فرصه ضائعه بقلم رغد

قامت من جنبها براحة . طلعت موبايلها و اتصلت على جاسر .. 
جالها الرد متأخر .. ألو ..
جاسر .. إنت .. 
خطفت الكلمة .. أنا موافقة .. 
وقفلت الخط بسرعة وبعدت التلفون كأن فية تعبان هينط منه ! .. 
مفيش دقيقة و التليفون رن تانى .. 
جالها رسالة على الواتس .. قمر أنا مسمعتش غلط مش كدا .. 
خدت التليفون و بإيدين بتترعش كتبت .. آه .. أنا موافقة اتجوزك . 
جاسر أبتسم ورا شاشة الموبايل من غير ما يشعر .. متأكدة .. يعنى مش هتصغرينى قدام المأذون وأنا جايبة بكرة وجاى أكتب عليكى .. 

شافت الرسالة وسكتت شوية .. ثم كتبت لا هستناك .. 
وقفلت الموبايل .. 
بتقوم وبساقان ترتعشان .. تخطو خطوات بسيطة ناحية ماجدة الى كانت قاعدة فى الصالة بتتفرج على التليفزيون بملل .. 
ماجدة إفتكرتك نمتى .. مريم نامت 
هزت راسها .. وراحت قعدت جنبها .. أنا أم .. و مطلقة .. ومع ذلك مش عارفة إلى عملتة دا صح ولا غلط .. 
ماجدة انتبهت .. هو إية دا .. 
قمر پخوف .. وافقت على عرض جاسر .. وافقت ارجع تانى لعش الزوجية .. 
ماجدة اټصدمت .. ب بجد هتتجوزية ! 
قمر فركت فى صوابعها .. .. آه لكن قلبى مقبوض .. و خاېفة لاحسن أندم .. . وأنا قدمت كتير جيت على نفسى و على كرامتى علشان الجوازة دى .. علشان مريم . 
ماجدة وضعت يدها على كتفها بحنية .. قرارك دا الأيام وحدها إلى هتثبت هو غلط ولا صح .. لكن بعينى كدا هقولك وبفم مليان أن جاسر إبن حلال و يستاهلك .. 
قمر بعيون فيها ضى . . بجد . . و أنا أنا أستاهله .. 
ماجدة بإبتسامة .. اجتهدى بقاا .. 
إبتسمت قمر بخفوت .. أردفت ماجدة جهزتى هتلبسى إية .. 
ضړبت خدودها بخفة .. يخرااشى ! .. م مش عارفة ! 
_صباحا_ 
بتلبس قمر دريس أبيض رقيق .. وبتحط ميكب خفيف .. لأول مرة تحط من مدة طويلة .. فمكنش أحسن حاجة ... لكن بالرغم من كدا روح الأنثى إلى جواها كانت مبسوطة لظهورها من تانى .. 
الباب بيخبط .. ثورة بتحصل فى قلب قمر .. كل ذرة بتثور پجنون .. ! .. بتقول بتوتر ر روحى يا مريم إفتحى .. 
بتفتح الباب و بيدخل جاسر و وراة المأذون .. بتمسك مريم إيده وبتشاورلة ينزل لمستواها .. 
بتوشوشه ماما منامتش من امبارح .. مستنياك يا عمو 
بيضحك جاسر و بيقولها .. وأنا مستنى اللحظة دى علشان نعيش سوا أحنا التلاتة .. 
بتتبسط مريم و بتجرى على قمر .. إلى كانت متوترة جدا لدرجة حاسة أن قلبها هيفر من التوتر . .
بتدخل قمر وبيعقد المأذون القران .. و بينتهى بالجملة المعتادة بارك الله لكما و بارك عليكما و جمع بينكما