اترفضت ولكن بقلم ماء البحر

رواية اترفضت ولكن كامله جميع الفصول بقلم ماء البحر 
كانت قاعدة مع عريس فقال حضرتك خريجة إيه
هي ببرود خريجة سجو ن
بصلها پصدمة من ردها مش عارف هي بتهزر ولا بتتكلم جد وقال هو حضرتك دمك خفيف ما شاء الله وفرفوشة وبتهزري عادي معايا... بس بسألك على مؤهلك يعني
بس طلعتي بتاخدي وتدي في الكلام أهو ودا حلو بالنسبالي
نجلاء اممم... على فكرة أنا بتكلم جد وبعدين ههزر معاك بتاع إيه هو أي حد يقعد معايا أقوم ماسحة الحدود وأقعد أهزر وأضحك معه بدون حياء
أصل ماليش في السهوكة والدلع دول لناس معينة مش لأي حد معدي في الشارع

عالعموم أنا فعلا لسه خارجة من السچن من يومين
بصلها مؤمن پصدمة وقال هو أنت بلطجية 
بقلم ماء البحر
نجلاء برفعة حاجب وليه ماكونش مظلومة ودخلت بسبب إني باخد حقي
مؤمن بس بردوا ډخلتي السچن ولما يبقى عندنا عيال دا هيأثر عليهم وكمان هيأثر عليا احنا مش هننفع لبعض
نجلاء ببرود أنا أول ما شوفتك وأنا فعلا قولت إننا مش هننفع لبعض كويس إنك خدت بالك أصل في فرق في التفكير وأنا عايزه واحد عنده مستوى الذكاء عالي
شرفتنا يا أستاذ مؤمن أكيد عارف طريق الباب
مشي مؤمن وهو محروج من كلامها وهي قعدت مكانها تاني ونادت على أختها وقالت هاتي الملوخية يا عبير عشان أخرطها
جت أختها وقالت في إيه يا بنتي كل شوية تطفشي العرسان
نجلاء يا بنتي أنا مستنية راجل بجد مش أي واحد والسلام واللي كان من شوية دا مش عجبني طريقة كلامه ولا تصرفاته عمال يبص على كل ركن في الأوضة وبرا الأوضة
ندى يا حبيبتي يمكن مش قصده حاجة يمكن متوتر
نجلاء بهدوء بصي أنا مستنية نصيبي وأكيد هتدبس فيه حتى لو إيه اللي حصل وأنا عايزه اختيار ربنا ليا لأنه بالتأكيد هو الخير
آخر اليوم كانت نجلاء بتلبس عشان تنزل تشتري شوية تسالي وجبنة وبيض ولانشون يتعشوا بيهم
نزلت وراحت مكان ما بتشتري واشترت اللي محتاجاه وهي راجعة لقيت ولدين بيرخموا عليها مدت بسرعة من قدامهم وتوهتهم في الناس واستخبت بين عربيات مركونة
كان بيشحن موبايله وراح يركب عربيته ونزل الازاز وراح يشغل العربية سمع صوت عياط بص حواليه مش شاف حد لسه هينزل يشوف مصدر الصوت دا فين لقى اللي طلعت قصاده فاتخض منها
ياترى مين دا وهيعمل إيه
اترفضت_ولكن
رواية اترفضت ولكن الفصل الثانى بقلم ماء البحر
استخبت عند عربيات مركونة من الولاد اللي كانت بتجري وراها وقعدت ټعيط
هو طلع من محل الموبايلات بعد لما شحن وركب عربيته ولسه هيدورها سمع صوت عياط بص حواليه يشوف منين الصوت دا فتح الباب وراح يبص لقاها طلعت مرة واحدة واتخض
فقال پصدمة هو أنت
هي بضيق أنت ما هو من ساعة ما شوفتك وأنا بيحصل معايا العجب صراحة كنت حاسة