يوم فرحى استنيت جوزي لكن مجاش وكسرني

بس يانغم انتى كمان
من غير عصبيه ده اللى المفروض يحصل
احنا عرساااان افهمى
ياحبيبى مش هنخلق مشكله على الفاضى المفروض اننا مسافرين كده كده فمش هتفرق فطار فوق ولا تحت خلينا نلحق نجهز شنطنا
ماشى يانغم
علفكره زعلانه منك
ليه بس
بتقولى انتى كماان 
معلش ياحبيبتى من عصبيتى بس
بهزر ياادم طبعا عادى تقول اللى انت عايزه
لا ده احنا نلغى الفطار خالص بقا
لا يلا خد شاور علشان ننزل 
ماشى ياستى هوا 
ربنا يقدرنى عليهم
صباح الخير 
اهلا
تعالى ياحبيبتى هنا جنبى
الفطار ماطلعش فوق ليه ياماما احنا عرسان جداد 
من امتى الفطار فى أوضة النوم هنا فيه نظام كل حاجه ليها مكانها ولا لسه نغم مااخدتش على عيشة الهوانم 
لا مراتي هانم واوى كمان وانا اللى طلبت الأكل يطلع فوق
خلاص انتوا نزلتوا يلا افطروا .... مالكيش فى الشوكه طبعا يانغم كلى زى ماانتى فى طبق وابقى خصصيه ليكى
لا بعرف اكل بالشوكة 
لا يانغم كلى باايدك وانا كمان هاكل بايدى ده الاكل من ايدك طعمه يبقا احلى
حاضر ياحبيبى
بلاش دلع ده ليكم اوضتكم
لا براحتنا ياماما فى البيت كله
المهم عندى جلسه بكره على رجلى طبعا وهتيجى معايا
انا مسافر النهارده شهر العسل 
اجله 
ماينفعش حجزت التذاكر 
يعنى ايه شهر العسل اهم من مامتك
خدى رزان معاكى انى فاضيه مش وراها اى حاجه
سورى يابيبى عندى ميعاد مع اصحابى فى النادى بكره مااقدرش أجله 
يعني النادى ولا امى 
رزان اه زى بنتى بس مش بنتى انت اللى ابنى وهتروح معايا ولا صحتى ماتهمكش 
انا بقول....
خلاص ياادم نأجل السفر يومين ياحبيبى 
كتر خيرك ياحبيبتى انا بقول بلاش سفر خالص هنا حلو وآدم يبقا موجود لشغله برضو
ايه اللى بتقوليه ده ياماما خلاص انا هاجل السفر بكره بعد جلستك تمام كده
تمام ياحبيبى نجوى بصت لرزان ابتسامه نصر 
يتبع
الحلقة 13و
عارف هتعمل ايه يادكتور
طبعا يارزان هانم مفهوم
تمام هم هيوصلوا عندك دلوقتى حالا وفلوسك هتوصلك
كده انا تحت أمرك ياهانم
يلا سلام وقفلت السكه لما نشوف هتعملى ايه يانغم هانم فى المفاجأة دى اتمنى تعجبك اوووى 
اميرة جمال
اهلا ياهانم
ازيك يادكتور
الحمد لله حضرتك جاهزه لجلسه النهارده
اه يادكتور بس حاسه رجلى تعبانى شويه
هنشوف دلوقتى
اه لا كده مش هنعمل الجلسه 
خير يادكتور
نجوى هانم يابشمهندس محتاجه ترتاح أسبوعين بالكتير فى السرير ماتتحركش غير قليل جدا وبعدها نرجع نكمل الجلسات
ليه يعنى كل ده
ممكن كانت تعبانه نفسيا الفتره اللى فاتت او تحت ضغط معين وده أثر على رجلها حضرتك عارف طبعا اهم حاجه الحاله النفسيه للمريض فى العلاج الطبيعى 
اه طبعا فاهم ممكن ممرضه من عند حضرتك علشان تتابع حالة ماما
هى الحاله مش محتاجه ممرضه التزام بالراحه التامه وأكل كويس مع المشى فى الجنينه ساعه يوميا وعلاج وهتبقا كويسه ان شاء الله بس لو حضرتك محتاج ممرضه عندك ماعنديش مشكله
لا يادكتور انا مش عايزه ممرضه ولاحاجه انا هلتزم من نفسي 
علشان تقعد معاكى ياماما واحنا مش فى البيت
هنشوف ده لما نروح يلا بينا وسبقتهم على بره وركبت العربيه وادم سلم على الدكتور واخد نغم وخرجوا وراها ورجعوا على الفيلا 
أميرة جمال
ماوفقتيش على الممرضه ليه ياماما اكيد يعنى رزان مش هتنفعك وتقعد جنبك دى ماقدرتش تيجى النهارده علشان 
النادى هتقعد معاكى ازاى مش هبقا مطمن عليكى
ما هى نغم اللى هتقعد
ازاى واحنا مسافرين لما نرجع مش مشكله 
انت هتسيب مامتك تعبانه وتروح شهر العسل عادى كده
منا قولت ممرضه علشان ترتاحى
لا عايزاك انت ابنى حبيبى تفضل جنبى
ياماما بعد مانرجع حاضر لكن دلوقتى صعب
اهئ اهئ شكرا ياادم
خلاص ياادم نفضل هنا ياحبيبى وبعد مانطمن على ماماتك فى اى وقت يبقا نسافر احنا مع بعض المهم ايا كان المكان بقا
بس يانغم
خلاص بقا ياقلبى هنفضل مع بعض طول اليوم وترجع من الشغل هتلاقينى برضو
