رحم للايجار كامله

ولا حاجة. انا والله شوفتك معاه قولت اكيد صاحبه الدرفة دي لازم تبقي ظابط.
مؤمن بيعض علي شفايفة من الغيظ ضرفة انا ضرفة تصدقي عيب.
شيري ابتسمت اسفة مش اقصد بس بجد انا بحب الظباط انتم اصلكم جامدين كدة وشغلكم جامد.
مؤمن غمزها اااه وربنا جامدين مش قادر اقولك. ماتيجي نطلع اي اوضة في الفندق نكمل تعارف.
شيري اڼصدمت وپغضب انت اټجننت انت ازاي تقولي كدة. تصدق ان انا غلطانة اني وقفت مع واحد زيك انت مش محترم عن اذنك.
مؤمن وقفها استني بس هفهمك.
شيري تفهمني ايه بعد اللي قولته.
مؤمن ابتسم اسف والله ماتزعليش. انا بس لازم اعرف اللي قصادي سكته ايه.

شيري پغضب وعرفت ! عن اذنك بقي.
مؤمن وقفها تاني وابتسم بإعجاب خلاص بقي مايبقاش قلبك اسود. تعالي بس نكمل كلامنا.
شيري بتحاول تفضل زعلانة وتداري ضحكتهاولو لخبطت تاني
مؤمن قطع لساني هو انا اقدر. تعالي بس بالفستان الاسود ده انا اعصابي بايظة اصلا.
شيري هههههههه. باين عليك مصېبة ماشي تعالي لما اشوف اخرتها.
شهاب بيتلفت عليها مش لاقيها وشاف مهاب ونغم بس هي مش معاهم. حس انه اتخنق خرج برا في الجنينة برا القاعة وفضل واقف بيحاول يهدي نفسه . لحد ما شافها واقفة وحاطة ايديها في جيبها وساندة علي شجرة وعقدة حاجبها وشكلها متعصب. اتنهد براحة وابتسم بس ابتسم زيادة وهو يحرك راسه بيأس من دماغها الناشفة لما شاف لبسها. قرب منها بهدء وهو حاطت ايده في جيبه.
شهاب كنت متأكد.
تمارا اتفاجأت من صوته وبصتله بتوتر. هي اصلا واقفة برا مش عايزة تشوفه بقت بتعمل حساب وجوده معاها لانها حاسة انها فيها حاجة بتتغير معاه هو بس.
تمارا بتحاول تداري توترها احممم. متأكد من ايه بقي ان شاء الله!
شهاب بص علي لبسها وعقدة شعرها ووشها البرئ اللي تقريبا خالي من اي ميكب او تجميل.
شهاب ابتسم بإعجاب متأكد ان نظرتي فيكي صح. انتي عنيدة ومش سهل تتغيري. كنت متأكد انك هتيجي الحفلة بنفس لبسك مش هتكوني غير نفسك.
تمارا بخجل وووهو انت يعني كدة بتمدح ولا ناوي تعكها بعد كدة.
شهاب ضحك هههههههه. لا ياستي مش هعكها . انا فعلا بمدحك. انتي دي شخصيتك راضية بيها وعجباكي مش مهم بقي الناس شايفة ايه. المهم انتي مرتاحة.
تمارا ابتسمت ڠصب عنها هههههه. بصراحة مرتاحة بس امي مش مرتاحة دي كانت فاضلها تكة ونطلبلها الاسعاف وتدخل العناية المركزة. تصدق . كانت جايبالي انا فستان ازرق وبترتر. وعايزاني البسه نهههار الوااان . ههههههههههه.
شهاب ضحك هههههههههههه. لا لا مالهاش حق مش جوك خالص بس هو لسة فيه ترتر اليومين دول.
تمارا انا عارفة بقي بيسموه ايه. اهو بتاع بيلمع كدة وشكله يكسف.
شهاب قرب منها وهو بيبص في عنيها بس مايمنعش من حاجات بسيطة ممكن تخليكي اجمل . زي شعرك مثلا لما بيكون مفرود بيبقي اجمل كتيير.
ومد ايده وفك ربطة شعرها ومرر ايده في خصل شعرها واتنهد. كدة اجمل كتيير.
تمارا كانت ساكتة ومش بتبعده وفي اللحظة دي افتكرت كلام جودي وبصت في عنيه ولاول مرة تتمني راجل يقرب منها.
شهاب قرب اكتر وهو عنيه علي ملامحها . بس فجأة سمع صوت وراه.
نور بغيظ فينك شهاب عم درو عليك بكل مكان. ماكنت بعرف انك هون.
شهاب لف لنور بغيظ. وتمارا انكسفت واتحرجت من وضعها مع شهاب وانبت نفسها ازاي كانت غايبة عن وعيها بالشكل ده. بعدت عنه واخدت ربطة شعرها وربطته تاني بعصبية.
شهاب بيتأفف اهلا يا دكتورة نور منورة الحفلة.
نور بتبص لتمارا وتكتم ضحكتها هههه.
