روايه جديده بقلم ليدي

وقت
عادت ياسمين الي منزلها وضعت الاغراض التي اشترتها ودخلت الي غرفتها وجلست علي سريرها تحدث نفسها
يعني من بين العالم كله احبك انت ياخالد 
انت جوز صاحبتي 
ياريتني ماشوفتك ولا عرفتك 
بس الحب ده ڠصب عني مش بإيدي اعمل ايه
انا متأكده لو كان شافني من زمان قبل علا كان حبني انا واتجوزني انا
لان كل واحد فينا عنده اللي التاني عايزه
ايه ده خالد بيحب علا وعلا دي تبقي صاحبتك ياياسمين
ايوه انا لو كنت شايفاها بتحبه وبتهتم بيه كنت هابعد وادعيلهم بالسعاده كمان 
علا مش في دماغها خالد اصلا وهو كده كده اكيد مش هايستحمل اكتر وهايسيبها يبقي انا اولي بيه 

انا اللي حبيته بجد وانا اللي هاسعده 
ثم وضعت رأسها علي وسادتها لتنام وهي تحلم بأن خالد قد اصبح لها
وفي اليوم التالي وبعد انتهاء علا من يومها في المشفي ذهبت الي البيت واعدت الغداء ووصل خالد وتناولا الطعام سويا
جلست علا في غرفه المعيشه وامسكت هاتفها واتصلت بهدي فهي لاتعرف عنها شيئ منذ ايام
هدي السلام عليكم
علا وعليكم السلام ازيك ياهدي
هدي بصوت واهن الحمد لله كويسه
علا مال صوتك شكلك مش طبيعي
هدي والله ياعلا دور برد موتني . بقالي تلات ايام مش بروح المدرسه اصلا مش قادره اتحرك
علا لا الف سلامه ياهدي معلش انا اتشغلت شويه عنك والله ڠصب عني
هدي ولا يهمك ياحبيبتي المهم انتي عامله ايه وحشتيني اوي
علا الحمد لله كويسه بس انا مش مطمنه عليكي صوتك صعب اوي . انتي بتاخدي علاج 
هدي اه روحت كشفت وباخد علاج اد كده مضاد حيوي ومسكن وحقن لما انتهيت
علا هو جوزك عندك
هدي لا لسه نازل مامته تعبانه برضه وهيوديها للدكتور
علا الف سلامه عليها
هدي الله يسلمك ياعلا . ماتيجي اشوفك
علا حاضر هاقول لخالد واشوف وهاتصل بيكي مع السلامه
اخبرت علا خالد بمرض هدي واستئذنته في اعادتها فسمح لها 
ارتدت ملابسها واتصلت بياسمين لتاخذها لزياره هدي فقد سبق ان تعرفت هي علي ياسمين
اخبرتها ياسمين انها ستأتي بالتاكسي وتنتظرها بالخارج
ذهبت علا برفقه ياسمين الي هدي لزيارتها وبالفعل كانت هدي تبدو ذابله ليست كعادتها 
كانت ملازمه للفراش ولا تستطيع القيام باي شيئ 
سلمت عليهما
هدي اهلا وسهلا اتفضلو نقعد في الصالون
علا لا احنا مش اغراب خليكي في الاوضه اللي كنتي فيها مرتاحه واحنا هانقعد معاكي
دخلن الي غرفه النوم وحملت كل منهما مقعدا بيدها لتجلس عليه
هدي تشربوا ايه بقي
علا لا مافيش داعي احنا هنتطمن عليكي ونمشي علي طول
هدي لا والله لازم تشربو حاجه 
علا بتحلفي ليه بس خلاص انا هاروح اعمل شاي 
اصلي عارفه الطريق من ساعه العزومه 
دخلت علا المطبخ وجدت بعض الاطباق متسخه في الحوض فعزمت علي غسلهم اولا ثم تصنع الشاي بعد ذلك
كانت ياسمين تجلس مع هدي ولا تتحدث فعندما تعرفتا الاثنتان لم يكن بينهما وفاق
هدي معلش اول مره تيجي بيتي وتلاقيه مبهدل كده
ياسمين لا ولا يهمك عذرك معاكي وبعدين البيت حلو مش مبهدل
ثم ساد الصمت مره اخري 
فكرت ياسمين ان تستفيد من الجلسه وتأخذ بعض المعلومات من هدي
ياسمين علا قالتلي ان جوزك مهندس مع خالد في نفس الشركه
هدي اه فعلا عمر وخالد اصحاب من ايام الجامعه واشتغلو في نفس الشركه سوا
ياسمين بس شغلهم صعب ودقيق برضه ومتعب
هدي طبعا ماهو بيتعلق بأرواح بشړ وما ينفعش فيه الغلط
ياسمين ربنا معاهم..... بس علي كده الشركه دي كويسه وبتقدر تعبهم يعني المرتبات تستاهل التعب 
هدي الحمد لله ......... بس حصلت عندهم من اسبوع كده شويه مشاكل
ياسمين خير ايه اللي حصل
هدي في واحد ربنا يهديه بقي شغال في الحسابات وتقريبا اغتلس او سرب معلومات عن مناقصه حاجه زي كده المهم انه خسر الشركه ومش بس هو دول كانوا عصابه يعني كذا واحد ربنا يهديهم والشركه لسه مقلوبه لحد دلوقتي
ياسمين معقول فيه ناس كده ربنا يستر عليهم
دخلت علا وفي يدها الشاي وجلست وضعت الصينيه علي التسريحه
هدي ياخبر ممكن الشاي يلقط ريحه من البرفيوم
ياسمين ايه ده البرفيوم ده شكله حلو اوي
علا اه داخالد جابلي نفي العلبه دي بس لسه ما استعملتهاش بيقولي دي اكتر ريحه بتعجبه
هدي اه دي جميله ياعلا استعمليها مادام خالد بيحبها
قامت ياسمين من مكانها واخذت الزجاجه وقرأت اسمها ووضعتها مره ثانيه
ياسمين جميله فعلا وهاديه
هدي عقبالك