجر تحمل الأول وتغير منها السيدة سارة وفات الحمل وطبيعي كان فيه مشاكل بين الاتنين لحد ما السيدة هاجر ولدت سيدنا إسماعيل عليه السلام هنا سيدنا إبراهيم حس إن فيه ڼار هتولع بين الاتنين لأن الزوجة الأولى كانت سارة ومع ذلك هاجر هي اللي خلفت الأول فربنا أمر سيدنا إبراهيم إنه ياخد السيدة هاجر هي وابنها ويسيبهم في مكة ومكة وقتها كانت صحراء جرداء.
سيدنا إبراهيم جابهم للمكان وسابهم ولف جسمه ومشي فقالت له إنت سايبنا في مكان مفيهوش ناس ولا أكل ولا شرب كمل طريقة ومردش فقالت له الله هو اللي أمرك بكدا قال لها أه ردت عليه وقالت فلن يضيعنا يتبع
شوف هنا الإيمان مكان مهجور صحراء مفيش ناس مفيش أكل مفيش شرب ومعاها طفل رضيع وزوجها بيسيبها ويمشي ومع ذلك مكف رتش بل قالت ربنا مش هيضيعنا.
ساب معاها كيس تمر وقربة مليانه مياه طبعا خلصوا بسرعة والطفل بدأ يبكي من الجوع لدرجة إن وشه لونه اتبدل فجريت وطلعت على جبل اسمه الصفا بتدور على حد ينجدهم وبعدين جبل تاني اسمه المروة برضه ملقتش حد عملت كدا 7 مرات علشان كدا ربنا شرع لنا إننا نسعى بين الصفا والمروة.
في الآخر والطفل خلاص