موافقه انك تخطفني
صاحب المكان
طب ليه لابس كدا
_ انا اول مااشتغلت اشتغلت جرسون صغير في كافيه وبعدين فتحت الكافيه ومن يوم مافتحته وانا بقدم الطلبات للناس ماتعرفيش بقي اتعودت علي كدا أو حبيت المهنه مش عارف
كل دا وانا قاعده ومنبهرة بيه لأن الكافيه كبير ومعروف جدا
خلص كلام وانا لسه سرحانه وبصاله ومبتسمه ولقيته خلص كلام وانا لسه سرحانه في ابتسامته ولون عينه العسلي اللي فيها لامعه غريبه لما الشمس جات عليها
_ ابتسم وكأن فاهم انا كنت بفكر في اي
اتكسفت وقولتله
انت مش هتوريني انا هشتغل اي
_ قومي يلا
دخلنا المطبخ كان بيفرجني علي كل حاجه
شوفت مج محطوط بعيد وشكله حلو جدا ومحطوط بعيد عن كل الماجات
ولسه بمسكه وقع من ايدي انكسر
انا انا آسفه جدا
لقيته واقف مصډوم وماردش عليا ونزل يلمها
جيت ألم معاه الازاز لقيت دموعه نزلت اټخضيت وحسيت اني عملت أكبر غلط في حياتي
قام وقف ولف ظهره مسح دموعه
انا آسفه بجد
ماردش عليا ولسه مديني ظهره
مشيت وطلعت برا الكافيه كله
لقيته جاي ورايا
_ استني
وقفت ودموعي نازله والله بجد انا اسفه انا عجبني شكله وكنت بشوفه اسفه جدا
_ حصل خير
هو عزيز عليك اوي
حسيت انه عايز يقول كلام كتير اوي
روحنا قعدنا علي البحر وبدأ يحكي
_ كان عندي اخت اصغر مني بسنتين كانت هي حياتي المج دا كان آخر هديه منها
بدأت دموعه تنزل
_ قبل ماتموت
تصدقي اني لحد دلوقتي مش مصدق بقول اني هرجع الاقيها مستنياني ومحضره الاكل علشان ناكل بجيب كل يوم شيكولاته وانا مروح علشان ادهلها بس مش بلقيها كانت بتشاركني كل حاجه حزني وسعادتي كانت كل حاجه بالنسبه ليا
انا بجد اسفه
_ مسح دموعه خلاص حصل خير ابتسم وقالي اي دا انتي من اول يوم شغل كسوله كدا انتي شكلك مش هتعمري معانا
ابتسمت ودخلنا وعرفت كل حاجه في الكافيه
بدأت شغل وعدي اسبوع واتنين وتلاته وانا كل يوم حبه بيكبر في قلبي
صباح الخير ي ابراهيم محمود جه واللي لسه
محمود مش جاي أصله تعبان
قلبي اتقبض تعبان ماله
مش عارف هو قالي كدا
ابتسمت ابتسامه باهته طيب
عدي يوم والتاني وهو لسه مجاش
اليوم التالت ماقدرتش
الو
_ الو ايوا ي سيلين
ازيك ي محمود
_ الحمد لله كويس
كان صوته باين عليه التعب جامد
اانا عرفت انك تعبان بقالك يومين انت كويس دلوقتي
_ بقيت كويس لما سمعت صوتك
قلبي بدأ يدق جامد وحسيت أنه هيخرج من مكانه
قفلت السكه في وشه
يا دي النيله عليا انا اللي عملته
