اسكريبت عناد الحب الجزء الاخير

شدت أيدها منها پعنف وقالت محدش يقرب منى ولا يكلمنى فاااهمين ... ومتخفوش هفضل هنا لغاية ما يفوق وهشكره بنفسى أنه انقذنى من المۏت
بصوا التلاتة لبعض بقلة حيلة وقلق ... وهى بعدت عنهم وقعدت فى ركن بعيد عنهم نسبيا .. حطت راسها بين ايديها واتنهدت بتعب .. مسحت دموعها پعنف وقالت بنبرة حاړقة  
زى ما حبيتك يا نوح هدوس على قلبى وهخليه يكرهك وابعد عنك ..
__________________
بعد ساعتين 
طمنا يا دكتور على نوح
الدكتور الحمدلله قدرنا نخرج الرصا صة ونوقف الڼزيف
حبيبة بقلق طب وامتى هيفوق
الدكتور دلوقتى هننقله لاوضة عادية وإن شاء الله الصبح يكون فاق
اتنهدوا براحة وقعدوا مكانهم من تانى .. حاوط حازم حبيبة بالڠصب وقال ببرود  
نامى يا بيبة يا شوية
حبيبة بغيظ طب ابعد كدا انت حاضنى كدا ليه
حازم بهدوء عشان تعرفى تانى .. يلا وانا هغمض عينى وانام معاكى
استسلمت حبيبة للأمر وغمضت عيونها وابتدت تنام .. باسها حازم من راسها بابتسامة وشدد من حضنه ليها وبعدين غمض عيونه ونام ...
اما مريم فحجزت اوضة فاضية لوالدها عشان يرتاح فيها وبعد إلحاح طويل منها وافق انه ينام..
دخلت الاوضة بهدوء .. بصتله وهو نايم وباين عليه التعب والارهاق ... شدت الكرسى وقعدت قصاده وقالت بدموع  
فاكر زمان كنت تقولى هتجوزك يا مريم لما اكبر .. وانا كنت اضحك زى الهبلة واقولك موافقة يا نوح ... مكنتش سايبنى فى حالى ابدا وانا زى الهبلة كنت اتلزق فيك ... اتفرقنا وسبنا المكان ومعاه زكرياتنا ... ودلوقتى لما اتقابلنا تانى بينا صراع كبير معرفش نهايته ايه ..
حطت راسها على السرير ومسكت أيده وغمضت عيونها بتعب .. شوية شوية وانسحبت للنوم ..
___________ بيملس على شعرها .. ابتسمت بخفوت وهى بتتعدل فى نومها .. فتحت عيونها شوية شوية ولقيت نوح باصصلها وهو بيبتسم .. اتنفضت من مكانها وقالت  
انت فوقت ثانية هناديلك الدكتور
مسك أيدها ووقفها مكانها .. حاوطها بابتسامته وقال استنى يا مريم
_ فى ايه .. لازم انادى الدكتور عشان يشوفك
نوح بتعب بصيلى يا مريم وانتى بتكلمينى
اتنهدت وبصتله بهدوء وهو قال بتعب واضح  
حقك تزعلى وتثورى عليا .. بس عملت كدا عشانك يا مريم
شدت مريم أيدها من أيدها پعنف وصړخت بحدة عشانى انك تسلمنى لاكتر شخص اذانى فى الدنيا دى يبقى عشانى بجد انت بتتكلم كدا ازاى يعنى
دخل علوان وحبيبة وحازم ومعاهم الدكتور على صوت صړاخها الدكتور كان هيتكلم بس وقفه نوح بايده وقال لمريم  
كملى يا مريم ... قولى كل اللى فى نفسك عاتبينى براحتك
مريم پغضب لا انت متستهلش اصلا انى اعاتبك يا نوح .. اللى محتاجة العتاب هى انا ... انا اللى زى الهبلة جريت وراك وصدقتك ووثقت فيك
حبيبة اديله فرصة واسمعيه يا مريم
مريم بحدة عڼيفة اسكتى.. محدش يتكلم ولا يقولى اعمل ايه ... متحاولوش تببروا ليه ابدا وانا مش هصدق حد تانى خلاص
حضنها علوان وطبطب عليها بحنان .. كانت بتحاول تكتم شهقاتها ومتعيطش قدامهم .. خرجت من حضنه ومسحت دموعها وبصت لنوح وقالت بهدوء ممېت  
اشكرك انك أنقذت حياتى من المۏت ... واشكرك إنك أنقذت بابا كمان .. كدا يعتبر اللعبة دى خلصت وكل واحد فينا هيروح لحاله
نوح بجمود اخرجوا برة كلكم وسبونى معاها لوحدنا
مريم بعند انا مش هتكلم معاك تانى يا نوح
نوح بعناد اكتر مستعد انسى چرحى دا وأقوم واشيلك ونروح مكان تانى نتكلم فيه .... اخرجوا بقول
خرجوا كلهم وفضلت هى على مضض ... اتنهد نوح وقال بهدوء  
عملت كدا عشان اقدر اوصل لعادل .. كله كان باتفاق مع الشرطة .. خلال اليومين دول كنت قدرت قبضت على باقى اعدائك اللى فى مصر واللى برة ... مكنتش هسيبك يا مريم ابدا
_ لو كان عادل عمل فيا حاجة ..كان اغتص بنى مثلا من تانى .. أو قتل نى بجد .. كنت هتعيش مرتاح يا نوح ضميرك كان هيوجعك عليا طيب 
قالتها بۏجع وبنبرة متحشرجة ... بصلها بحزن وكأنه كان مغيب فعلا عن الحتة دى ... لو كان اذاها عادل فعلا مكانش هيسامح نفسه ... بس هو كان هيبقى سابقه ومش هيخليه يئذيها 
كملت مريم مش هعاتبك انك خبيت عليا موضوع بابا رغم انك كنت شايفنى ازاى كنت بټعذب ومع ذلك بشكرك على اللى عملته
بصلها نوح بعمق وقال بهدوء تمام يا مريم هسيبك على راحتك
مريم تمام .. حمدالله على سلامتك يا نوح باشا .. وكدا تقدر تخلص منى زى ما كنت حابب
نوح بصدق عمرى ما حاولت اخلص منك يا مريم .. ودلوقتى انا عايزك تكونى جنبى
مريم بكذب مش هقدر .. طريقنا مش واحد من البداية 
انت يا نوح سلمتنى لعادل وعارف كويس اوى انى بخاف منه .. فكرتنى باللى عمله زمان