روايه رائعه وكامله الكاتبه مورو مصطفى
اه والله وحشوني قوي متشوقة اشوفهم قوي انا ح اتفق مع فريدة تيجي قبل الفرح بكام يوم
جميلة اه ياريت والله وقاموا الاثنان بالاتصال بفريدة وسعاد وظلوا يتحدثون معهم واتفقوا معهم علي ان يحضروا أول الأسبوع القادم ويمضوا معهم أسبوع قبل الفرح ومضي الوقت حتي ذهبوا في النوم سويا
فريدة ماما ياماما
سعاد نعم يافريدة عايزة ايه حبيبتي
فريدة خلاص ياماما أنا جهزت كل حاجة زي ماحضرتك طلبتي
سعاد طيب كويس لازم تكون زيارة معتبرة الناس دي كانت شيلانه علي رأسها لما كنا هناك
فريدة ايوه فعلا ياماما يااااااااااااه وحشوني قوي عمو عبد الحميد وطنط رباب كلهم كلهم الفترة اللي عشناها هناك كانت فترة حلوة قوي
فريدة أنا نفسي اغمض وافتح الاقيني هناك
سعاد ان شاء الله حبيبتي خلاص هانت بكرة ح تبقي عندهم.
كان عبدالحميد يجلس وبجواره رباب وجميلة ولمياء يجلسون امامه
عبدالحميد بجولك يا رباب حضرتي حالك والموطرح اللي ح تنزل فيه الست سعاد وفريدة بتها
رباب ايوه يا حاج كل حاجة جاهزة وحضرت كمان موطرح أدهم وكاميليا وفارس بس يعني بعد اذنك ياحاج اني خليت أدهم وعيلته معانا أهنا لكن كارم ومراته وولاده خليتهم في الجناح اللي بره الدار انت عارف البنات مش بيرتاحوا لا مع زينة ولا معتز فضحك عبد الحميد
رباب اني جلت لها الفرح الجمعه جالت لي ح ياجوا الخميس الصبح واكده احسن من لما ياجوا بدري
لمياء والله يا أمي لولا العيبة كنت جولت لك ماتجوليش لهم اني مابرتاحش معاهم ولا حتي جاسر اني خابرة ازاي انتم خوات انتي حاجة وهي حاجة تانية واصل فقرب عبدالحميد رباب اليه وقبل رأسها
عبدالحميد هو في زي أمك يابتي هما تنين ماكانوش يتخيروا عن بعضيهم أمك والمرحومة نسمة الله يرحمها كانت هي واخوي كانهم ملايكة صوح الله يرحمهم ونظر لجميلة وجد عيونها تترقرق بالدموع جميلة يابتي اوعاكي تبكي عاد اكده ازعل منيكي فمسحت جميلة دموعها ونظرت له ثم قامت من مكانها قبلت يده ويد رباب
رباب ربنا يطرح فيكم البركة يابتي المهم يابنات في اي حاجة ناجصة
جميلة لاه خلاص كل حاجة تمام يا أمي
رباب هي سعاد وفريده جايين مېتي
لمياء بكره يا أمي فريدة كلمتني وجالت انهم ح ياجوا بكره
رباب طيب يابتي ياجوا بالسلامة
ومضت الأيام وكان المتبقي علي ميعاد الفرح ثلاث ايام وكانت فريدة وجميلة دائما مع لمياء
فريدة بت ياجميلة ح تلبسي ايه
لمياء صحيح ياجميلة انتي ليه رفضتي تشوفي حاجة يوم ما كنا بنشتري فستان الفرح فخجلت جميلة
فريدة قولي قولي
جميلة جاسر قالي ماتجبيش حاجة دلوقتي
لمياء ياسلام ياختي وانتي سمعتي كلامه اخص عليكي ياجوجو وافرضي نسي
جميلة ماتقلقيش أنا حاسة انه مش ح ينسي وياستي لو نسي أنا عندي فستان جديد لسه ماتلبس كنت اشتريته ومالبستوش
لمياء اووووووووووووووف بقي من جاسر ده
