اسكريبت كامل

ـ لقيت حد رمي ورقة عليا فالټفت اشوف مين"..

ـ اللي بتبص وراها تطلع برة..

لقيته بيكلمني فقولت بتوتر:
ـ بس يا دكتور انا...

بزعيق:
ـ اتفضلي برة..

طلعت برة وانا سامعه صوت اللي رمو الورقة بيتريقو عليا..

ـ ماماا انا رجعت اخيراً..

ـ طب ابعدي عني دلوقتي عشان مش طايقة نفسي..

ـ ح حاضر..

ـ انتي يا زفته

ـ ن نعم يا محمد..

ـ قومي اعمليلي قهوة

ـ اسفة بس عندي امتحان ومذاكرة كتير اوي قول لاختي هي مش عندها حاجه دلوقتي..

مسكها من ايدها بقوة وقال:
ـ انا باقولك انتي

ـ ح حاضر..

ـ عاملة ايه يا مرام

ـ كويسة ..

_ هي الحبوب اللي ف وشك كترك ليه كدا دي مخلياكي شبه الفراولة..

ـ ههه آه وشي متحسس شوية

ـ اوعي تكوني زعلتي انا باهزر

ـ لا طبعاً..

ـ مرام خالد

ـ نعم يا دكتور

ـ 11 من 20..
معرفش ډخلتي كلية زي دي ازا

ـ مالك يبنتي خسيتي اوي كدا وحوالين عينك اسود متاكلي انتي مبقيتيش باينة م الأرض..

ـ يعني الاكل هيتخن! ماشي..

ـ اوعي تكوني زعلتي انا باقول دا لمصلحتك

ـ لا مزعلتش طبعاً..

ـ النهارده الجامعه كانت مرهقة اوي..
ماما انا هنام علشان تعبانه وعندي جامعه الصبح بدري..

ـ نامي وريحيني شوية..

ـ ح حاضر تصبحي ع خير يا ماما....

ـ انتي يا زفته مش صحيتي ليه اتأخرتي ع الجامعه..

ـ.......

ـ انتي مبترديش عليا ليه..

ـ شالت البطانية لقتها نايمة بس مش بتتحرك..

ـ مرام مبترديش ليه عليا.. مرااام........

"فبينما كانوا يتعاملون معي كـ سوية كانت تتصارع الأمراض النفسية بداخلي من ستلتهمني أولاً .."❤️‍🩹