احببت مجنونه بقلم الاء

.. وهو ابتسم بسخرية وفتح الباب من قدام وركب جنب احمد
بعد دقايق وصلت العربية وقبل ما تنزل وقفها صوته الجامد انزل انت يا احمد وروح وانا هجيبها انا طلبتلك تاكسى هيجى ياخدك
احمد بطاعة تمام
مريم انت مشيته ليه
نوح بجمود اسمعى الكلام اللى هقوله كويس دا لو عايزة سلامتك يعنى .. امسكى السلسة دى البسيها
_ ليه
من غير سؤال البسيها وانتى ساكتة
مريم بعناد مش هلبسها الا لما تقولى ليه وفى ايه
نوح بحدة عناد ونشفان دماغ مش عايز امسكى البسيها واخلصى
اخدتها مريم ولبستها على مضض وقالت لبستها اهو فى ايه بقى
أنزلى واحضرى حفلتك وانا هستنى هنا

_ اوووف طيب
استنى
نزل نوح وركب جنبها وعلى غفلة حضنها ولف أيديه حواليها ..
وهى عيونها وسعت واټصدمت من فعلته وقلبها بيدق جامد 
همسلها بشىء فى ودانها خلاها اضطربت واټصدمت من وقاحته بجد 
وكانت هتبعد من حضنه پعنف بس تبت فيها جامد و...
________________________ 
يتبع
للعشق_عنادا
كريمةحمادة
٣
_ اوعى تفتكرى بحضنك عشان حلاوتك لسمح الله لا داحنا متراقبين بس
مريم كانت بتحاول تبعده ولكن هو كان باصص لشىء معين وبيتت فى حضنه ليها وقال بغموض 
تخلى فونك فى ايدك علطول اول ما اتصل تردى ولو بعت مسج تشوفيها وتردى برضو اياكى يا مريم متعمليش كدا
مريم پغضب طب ابعد يا نوح والا هصوت والم عليك الدنيا
نوح بخبث هبعد بس بعد دقيقة بالظبط
مريم بغيظ ودا ليه إن شاءالله
نوح بمكر اصل حضنك بيفكرنى بحضن امى الله يرحمها ويحسن إليها ادعيلها يا مريم ادعيلها
يا روح امك ابعد يا نوح بقولك
وبالفعل سابها وهو بيبتسم بجانبية ونزل من العربية ووقف جنبها وطلع سېجارة وشربها..
أما هى فكانت لسة بتاخد نفسها بالعافية وقلبها بيدق پعنف ..بعد لحظة قدرت تسيطر على انفعالاتها شوية ونزلت بصتله بضيق ومشيت وهى بتاكل الارض برجلها
نوح براحة على الأرض مش قدك يا حلوة
لفتله مريم وبصتله بغيظ وطلعتله لسانها ومشيت تانى وهو ضحك عليها وقال 
بتضحكنى اوى البت دى 
_____________________
انت متعصب عشان حضنها قدامك صح يا عادل
عادل پغضب مش من حقه يحضنها ... وهى مسلمة نفسها ليه بالسهولة دى
حاسس ان ورا الحركة دى فى حاجة فى دماغ نوح .. يا اما مثلا
فى حاجة بينهم
عادل بزعيق اخرس يا سالم متهلفطش فى الكلام وخلاص
سالم بسخرية يا حبيبى قول انك غيران عليها 
بس حقك الصراحة يعنى مين يقدر يقاوم جمال مريم علوان
ضر به عادل بوكس بغل وقال لو كنت سکړان الضړبة دى هتفوقك 
وسابه ومشى ركب عربيته واتصل على حد واول ما جاله الرد قال بنبرة حقد وغل 
نفذ عايز مريم تكون عندى الليلة فاهم 
تمام يا مريم بترفضينى وتطلعينى من حياتك وسكت مش قابلة تسكتى وتلمى الدور تمام لكن يبقى نوح هو المسيطر عليكى لا يا مريم لا مبقاش عادل حسان أن محسرتكيش عليه ..
