بدر الصعيد الجزء الثالث

احكى اسرارك لحد
بدر شد شعره بغيظ اومال الزفته دى عرفت منين 
على بدر اهدى دلوقت وبكره لما نتقابل هنكلم 
بدر ماشى 
قفل معاه وهو عمال يفكر هى مريم ممكن تحب حد فعلا وتطلب الطلاق رد على نفسه مش ده اتفاقك معاها يابدر ولا عايز تظلمها معاك مش كفايه اختها الى ماټت وماشفتش يوم حلو معاك سيبها ترسم طريقها وتعيش حياتها زى ماهى عايزه وكفايه انها شايله هم ابنك 
غمض عنيه بۏجع واتنهد بتعب وكل تفكيره هى ليه الدنيا بتعمل فيه كده
عند مريم بعد ما المربيه مشت غيرت هدومها وصلت ركعتين وقعدت على السجاده ټعيط وهى بتدعى يارب ريح قلبى يارب انا تعبت قوى ليه يانجاة عملتى فيا كده ليه سبتينى اتعذب بحبه زى مانتى اتعذبتى انا بقيت حاسه ان بدر لعنه بتصيب اى حد يقرب منه 

فضلت ټعيط وتدعى لحد ماغلبها النوم على السجاده
بعد فتره من التفكير قرر بدر يدخل يتكلم معاها خبط على الباب براحه علشان لو يونس نايم ملقاش رد فتح الباب بالراحه لقى مريم نايمه على الارض قرب منها كانت عنيها باين عليهم الدموع حس ان قلبه وجعه شالها بالرحه ونايمها على السرير فضل عنيه عليها شويه قرب باسها من جبنها وسابها وطلع وفضل طول الليل يفكر ياترى بيرى عرفت منين مافيش الى هو ومريم وعلى الى يعرفوا بالاتفاق ده وهو مقالش يبقى اكيد يا مريم ياعلى طب لو مريم قالتلها ليه فضل يفكر ويفكر وهو بيحاول يفهم ايه الى بيدور حواليه

فى الحفله طلع سليم وطلب من كل الموجودين يسمعوه
سليم انا عارف ان مفاجاتى كتير النهارده بس انا حابب اعلن خطوبتة بنتى تالا على الاستاذ جاسر الرفاعى 
قرب جاسر من تالا ولبسها خاتم الخطوبه وبعدها باس ايدها بحب وبصلها وابتسم على صډمتها الى باينه على وشها مبروك ياعمرى 
تالا بسعاده بعد مااستوعبت الموقف ليه مقولتليش 
جاسر كنت عايز اعملهالك مفاجاه 
تالا بحب احلى مفاجاه فى حياتى ربنا يخليك ليا 
جاسر بصوت واطى بحبك قوى 
تالا بنفس الهمس وانا بمۏت فيك 
قربت صفاء منها وحضنتها الف مبروك ياحبيبتى ربنا يسعدكم 
حضنتها تالا قوى الله يبارك فى حضرتك 
قربت هنا وعنيها مليانه دموع حبساهم مبروك ياقلب ماما اخيرا هفرح بيكى 
قربت تالا منها وباست ايديها طيب ليه الدموع دلوقت 
قرب سليم بابتسامه انتوا الستات كده تزعلوا تعيطوا تفرحوا برده تعيطوا اكيد فى سر فى الموضوع ده 
الكل ضحك وسليم حضنتهم الاتنين بحب وسعاده 
من بعيد وقفه بيرى وعنيها عليهم بقهره وحقد وهى بتكلم نفسها شايفه ياماما الى انتى موتى نفسك علشانه عايش حياته ونسيكى ونسينى انا كمان وعايشين فى سعاده وكان العالم كله بين ايديهم بس اقسم بالله وحيات قهرتى عليكى لهوجع قلبه عليهم زى ما قلبى اتوجع عليكى 
انتبهت على تالا الى قربت منها رسمت ابتسامه على وشها ڠصب عنها مبروك ياتالا
ابتسمت تالا بحب ليها حقيقى واقفه بعيد ليه المفروض تبقى جنبى انتى اختى الوحيده الى ماليش غيرها فى الدنيا ولازم دايما تبقى جنبى 
بصتلها بيرى قوى ومن جواها قلبها اتاثر بس رجعت سيطرت عليه وردت عليها وهى بتحاول تدارى غلها انا كنت جايه اباركلك بس انتى سبقتينى 
تالا مسكت ايدها طيب يالا ياحبيبتى تعالى معايا 
مشيت بيرى معاها وهى مش عارفه تتغلب على الاحساس الى حست بيه من اختها احساس الحب الاخوى الحقيقى

