قسوه العشق

وسلم عليا وقال
دنيا وحشتيني والله 
اتوترت وانا بشوف نظرات عمر الحادة هزيت راسي وروحت اسلم علي اختي وده خلي يوسف يستغرب 
طول الخطوبة وانا متوترة من نظرات عمر ويظهر أن يوسف فهم عشان كده محاولش يكلمني تاني كنت زعلانة اني بخسر الناس اللي بحبهم عشانه كنت بخسر عيلتي بسبب خۏفي منه خلصت الخطوبة وروحت البيت اول ما دخلنا زقني عمر وقال پعنف
يوسف هو أبو اللي في بطنك صح !!
اټصدمت وانا ببصله وقولت
انت اټجننت ده اخويا!!!
ضړبني بالقلم وقال
هو ابو طفلك بټخونيني أنا !!!
ولسه هيهجم جريت علي البلكونة وانا ببكي وبقول 

والله هصرخ والم عليك الناس اعقل يا عمر 
عيونه احمرت من الڠضب وقال
كنتي بټخونيني مع يوسف بس انا النهاردة ھقتلك انتي وابنك 
وجري عليا عشان يزقني بس في آخر لحظة بعدت واللي حصل أنه فقد توازنه ووقع من البلكونة لأن الحاجز كان واطي جدا 
صړخت وانا بحط أيدي علي وشي عشان مشوفش اللي حصل فجأة صراخه هدي فبصيت عليه من البلكونة ولقيته علي الأرض مفتح عينيه والدم بينزل جامد من راسه
عمر!!!
يتبع..
ربنا يصبرك يا حبيبتي 
قالتها لي واحدة وهي بتحضنني في عزا عمر كنت ساكتة وانا مصډومة لسه مش مستوعبة خبر مۏته مش مصدقة اني اتحررت من العڈاب ده كانت مشاعري متلخبطة مش عارفة حاسة بالحزن ولا الفرح بس فيه راحة كبيرة كانت في قلبي اني مش هتضرب بعد النهاردة مش هتهان بعد النهاردة اخيرا هحس بالأمان كنت في عزا جوزي ورغم كده منزلتش ولا دمعة كنت وخلاص ساكتة من برا بس جوايا كان ضجيج كتير جوايا اصوات مبتسكتش .
خلص العزا ومر يومين وانا قاعدة في البيت رافضة استقبل اي حد حتي أهلي بوضوح قولتلهم ان محدش يجي عندي بس أصروا يتقربوا خصوصا لما عرفوا بموضوع الوصية .
في يوم ام عمر والمحامي جم عندي فجأة عشان يقولولي علي حاجة صدمتني 
نعم!!ازاي يعني مش فاهمة !
قولتها بذهول فقربت مني ام عمر وقالت
يعني زي ما سمعتي يا دنيا عمر كتبلك كل حاجةفلوسه اللي في البنك والعربية بتاعته حتي البيت ده وبيت المزرعة بقا ليكي .
سكتت بذهول فقام المحامي وقال
جهزي نفسك يوم اعلان وصيته لانك المالكة الوحيدة ليه 
وبعدين مشي ..
مسحت ام عمر دموعها وقالت
عمر كان بيعشقك اووي 
اول ما قالت كده ضحكت بسخرية وقولت بۏجع
بيحبني !! متقنعنيش أن حضرتك متعرفيش الچحيم اللي أنا كنت عايشاه بسبب ابنك ايه مش باين علي وشي كمية الكدماټ اللي سببها بسبب ضربه ليا كأني بهيمة 
بكت ام عمر وقالت
بس كان بيحبك كان بيعشقك
صړخت پقهر وانا بقول
عشق ايه اللي يخليه يضربني بالطريقة دي لحد ما يكسر عضمي يشوه جسمي ويشك اني علي علاقة بأخويا في الرضاعة !!!ده حب برأيك!!
مسحت دموعها وقالت
هو مكانش طبيعي ..انا عارفة ده من زمان ..عمر دايما كان بيلجأ للعڼف وده بسبب والده الله يرحمه ويسامحه جوزي محمود مكانش طبيعي برضه ..كان عڼيف بيضربني انا وعمر لدرجة أنه مرة كسر ايد عمر وهو عنده خمس سنين ابني طلع معقد زيه ..وهو عنده عشر سنين اكتشفت أنه بيمسك الحيوانات وېقتلها بيفضل يخنق فيها لحد ما ټموت فضلت في المعاناة لحد ما جوزي ماټ بس عمر مرجعش لطبيعته ..
حطت عينيها في الأرض وكملت بكسوف
كنت خاېفة اوديه دكتور نفسي ليتفضح ويقولوا عليه مچنون عشان كده لما شوفتك فكرت انك انتي هتصلحي حاله 
ليه هو انا مفك هصلح اللي اتكسر جواهأنا إنسانة وابنك دمر حياتي 
مسكت أيدي وقالت
بس ابني الله يرحمه ماټ وكلامك عن الماضي مش هيغير عيشي الحاضر طلعي ابنك او بنتك اللي جاي في الطريق اسوياء نفسيا متغلطيش غلطتي 
بعدين سابتني ومشيت 
أعلنوا الوصية واخدت كل الفلوس طبعا ابويا بدأ يعاملني بحنان عشان ياخد فلوس مني بسبب ديونه اللي كتبت رفضت تماما اديه حاجة لأن دي كانت فلوسي وفلوس ابني وغير كده مقدرتش انسي اني في يوم كنت ھموت وهو اتخلي عني قررت فعلا مبكيش علي الماضي واعيش الحاضر بسعادة بعدت عن اهلي وروحت لأخصائية نفسية عشان تعالج الضرر النفسي الرهيب اللي حصلي بسببه وتابعت
معاها لشهور 
وطبعا الفلوس الكتيرة اللي سابهالي عمر قررت استغلها في حاجة افضل .
بعد سنتين .
كنت مبسوطة وانا بشوف حلمي اخيرا اتحققكنت شايلة بنتي وضماها ليا قبل ما اطلع الاستيج اديت رحمة بنتي لمنال دكتورتي النفسية وقولت
خلي بالك منها
هزت راسها فطلعت انا بسرعة علي الاستيج تحت يافطة مؤسسة واخيرا أصبح للنساء صوت للمعنفات 
ابتسمت وانا بشوف عشرات الستات قدامي بتسقف ليا وهما مبسوطين اتكلمت وقولت
انا اختارت اسكت زمان لأن محدش كان معايا لأن ابويا اللي هو سندي اول واحد تخلي عني رغم اني كنت حاسة بالقهر اني ساكتة وبتضرب بس دايما كنت بدعي ربنا ينجيني كنت بطلب اي فرصة عشان اصحح حياتي ودلوقتي أنا حاسة ان حياتي بقت احسن أنا زمان سكت عشان مليش حد الا ربنا عشان كده استنجدت بيه وهو نجدني وخلاني سبب لانقاذ ستات معنفة كتير عشان كده بقول دايما لكل ست معنفة في بيتها متسكتيش احنا بعد ربنا معاكي احنا هنساعدك مؤسستنا هتفضل تدعمكم للأبد لحد ما نقضي علي العڼف ضد الستات 
صقف الكل ليا وانا مبسوطة اووويحسيت اخيرا أن حياتي بقت ليها معني قصتي بقت مغزي للكل عشان ميسكتش وانا واثقة أن بعد النهاردة مفيش ست هتسكت عن الظلم
تمت