جميلة صحيح طنط كاميليا وعمو أدهم وفارس ح يوصلوا كمان شوية يالا نلبس ونحضر نفسنا علشان ننزل
وهبط ثلاثتهم الي الأسفل وكان يجلس عبد الحميد و رباب و سعاد وهبط الثلاث بنات للاسفل وجلست لمياء في المنتصف بين جميلة وفريدة وكانوا يدغدغونها والباقي يضحكون عليهم وفجاءه سمع عبدالحميد صوت يعرفه جيدا فابتسم وقام من مكانه واستدار للخلف فقد كان أدهم الأسيوطي ومعه زوجته وخلفهم جاسر وأحمد ومعهم فارس
أدهم كيفك ياود زيدان ففتح عبد الحميد ذراعيه واحتضن أدهم بشده وهم يخبطون يدهم علي ظهر بعض
عبدالحميد اني بخير كيفك ياود الأسيوطي اتوحشتك ياغالي ودخلوا جميعا وفجاءه وقف فارس مشدودا مكانه وهو ينظر لفريدة التي خجلت وأحمر وجهها فنظرت أرضا وانتبهت على صوت رباب
رباب اتفضلوا اتفضلوا نورتونا والله كيفك يا كاميليا ياخيتي تعالي أعرفك دول برضك أهلنا وناسنا
البارت السابع
كان دائما جاسر يجلس مع فارس وأحمد وفريدة دائما مع جميلة ولمياء وكانت دائما عيون فارس تتابع فريدة في أي مكان ولاحظ جاسر هذا
جاسر بقولك ايه يامعلم لم الدور بدل ما بعترك فضحك فارس وأحمد علي كلام جاسر
فارسوالله نيتي سليمة ياارخم خلق الله جتك مصېبة فصلتني
جاسر عارف بس غض بصرك يا فارس لغاية ماتعرف ناوي علي ايه
فارس عندك حق ياجاسر أنا غلط فعلا بقولك ايه ياجدع هو مش بكره الحنة ناويين تعملوا ايه
جاسر الحريم ح يكونوا هنا لكن احنا ح نروح دار أحمد القديمة
ومضي اليوم وذهبوا جميعا للنوم وكانت فريدة وجميلة ينامون مع لمياء ولا يتركونها لحظة واحدة
و أتي الصباح وكان العمل في الدار على قدما و ساق كان البنات في جناح لمياء وانضم لها بعض من زميلاتهم في الجامعة وكانوا يشغلون الأغاني ويرقصون وهم فرحون بها كثيرا وأكثرهم فرح كانت جميلة التي لم تهمد للحظة فكانت بين انها تغني لها او ترقص او تطلق الزغاريط وكانت في نفس الوقت تهبط للأسفل حتي تري أمها هل تريد شئ وكانت سعاد وكاميليا مع رباب يدهم بيدها وكانت كاميليا تحتضن جميلة بحب وتقبل وجنتها وهي سعيدة بها
كاميليا عقبالك ياجوجو نفرح بيكي قريب ياحبيبتي وفجاءه استمعوا لصوت حسناء وهي تضحك
حسناء وهي طول ماهي عاملة زي الغفير كده حد ح يبص لها ولا يعبرها ولكن فجاءه وجدت جاسر ېصرخ بها فارتعدت قليلا فهي تعلم ان جاسر لايسمح لأي شخص بالاقتراب من جميلته
جاسر خااااااااالتي خلي كلامك لبتك احنا بناتنا بيحافظوا علي نفسيهم مش سبيل لكل من هب ودب
حسناء قصدك ايه يا ابن اختي دي طريقة كلام تكلم بيها خالتك
رباب حسناء لمي الدور وسبج وجلت لك جبل اكده مالكيش صالح ببناتي
حسناء هو أنا كنت جيت جنب بنتك فوضعت جميله وجهها ارضا فاقتربت منها رباب وقبلت رأسها ووجنتها واحتضنت يدها
