ورد ويونس

_هتفضلي مقموصة كده كتير.
قعد جمبي بعد يومين من الخصام
ضحك وقال
_خلتيني بتاع سلمى.
_آه مش هي عجباك أوي.
_محدش ينكر أنها جميلة.
_جميلة!! إيه جميلة دي. دي شايفها من أي إتجاه دي شبه
البلياتشو.
_رياضية.
_دي شبه خلة السنان.
_عيونها واسعة.
_إيه يعني عيونها واسعة ما بنات كتير عيونها واسعة مش
تميز يعني.
_ملامحها هادية.
_دي صفرا ملامحها صفرا اسكت. اسكت أنت متعرفش حاجة.
_والله يعني أنتي إللي تعرفي.
_طبعا.
_والله أنتي متعرفي حاجة.
إيه الحاجة إللي معرفهاش.
_إني مش عايز أكون بتاع سلمى.
_أه يا متعفن أنا أصلا قولت أنك مش.....
_أنا عايز أكون بتاعك أنتي.

_أن.. ها!.
_ها إيه أنا بحبك وعايز أكون بتاعك أنتي.
هو الجو برد ليه هو قال إيه هو قلبي بيرقص كده ليه!
هو مش المفروض هنطلق ليه يعشم قلبي بقى ليه يقدملي
بساط الحب وفي لحظة هيسحبه مني ليه يضعفني في
قراري أنا لازم أمشي أنا مش هقدر على مواجهته
_رايحة فين ده ردك عليا.
_أنا لازم أمشي.
_مش هتمشي ولا هتتحركي خطوة من غيري كفاية بعد بقى.
_كفاية أنت حرام عليك أنت وافقت على الطلاق إيه لازمة
الكلمة دي بقى أنت ليه غاوي تعب.
_وأنتي ليه غاويه البعد.
_أنا......
_أنتي إيه ليه غاويه تتعبي قلبي وياكي ليه عايزة تبعدي عني أديني سبب يستاهل البعد وأنا هبعد فاض بيا خلاص مبقتش قادرة أكتم في قلبي أكثر من كده.
اتكلمت بكل قوة بمتلكها وبصوت مليان ألم
_ لأني إنسانه عاجزة يا يونس إنسانه مش هتقدر تكون أم عرفت ليه بقى لازم نبعد عرفت أننا مينفعش نكون مع بعض.
اټصدم وملامحة كلها كانت في حالة صدمة بصلي بنظرة غريبة عليا نظرة مش مفهومة أول مرة مقدرش أحدد عنينه بتقولي إيه
_عرفتي إزاي.
منعت دموعي من أنها تنزل ورديت بكل ثبات
_مش مهم عرفت إزاي المهم إن دي حقيقة وأنت وعدتني
بالطلاق ولازم تنفذ وعدك.
_عرفتي إزاي يا ورد.
دمعة نزلت ڠصب عني مقدرش أكتم في قلبي أكثر من كده وقولتلة
_بعد كتب الكتاب بأسبوع روحت لمريم العيادة بتاعتها لأننا
كنا مقررين نجيب شوية حاجات نقصاني وشفت بنت هناك
طالعة بټعيط فسألت مريم عليها لقيتها بتقولي أنها عملت
تحاليل واكتشفت أنها مش هتقدر تجيب بيبي وجوزها
هيتجوز عليها علشان عايز يكون عنده طفل وأنا اتخيلت
نفسي مكانها وقلبي وقف مقدرش أتحمل أن مكونش أم
وكمان جوزي يكون مع واحدة غيري احساس صعب أوي يا
يونس مقدرتش أتحمل مجرد التخيل فطلبت من مريم إني 
عايزة أعرف إذا كان عندي مشكلة في الخلفة وبرغم خۏفي
من التجربة قررت أواجه خۏفي وعملت التحاليل وللأسف 
اكتشفت إني مش هقدر أكون أم يا يونس مش هقدر يا يونس مش هقدر.
صوت بكايا علي ومقدرتش أخد نفسي لقيت يونس قرب
مني وضمني ليه
_ هشش أهدي خالص خدي نفس وطلعيه براحة.
_مش هقدر يا يونس أكون أم مش هقدر اجيبلك طفل يحمل
اسمك ولا هيتقالي يا ماما.
_قل لن يصيبنا إلا ما كتب الله لنا هو مولانا وعلى الله فليتوكل المؤمنون.
ربنا
رحيم
بالعباد