وعند مريم كانت قاعدة على طرابيزة لوحدها بملل وكل شوية حد يجى ويسلم عليها 
جيه الجرسون ونزلها عصير وشكرته ولسة هتشرب فونها رن وكان رقم نوح مكنتش هترد بس افتكرت كلامه اتنهدت وردت بهدوء 
الو
_ لو خاېفة على نفسك وعايزة تروحى سليمة لابوكى متشربيش العصير
بصت للعصير بتوتر وسابته تانى وركزت مع كلام نوح اللى كمل 
اياكى يا مريم تشربيه أو تشربى اى حاجة لو حتى مية ولا تاكلى كمان
مريم طيب ليه انت كدا قلقتنى
_ انا مصدع وعلى أخرى منك ومن حواراتك اعملى اللى بقولك عليه واسكتى
مريم بهدوء نوح حابة اقولك حاجة
_ خير
مريم ببرود انت أحقر انسان قابلته فى حياتى بجد 
وقفلت فى وشه وهى بتبتسم بخفوت أنها سجلت نقطة لنفسها عنده اتصل عليها تانى وادعت الجدية وردت بجمود نعم
_ بالمناسبة يا مريم فى حاجة عايز اقولهالك
ايه هى
_ ابقى ياريت مترشيش عطر تانى لأنها خنقتنى وانا حاضنك .. حتى حضنك مش حلو يا ...يا حلوة
وقفل فى وشها ..حطت راسها بين ايديها وضحكت بخفوت وقالت 
مصېبة ياربى مصېبة وحلت على دماغى واسمه نوح اصلان
مريم
رفعت مريم راسها واټصدمت من اللى واقف قدامها 
عمر انت بتعمل ايه هنا
عمر جاى مع واحد صاحبى كدا .. طمنينى عنك عاملة ايه دلوقتى وحياتك ماشية ازاى
مريم بثقة كويسة اوى يا عمر وحياتى فالحمدلله ربنا عوضنى وكرمنى عن كل اللى خسرته زمان
عمر امممممم فعلا ماشاءالله بقيتى حاجة كبيرة فى البلد
انت عامل ايه بقى ومراتك وعندك اولاد ولا لسة
عمر لا مبقاش لا فى زوجة ولا اولاد انفصلنا من سنة كدا بس الحمدلله مخلفناش يعنى
ربنا يعوضك إن شاءالله
عمر بندم اكبر خسارة كانت انتى يا مريم .. وانا حابب نرجع حتى لو أصحاب
_ مش هينفع والله تصاحبها أصلها محجوزة وكدا وفرحها قرب
عمر باستغراب مين حضرتك
نوح بجمود اتحرك من هنا بس عشان سادد علينا هوا التكييف
عمر بدهشة نعم مين دا يا مريم
نوح بقوة اعرفك بيا نوح اصلان
عمر وتبقى مين يا نوح اصلان يعنى
نوح قرب ليه وهمسله فى ودانه بنبرة متوعدة بلاش تستفزنى عشان أنا لما بتعصب بنسى ابويا ...فروح
بصلهم عمر بضيق ومشى ... أما نوح عينيه كانت بتجيب المكان كله فاتكلمت مريم بهدوء 
ايه اللى دخلك يا نوح
كان مركز فى نقطة معينة فرد عليها بدون ما يبصلها 
خمس دقايق بالظبط وهنطلع من هنا
بس الحفلة لسة مخلصتش عشان امشى
_ لو فضلنا اكتر من كدا مذ بحة محمد على هتتفتح
مريم بضيق لا وعلى ايه انا هطلع من دلوقتى احسن
_ شطورة يا حلوة ابتديتى تسمعى الكلام
نفخت مريم بضيق ومشيت .... أما هو فكان ما زال مركز فى النقطة دى وابتسامة خبيثة مزينة وشه 
والله عال ولعبكم تقيل اوى بس اللى مش عاملين حسابه انى سابقكم بخطوات اساسا يا شوية عيال 
___________________
يعنى ايه مشربتش العصير ولا اى حاجة تانى انتو بهايم
يا باشا هى كانت هتشرب وفجأة تليفونها رن وردت ومن بعدها مشربتش اى حاجة وكمان حصلت حاجة تانى
انطق يلا حصل ايه تانى
فى واحد جيه وقف معاها يجى خمس دقايق كدا وبعدين دخل عليهم نوح اصلان
عادل بغل حسابك بيتقل يا ابن اصلان مش هسيبك الا وانا مشفى غليلى منك انت وبنت علوان دى .... امشى انت واستنى إشارة منى
خرج فونه ورن على حد واستنى الرد 
نوح اصلان معايا
_ خير
عادل بخبث مش خير للاسف
_ ماهو واضح من صوتك أنه مش خير عايز ايه يلا
عادل پحقد عايز روحك ومعاها مريم علوان هدية
_ يا حبيبى خد مريم بس سيبلى روحى أصلها غالية عليا ...اه
اتأوه بعد ما مريم نغزته فى كتفه جامد فوقف العربية ولفلها وبصلها بشړ وهو لسة بيتكلم 
مقولتش برضو عايز ايه يابنى
عادل بغل دفين قريب اوى هاخد اللى عايزه متستعجلش
نوح باستفزاز لا انا مش مستعجل لكن لو انت مستجل براحتك بقى ... واهى مريم قاعدة لو عايز تاخدها يعنى
دانت بايعها بقى
بص نوح لمريم بعبث وقال ايوة أصلها عملالى صداع وانا اى حاجة بتسببلى صداع بخلص منها
هاخدها طبعا ... وابقى قولها بيسلم عليكى عادل حسان
قفل نوح المكالمة وبص
لمريم بغموض عدل نفسه وكمل سواقة وقال 
الناس دى عايزة منك ايه يا مريم
غريبة انك متعرفش يعنى معقول عرفت أن فى ملف مختفى ومتعرفش الناس دى عايزة منى ايه
نوح بغموض
يمكن حابب اسمع منك