حاضر يانغم بس وعد ياحبيبتى هعوضهالك
ان شاء الله ياحبببى بعد مانطمن على مامتك 
ميرسي اوووى يانغم
ده واجب ياطنط تحت امرك دايما
نغم هانم
ايوه ياداده 
واحده اسمها ندى بتقول صاحبتك ومستنياكى بره فى الريسبشن
حاضر جايه حالا. ..عن اذنكم
اتفضلى ياحبيبتى
شوفتى ياماما نغم طيبه ازاى واصيله وبتحبك زى مامتها
اه شوفت انا طالعه اوضتى ارتاح
اتفضلى ربنا يهديكى يا ماما اروح اشوف شغلى وابقا اطلع اوضتى طالما مافيهاش سفر بقا 
أميرة جمال
نغم قلبى 
وحشتيني اووى يانودى
وحشتك ايه يابت ده انا سيباكى امبارح
ندله يعنى انا ماوحشتكيش
لا وحشتيني بصراحه بس فرحتى انك في بيت جوزك وحبيبك مغطيه اكتر قولت اجى اطب عليكى كده قبل ماتسافرى 
لا منا خلاص مش مسافره هقعد هنا ووقت تانى بقا ابقا اسافر 
يانهارى ليه كده
طنط تعبت والدكتور قال محتاجه راحه ورعايه وهى عايزه آدم جنبها وانا اراعيها بقى فلغينا
نعم يااختى هى الوليه دى مش هتتهد ولاايه
يااختااااى وطى صوتك هتودينا فى داهيه
ماهى حاجه تشل 
هتعمل ايه يابنتى تعبت فجأة 
اتلهى تلقاها بتمثل علشان تعكنن عليكى وخلاص
لا مااعتقدش والدكتور اللى أكد انها تعبانه
يبقا تبعها برضو وبعدين ضرتك ماتتلقح تقعدمعاها استاذه خرزانه هانم
هههههههههه فصلتينى بوظتى اسمها خالص
ماهو لازم يبوظ زى خلقتها اللى جايبالنا تلوث بصرى من كتر الدقيق اللى بتحطه عليه
هههههههه كفايه مش قادره همووت
بعد الشړ عليكى ان شاء الله حماتك وضرتك فى يوم واحد بت بقولك ماتحطيلهم سم فيران 
يابنتى اتلمى بقا
حاضر هتكلم جد خرزانه ماتقعدش ليه تخدمها 
دى ماراحتش معاها الكشف علشان عندها ميعاد في النادى عايزاها تخدمها كمان
لا ماانتى زيك زيها ياحبيبتى تخرجى وتتفسحى ولا هى تتدلع لجوزها وانتى تخدمى بس لا ياماما فوقى انتى خلاص بقيتى هانم وماتتنازليش عن ده
انا مش عايزه ابقى هانم عايزه حياه مستقره مع جوزى من غير اى مؤمرات
هم مش هيسكتوا خليكى مفتحه ليهم
حاضر هحاول ربنا يستر
ان شاء الله هيستر وتجيبلهم بيبى حلو كده شبهك 
بإذن الله
اسيبك بقا علشان تشوفى جوزك
اقعدى معايا شويه 
لا خلاص بقا طالما مش هتسافرى هبقا اجيلك وقت تانى
ياريت هستناكى
ماتقلقيش هو انا ورايا غيرك
ربنا مايحرمنى منك
ولا منك ابدا مع السلامه وماتنسيش كلامى
حاضر
أميرة جمال
ايه ياحبيبى عندك شغل
لا خلصت هو ينفع اشتغل فى وجودك برضو
لو عندك شغل خلصه عادى
لالا فاضيلك معاكى اهو نشيل اللاب وخلاص على كده
ماشى
مش يلا بقا
نعمل ايه 
لا والله بتسألى 
اه 
ايه الضحكه القمر دى وبنتكسف كمان
اه بس بقا
طيب تعالى جنبى
حاضر ايه ده الباب بيخبط
يادى النيله نعم مين
انا يابشمهندس
مش فاتح
شوفها ياادم لتكون طنط تعبانه ولا حاجه
مش هنخلص انا عارف ادخلى ياليلى خير
اتفضلوا
يادى العصير قولتلك مش عايز اطلعى بره 
آدم 
استغفر الله العظيم اسف ياليلى متعصب شويه خليه هنا واتفضلى وبعد كده ماتجيبيش العصير
حاضر انا اسفه بس مدام نجوى اللى طلبت منى كده قالتلى كل يوم اطلعه 
لا ماتتعبيش نفسك بعد كده وبالنسبه للعشاء قبل ماانسي ماما طبعا هتاكل فى اوضتها والعشاء هتبقى تجيبهولى انا ونغم هنا
حاضر يابشمهندس عن إذنك 
اتفضلى
ايه ياادم ده
اعمل ايه يانغم فقدت اعصابى
لا ياحبيبى حاول تتحكم فى نفسك شويه مش كده ماتعاملش اى حد بالعڼف ده حتى لو خدام عندك
حاضر انتى اتضايقتى اووى كده
بصراحه اه مااحبش اشوفك كده خلاص وتتعامل بالأسلوب ده مع اى حد
خلاص اوعدك بإذن الله مش هتتكرر وهحاول اتحكم 
بإذن الله 
خلاص فكيها بقا مش عايزك زعلانه
لا خلاص مش زعلانه
طيب يلا نشرب العصير علشان تروقى دمك
مالهوش لزوم
ازعل منك
لا خلاص بس تشرب معايا
موافق ياستى اتفضلى كوبايتك
ميرسي
اميرة جمال
صباح الخير
صباح النور
هو ايه اللى حصل
مش عارف