شغلتك ايه فى المطعم كامله
انت في الصفحة 1 من 4 صفحات
وانتى شغلتك اى فى المطعم .
بصوت منخفض يووه جينا للسؤال اللى يضايق
عليت صوتى وقولت انا شيف فى المطعم دا .
اووه على كدا بتعملى اكل حلو .
بتلقائية بص ومتضحكش انا بحمر اى حاجه يعنى بحمر الشعريه والمكرونه والفراخ اى حاجه فيها تحمير بتكون انا .
ضحك بصوت عالى وفضل يكح دقيقه اتنين هدى وقال دا بجد .
هزيت دماغى بضيق ظهر على ملامحى وقولت بجد اه .
طب ودى اتوظفتى فيها ازاى .
رفعت راسى بتعالى وقولت مدير المطعم صاحب بابا اللى هو باباك ف فيوم جيت هنا انا والعيله ناكل فكان عندهم نقص فى الشيف وكدا فنادى عليا اساعده عملت فى اليوم دا رز بالشعريه وحمرت فراخ وبسله وشيبسى فاعجب باكلى وبتحمرى للاكل فاشتغلت وبقيت شيف بس للتحمير .
ولا اقولك تسلمى على الاكل الحلو ولا على التحمير الحلو وفضل يضحك .
بصتله من فوق لتحت وقولت بضيق وڠضب متقولش حاجه ومتجيش من اساسه دا انت ر..خم
انا كاميليا عندى 23 سنه وبشتغل شيف فى المطعم دا والر..خم دا ابن صاحب بابا مدير المطعم للاسف المدير تعبان شويه وابنه بداله هنا والبيه بيتريق على شغلى اللى ابوه بيقدره جدا والناس بقت تيجى كتير هنا علشان تاكل الرز بالشعريه بتاعتى والاكل بتاعى وبيشكروه فيه جدا .
خلصت اليوم والمطعم قفل وروحت نمت قولت كويس ان الر...خم دا مغلسش عليا بقيت اليوم .
قمت من النوم علشان اروح المطعم لقيت الفون بيرن رقم غريب فتحت الخط وقولت الو ازاى يعنى انهارده اجازه هو حضرتك بتستعبط طب سلام .
بقى الر..خم دا بيستعبط لبست وروحت لوالده فى البيت ..
وصلت وزوجته رحبت بيا وطلعت اشوفه فى اوضته ...
ازى حضرتك . الحمد لله اتفضلى يا بنتى اقعدى .
شكرا ليك اخبار صحتك ايه .
بخير الحمد لله انتى اخبارك ايه والمطعم عامل اى .
كويس الحمد لله بس ناقص حضرتك تنوره .
ان شاء الله قريب و طه عامل معاكى اي ..
باستغراب طه مين ..
هههه متعرفيش ان ابنى اسمه طه وشغاله معاه بقالك ٣ ايام ومتعرفيش اسمه ههه .
اتفضلى يا بنتى.
پغضب طفيف انهارده ابن حضرتك قفل المطعم وقال ان النهارده ناخده اجازه وكدا مينفعش مينفعش يقفله واحنا لسه فى نص الاسبوع .
ضحك وقال بسيطه يستى هجبلك مفتاح المطعم وافتحيه انتى كل يوم والفاشل ابنى دا سيبيه عليا
لا يعمو مش هاخد المفتاح انا بس بعرفك علشان مينفعش يقفله كدا
استأذن أنا .
طب ممكن تفتحى الدرج دا من فضلك.
فتحت الدرج واصر انى اخد المفتاح اخدته و نزلت لقيت طه دا طالع استغفرت ربنا ابتسم وقالى دا اي النور دا
