ظل الحقيقه

اعيش في البيت من غيرك
ابتسمت برقة قائلة
وانت كمان وحشتني على فكرة والبيت وحشني اوي
ابتسم بسعاده قائلا
يعني هترجعي معايا البيت
تحدثت برفض
لا طبعا
نظر إليها بدهشة تحدثت برقة
لازم حضرتك تخطبني بشكل رسمي وتعملي فرح واهلك يحضروا عشان اشوفهم واتعرف عليهم
ثم تابعة بتأكيد
لازم الأساس يكون صح عشان نقدر نكمل حياتنا مع بعض صح
ابتسم بسعاده قائلا
عندك حق
ابتسمت برقة وتحدثت بمزاح
ووعد مني مش هطول فترة الخطوبة
نظر إليها بغيظ قائلا
ووعد مني لو متجوزناش خلال شهر بالكتير هخطفك
اقتربت منهم والدة مريم بعد ان قامت بتوصيل مروان الي فريدة كي يتحدث اليها.
والدة مريم
طمنوني اتفقتوا على إيه
تحدثت مريم برقة
عمر هيخطبني ويعملي فرح
تحدث عمر بمزاح
شوفتي بنت حضرتك بتعمل فيا ايه
ضحكت والدة مريم وتحدثت من قلبها
ربنا يسعدكم يا حبيبي
ثم اضافة وهي تنظر الي الأعلى
عقبال فريدة هي كمان ربنا يهديها وتوافق علي مروان
في الاعلى بداخل غرفة فريدة.
جلس مروان امام فريدة تحدث اليها بصدق
وحشتيني اوي يا فريدة
ابتسمت بهدوء قائلة
شكرا يا مروان على كل اللي انت عملته معايا ماما ومريم قالولي ان انت كنت دايما بتسأل عليا وكنت كل يوم بتبعتلي ورد
تحدث بهدوء
انا معملتش كده عشان تقوليلي شكرا يا فريدة انا عملت كده عشان بحبك
نظرت إليه بدهشة ليضيف بتأكيد
ايوه يا فريدة انا بحبك وجاي النهاردة اطلب ايدك للجواز وبتمنى توافقي
نظرت إليه پصدمة انسالت الدموع من عينيها وتحدثت پبكاء
تتجوزني ازاي يا مروان انت اكيد عرفت اللي حصل معايا
تحدث بقوة
فريدة احنا كلنا غلطنا وكلنا عرفنا اخطائنا وبنحاول نصلحها وانا بتمنى نبدأ مع بعض صفحه جديدة وننسى كل اللي حصل وصدقيني انا بحبك بجد وحقيقي بتمنى توافقي تتجوزيني
انهمرت دموعها علي خديها قائلة پبكاء
بس انا محتاجه وقت يا مروان عشان اقدر ادخل في علاقة ولازم نفسيا اكون مستعده لده
حرك رأسه بتفهم قائلا
انا فاهم يا فريدة وصدقيني انا هكون جمبك طول الوقت
رفع يديه جفف دموعها بحنان
ممكن ببلاش الدموع دي
نظرت اليه بعين باكيه وكأنها تراه لاول مرة كيف لم ترى هذا الحب الكبير بعينيه من قبل حركت رأسها بالايجاب وهي تبتسم له لا تعلم ان هذه الابتسامة اعطته امل جديد اصبح الان ينتظر ان يستمع الي موافقتها كي تصبح زوجته ويتحقق حلم حياته بالزواج من حبيبته.بعد شهر.
دخلت داليا بصحبة زوجها هشام الي قاعة افراح كبيرة يبحثون عن العروسين.
جلست فريدة بجوار مروان يتحدثون بسعادة وهم ينتظرون لحظة دخول العروسين.
اخذت والدة عمر والدة مريم كي تعرفها علي اقاربهم ومعارفهم المدعون لحضور حفل الزفاف.