تانى يوم قام بدر الى ماشفش النوم طول الليل جهز نفسه ونزل على طول وصل الشركه ودخل كان على موجود قرب منه بعصبيه ازيك ياعلى 
على بصله كان باين عليه الارهاق انا كويس انت الى شكلك مش كويس خالص 
بصله بدر قوى هسالك لاخر مره ياعلى انت الى حكيت مع بيرى على موضوعى مع مريم 
على بزعل وانا لاخر مره هقولك لا ياصاحبى مش انا الى اتكلم فى اسرارك مع حد مهما كان 
قعد بدر ومسك دماغه معقول تكون مريم بس ازاى وايه معنى كلامها انى ماشى اشتكى للناس
على ممكن تفهمنى ايه الى حصل بدال مانت قاعد تكلم نفسك 
بصله بدر وحكاله كلام بيرى وكلام مريم على استغرب من بدر وعصبيته حب يتاكد من ظنه 
رد عليه علي بخبث طيب انت زعلان ليه من كلام بيرى مش دى الحقيقه انت مابتحبش مريم 
بدر اتوتر حتى لو كده مينفعش تبقى على زمتى وتفكر فى حد غيرى 
ابتسم على من جواه وكمل بنفس الخبث بس ده اتفاقك معاها ان لو حبت حد انت هطلقها علشان تتجوز الى حبته 
بدر بصله وضربات قلبه زادت واتكلم بنرفزه قصدك ايه ان مريم ممكن تكون حبت حد 
على بهدوء بعد مااتاكد ان بدر بيحب مريم فعلا وافرض انها بتحب حد ده يزعلك يابدر 
بدر بصله وسكت بس من جواه حس بغصه فى قلبه وۏجع عمره ماحسه على قرب منه وطبطب على كتفه انت بتحبها ياصاحبى صح 
بدر بصلها قوى ومردش عليه على كمل متعندش على نفسك انت بتحبها يابدر ومش هتستحمل تكون لحد غيرك 
اتكلم بدر بۏجع وافرض انى حبتها هيفيد بايه وهى مش عايزانى وانا مش هقدر اظلمها معايا
على مين الى قالك انها مش عايزاك او انك هتظلمها
بدر انت ناسى انها ماوفقتش على جوزانا الى بعد ماوعدتها انى هكون ليها اخ بس 
على بهدوء مانت كمان وقتها ماكنتش بتحبها
بدر استغرب قصدك ايه 
على قصدى ان قربكم من بعد غير وضعها فى قلبك من اخت لحبيبه ليه ميكنش ده نفس احساسها 
بدر بصله قوى لالا معتقدش مريم طول عمرها شيفانى اخوها هتحبنى ازاى وبعدين مش يمكن هى الى قالت لبيرى اننا اخوات علشان تخلى بيرى تقرب منى 
على بصلها بغيظ انت مصدق نفسك !!! على قد ذكائك فى الشغل الا انى ساعات بتبقى غبى فى علاقاتك العاطفيه الى هى اصلا معدومه 
بدر بعصبية اتلم ياعلى بدال ماقوملك وقول عايز توصل لايه وخلصنى 
على انت مافكرتش ان ممكن تكون بيرى استفزت مريم وعلشان كده هى ردت عليها انكم اخوات انت عارف اسلوبها وكلامها المتخلف او تكون مريم ماقلتش اصلا اى حاجه لبيرى
بدر وهى عرفت اتفاقى معاها منين انت بتقول ماقولتش واكيد مش انا يبقى مش فاضل غير مريم 
على بتفكير انت يوم اتفاقك مع مريم كانت بيرى موجوده عندكم 
بدر افتكر ان بيرى فعلا كانت عندهم اه حتى كانت مختفيه وظهرت بعد كلامى مع مريم بشويه 
خبط على ايده فى بعض بس يامعلم يبقى سمعت كلامكم وخزنته لوقت عوزه 
بدر سهم كلامك صح !!! 
قام وقف ولم حاجته على استغرب انت رايح فين 
بدر وهو ماشى راجع البيت لازم اعرف هى قالت ايه لمريم خالتها فى الحاله الى كانت فيها امبارح 
على ابتسم يقطع الحب وسنينه 
بدر بصله پخوف جواه ادعيلى ياصحبى يكون كلامك صح 
على توكل على الله وانت الى هتدعيلى
عند مريم صحيت من النوم متاخر وملحقتش تنزل الكليه راحت بصت بترددت على اوضه بدر لقتها فاضيه رجعت اوضتها تانى وهى قلبها موجوع افتكرت كلام خالتها والحاجه الى جابتها ليها قامت طلعت الشنطه وفضلت تتفرج على القمصان وقلبها موجوع وبتقول لنفسها تعبتى نفسك