تمارا بغيظ مالها الامورة بتضحك علي ايه. ماتضحكينا معاكي.
نور بثقة عن جد انتي مو معقولة. في حدا بيروح عحفلة بهيك شي . انتي جاية علي مبارة . هاي حفلة بدك تيچي بفستان متل باقي العالم . مو هيك .
تمارا بتجز علي سنانها وتقرب منها. شهاب عارف تمارا ممكن تعمل فيها ايه. اتدخل ووقف بينهم ووشوش تمارا.
شهابتمارا اهدي . هتعملي عقلك بعقلها قدك دي.
تمارا بتعض علي شفايفها سيبني اربيها المحسوكة دي قلبي جايد ڼار.
شهاب بيكتم ضحكته معلش حقك عليا عيلة وغلطت. ولف لنور. 
لو سامحتي خاليكي في حالك كل واحد حر هي تلبس اللي يعجبها زيك تمام. ماشي.
نور بغرور لا لا ماتقولا. هاي زيي انا. انا وين وهي وين. لا هي تمام بتشبه لاعبي الكورة.
تمارا بتبعد شهاب بغيظ اوعي ياعم عليا النعمة لاعمل منك صبارة واډفنك هنا. تعالي بقي. 
وشدت نور من فستانها بقوة الفستان اتقطع.
نور پغضب انت مچنونة شو عملتي كيف بدي كفي الحفلة هلا . وكيف راح ارجع عبيتي . الله يقصف عمرك.
تمارا مسكتها من شعرها بغيظيقصف عمرك انتي واللي خلفوكي. بت انتي اهرجي من ام المسلسل المدبلچ ده واتعدلي معايا احسن وحياة ابويا الغالي ارجع بلدكم في صاروخ.
نور بتتألم اي .. اي .. شو بتسوي يا غبية.
شهاب بيحاول يخلص بينهم وهو مش متمالك نفسه من الضحك خلاص يا تمارا البت بتفرفر في ايدك . وانتي يا نور اتفضلي استنيني في ريسبشن الاوتيل. وانا هتصرف. وهبعتلك حد يوصلك للبيت.
نور بدلع لا بدي اياك انا ماراح اتطمن مع حدا غيرك. خصوصي وانا هيك. وهي بتوريله الجزء المقطوع ومعاه طبعاااا جسمها اللي انكشف. بتحاول تغريه.
شهاب فهمها لا ماتقلقيش هبعتك مع حد مؤتمن ده مافيش اأمن منه . مؤمن 
ده بيتكسف من خياله. اتفضلي.
مشيت نور وتمارا متغاظة حلال عليها مؤمن.
شهاب رفع حاجبه انت دايما كدة متحفزة ماتهدي شوية.
تمارا يعني عجبك كدة . دي بت عبارة عن كتلة مياصة ونحنحة وانا بتختق. وتقولي يقصف عمرك.
شهاب ابتسم تمارا. انتي ظابط مخابرات. لازم تتحكمي في ردود افعالك وتصرفاتك. ملتخليش اي شئ تافه يوترك. لازم تكوني هادية وواثقة من نفسك.
تمارا احممم. حاضر ححاول.
شهاب ابتسم لانها اول مرة تسمع كلامه بهدوء قوليلي اللواء عدلي كلمك.
تمارا ايوة وبلغني بميعاد السفر بعد يومين.
شهاب جاهزة!
تمارا جاهزة
شهاب طيب انا هروح اشوف نور وابعت حد يوصلها وارجعلك ماشي.
تمارا بغيرة ماشي. بس ياريت انت ماتوصلهاش.
شهاب ابتسم امممم. وليه لا!
تمارا ولا حاجة براحتك انت حر توصلها انت تبعتها مع حد ماليش فيه اتكل.
شهاب هههههههه. مافيش فايدة.
مشي شهاب وبعد وهي عنيها عليه وافتكرته من دقايق قبل ماتطب عليهم نور. وابتسمت ڠصب عنها. بس فاقت علي صوت مايا. اللي واقفة جنبها ومربعة ايديها وبتبصلها بكره غريب.
مايا انتي اللي اسمك تمارا. زميلة شهاب مش كدة . انا فاكراكي من يوم المستشفي.
تمارا لفتلها بنفاذ صبر اوفففف. هي ليلة غبرة من اولها نعم يا ختي ماهي ناقصاكي . انا هبابة عايزة ايه انتي كمان.
مايا بعصبية انتي مچنونة بتكلميني كدة ليه.
تمارا بتمسح وشها بغيظ صبرني يارب احسن انا فاضلي تكة واۏلع في ام الحفلة دي. هو يوم الملزقين ده ولا ايه . اسمعي انا روحي هنا. مش ناقصاكي اوعي من قدامي.
مايا وقفتها استني هنا بكلمك.
تمارا شدت ايديها بقوة ايدك لتوحشك يا صغنونة. نعم ارغي !
مايا عايزة اقولك ابعدي عن شهاب مالكيش دعوة بيه. هو اصلا عمره ماهيبصلك.
تمارا پغضب وانتي مالك بتدخلي