رباب جميلة بتي جبل لمياء ياحسناء ومش ح اعيدها تاني يابت أبوي خليكي في بتك ومالكيش صالح ببناتي يالا يا جوجو اطلعي حبيبتي لخيتك وإني ح ابعت لكم الوكل لفوج فقبلت جميلة يدها وابتسمت لها
جميلة حاضر يا أمي عن اذنكم
جاسر استني ياجميلة اني طالع معاكي أصل الجو أهنا يخنج وعايز أشوف خيتي كمان وتحرك جاسر للصعود ولكن تفاجأ بمن تمسك ذراعه وتتعلق به ووجد انها زينة
زينة جسور وحشتني هاي جميلة ولكن تفاجأت بدفع جاسر ليدها بقوة حتي كادت ان تقع
جاسر هو انتي معندكيش خشا ولا حيا كيف تحطي يدك علي يدي مرتي انتي اياك علشان تلمسيني
زينة جاسر أنا كنت عايزة أسلم عليك أنت وحشتني
جاسر وأيه وحشتني دي استغفرك ربي واتوب اليك بجولك ايه يازينة أنتي أهنا في الصعيد شغل البندر بتاعكم ده مش عندينا حمدلله على السلامة يابت خالتي ودلوك بعدي من وشي جميلة ابجي جولي للمياء ترد علي الموبيل ح اكلمها اني خارج دلوك اطلعي انتي على فوج
جميلة حاضر ياجاسر سلام عليكم
جاسر وعليكم السلام ورحمه الله اه بلغيهم فوج عنديكم محدش يطلع من جناحكم لحدت ما أكون أني اهنا أو أبوي سامعة ساعتها ح نبلغكم مش عايز أشوف طرف واحدة منيكم بره ولو في بت من اللي عنديكم عايزة تمشي كلموني اجي لكم
جميلة لاه ماتخافش كلاتهم جاعدين للعشية النهاردة الحنة ولازمن نهيصوا للمياء وكل واحدة منيهم ح ياجي حد علشان ياخدها من أهلها
جاسر خلاص اطلعي انتي دلوك
جميلة حاضر عن اذنك وسمعت زينة تضحك
زينة وهما دول يتخاف عليهم هو في حد يبص عليهم برضه وهما كده فنظر لها جاسر باحتقار وتركها وانصرف فضړبت الارض بقدمها ونظرت لامها ولم تنتبه ان كاميليا والدة فارس موجودة شايفة يامامي بيعامل المتخلفة دي احسن مني اوووووووووف أنا زهقت صحيح معاهم فلوس قد كده بس متخلفين وكانت حسناء تحاول ان تنبهها ولكنها فشلت وضحكت كاميليا عليهم
كاميليا معلش يازينة اصل المتخلفة دي تليق علي المتخلفين اللي زي جاسر وفارس فشهقت زينة عندما سمعت صوت كاميليا وحاولت استدراج الموقف
زينة انطي كاميليا ازي حضرتك أنا اسفة ماشفتش حضرتك
كاميليا معلش يا زينة ولا يهمك عن اذنكم يالا ياسعاد تعالي نطلع للبنات فوق
سعاد يالا ياحبيبتي بس نقولوا لرباب الأول وانصرفت سعاد وكاميليا تاركين حسناء وزينة ياكلون أصابعهم من الغيظ وصعدوا الي الأعلي ودخلوا للبنات واقتربت كاميليا من جميلة
كاميليا أنا حبيتك قوي ياجميلة أخلاقك وأدبك وتربيتك فعلا تربية رباب وعبدالحميد ربنا يحميكي ويحرسك من العين ياحبيبتي اوعي تزعلي من اللي حصل تحت فابتسمت جميلة
جميلة اولا ميرسي جدا ياطنط علي كلام حضرتك أنا كمان حبيت حضرتك والله وبعدين أنا ياما بسمع من زينة وطنط حسناء انا ولمياء وعلشان كده خلاص مش بقينا بنهتم بنسمع وخلاص الأول كنا بنزعل وننقهر من كلامهم لكن دلوقتي خلاص
سعاد ربنا يكملكم بعقلكم يابنتي يالا يا بنات هيصوا يالا قوموا يالا ارقصوا