اغلقت الأضواء في القاعة ظهر ضوء قوي مثبتا علي باب دخول العروسين.
طل عمر ببذلته السوداء الرائعة وبجواره مريم ترتدي ثوب زفاف اكثر من رائع اتجهت اليهم
جميع الانظار.
همس مروان الي فريدة بعشق
عقبالنا
ابتسمت فريدة بخجل تابعة سعادة شقيقتها وعمر بسعادة وتمنت لهم السعادة الدائمة.
تحدث مروان وهو يجلس بجوار فريدة
يا بختك يا عمر يا ابن المحظوظة هو يتجوز وانا قاعد حاطت إيدي على خدي كده
نظرت اليه فريدة وضحكت بشدة علي حالته وهو يجلس بجوارها واضعا يديه اسفل خده تحدث اليها مروان برجاء
مش ناويه تحني عليا بقى
تحدثت بمشاكسة
هفكر
وقف يتحدث بصوت مرتفع وسط اصوات الموسيقي العالية
شكلي قربت اتجوز انا كمان يا جدعااااان
خجلت فريدة من جنانه وابتسمت بسعادة.
عند العروسين.
اقتربت داليا مع زوجها هشام من عمر ومريم كي يباركون لهم شكرهم هشام علي انقاذهم
لشرف زوجته.
تحدثت داليا الي مريم بسعادة وهما يقفون معا جانبا
هشام هياخدني ونعمل عمره وهناك نطلب من ربنا يكرمنا ويرزقنا بالخلف وكمان هطلب من ربنا يغفر لي ويسامحني
ابتسمت مريم قائلة بسعادة
عمره مقبولة ان شاءالله وبإذن الله ربنا يتقبل منكم ويرزقكم بالذريه الصالحة
ابتسمت لها داليا وشكرتها كثيرا.
كان حفل الزفاف اروع ما يكون سعادة عمر ومريم كانت واضحه جدا وتمنى لهم الجميع بحياة زوجيه سعيدة.
بعد انتهاء حفل الزفاف عاد عمر وزوجته الي شقتهم وقفت مريم تخفض وجهها بخجل اقترب منها عمر يتأملها بعشق قائلا.
انا لحد دلوقتي مش مصدق إن انا اتجوزت بجد
ابتسمت برقه قائلة
ولا انا.. وبصراحه انا عمري ما كنت اتخيل ان انا وانت ممكن نتجوز
ابتسم بهدوء قائلا
فعلا كل شئ قسمة ونصيب ومفيش مخلوق على وجه الأرض يقدر يغير قدر ربنا كتبه واللي يحاول يعمل كده هيتفاجئ بقدر بشع ويرجع يندم ويقول يارتني كنت رضيت بما كتبه الله لان ربنا دايما بيكتبلنا الخير وبيجعل لكل شئ سبب بس الانسان دايما مش بيشوف غير الظاهر قدامه رغم انه عارف ان ربنا الوحيد هو عالم الغيب
تحدثت مريم بسعادة
انا مبسوطة اوي وانا بسمع منك الكلام ده يا عمر مش مصدقه ان انت اتغيرت اوي كده
تحدث بسعادة
انتي غيرتي كل حياتي يا مريم غيرتي نظرتي للحياة وخلتيني اشوف كل حاجه واضحه قدامي وصدقيني انا ندمت فعلا على عمري اللي فات
ضمھا بعشق
بس مفيش ندم تاني انا خلاص لقيت الطريق الصحيح اللي هكمل بيه باقي حياتي
حملها بثوبها الابيض وتحدث اليها بعشق
انا بحبك اوي يا مريم ونفسي ربنا يكرمنا باولاد كتير وكلهم يبقو شبهك
خجلت مريم ووضعت وجهها بصدره ضمھا اليه بعشق واخذها ليكتمل زواجهما كما اكتملت حياتهما وتصبح مريم زوجته رسميا.
النهاية.