روايه مكتمله وجميله بقلم منى الفولي

في واحد رشوة وتعويض.
سليم بحيرة رشوة أيه!
سلمى بغموض بصراحة أنا امبارح بليل كنت ناوية أطلب منك طلبين خاصيين ليا ومهمين جدا بالنسبة ليا بس الكائن اللي فوق ده مدنيش فرصة فقلت أعملك غدا مميز وأطلبهم على الغدا قبل ما يزعجنا بصوته أخر النهار زي كل ليلة.
سلمى بخبث بصراحة هو تقدر تقول كده اتنين في واحد رشوة وتعويض.
سليم بحيرة امممم .. رشوة أيه 
سلمى تلقائيا نبرة صوتها تغيرت وقاربت لغنج الاطفال بصراحة أنا امبارح بليل كنت ناوية أطلب منك طلبين خاصيين لي ومهمين جدا بالنسبالي قطبت جبينها للحظة وزمت شفتيها بس الكائن اللي فوق ده مدنيش فرصة وعاودت ابتسامتها وحماسها فقلت أعملك غدا مميز وأطلبهم على الغدا قبل ما يزعجنا بصوته أخر النهار زي كل ليلة.

سليم ضاحكا على كلماتها الأخيرة بصراحة رشوة تستاهل هدئت ضحكته ليهديها نظرة حنون بس أنتي مش محتاجة رشوة أنتي تؤمري وأنا هانفذ لو هاقدر.
سلمى بسعادة ربنا يخليك يا سليم أن شاء الله هتقدر.
سليم بحنان أن شاء الله قولي بقى يا ستي عايزة أيه.
سلمى مداعبة طيب مش تستنى الغدا عشان
تشوفه يستهل ولا لأ.
سليم بابتسامة لا أنا واثق فيكي وبعدين بصراحة عايز أعرف أيه الطلبين دول لأنك ولا مرة من يوم ما قابلتك طلبتي حاجة لنفسك. 
سلمى بلهفة وتمني أول طلب عايزة ابقى أخرج كل يوم شوية كده الف حوالين بيت أخو سليم يمكن المحه وهما خارجين ولا حاجة.
حاول سليم السيطرة على توتره وتذكير نفسه بما عانته تلك المسكينة وقسمه بالأمس بأنه سيبذل أقصى جهده ليعيد لها حقها.
سليم وهو يراقب اللهفة بعينيها انتظارا لقراره لا طبعا مش هينفع رأى صډمتها وخيبة الأمل بعينيها فأردف بسرعة بس أنا عندي فكرة أحسن من كده بكتير.
سلمى احيت البسمة على ثغرها بعدما كانت قد خبت قليلا فكرة أيه
سليم موضحا وجهة نظره أنت لو فضلتي تلفي حوالين البيت ممكن حد ياخد باله ويفتكروا أنك عايزة تسرقي حاجة ولا ټخطفي حد ويمسكوكي وساعتها أهل سليم هيعرفوا وياخدوا حذرهم منك ويبعدوا الولد بعيد عشان متقدريش توصلي له تاني فالمفروض يفضلوا فاكرين أنك لسه محجوزة في المستشفى.
سلمى تتحمست لطريقة تفكيره وارهفت السمع طيب لازم نعمل أيه
سليم بسعادة لحماستها أنت تروحي عند البيت في وقت هادي كده وكله في شغله وتقابلي بواب العمارة تديله مية جنيه وتقولي له أنك لسه ساكنة هنا جديد ومحتاجة واحدة تيجي تعملك الشقة يوم في الأسبوع وكمان اسم نادي وحضانة كويسين وقريبين من هنا.
سلمى بعدم فهم ليه!
سليم بدهاء الشغالة غالبا هتبقى مراته أو واحدة من اللي شغالين في العمارة يوم اجازاتها وسواء دي أو دي هتلاقي أخبار العمارة كلها عندهم وأنت بقى وشطارتك تهديها بكذا حاجة وتكسبيها خالص وتقفي على أيدها وهي بتنضف وتبدأي رغي الستات لحد ما توصلي للي عايزاه.
سلمى لمعت الفكرة برأسها طيب و الحضانة والنادي.
سليم بذكاء الطبيعي أنه هينصحك بالأماكن اللي مشتركين فيها سكان عمارته أنت تروحي الحضانة مرة كده تقولي لهم أنك عايزة تشتغلي أو بتطمني على مستوى الحضانة عشان هتجيبي ابنك فيها فلو مرات أخو سليم بتشتغل وبتوديه حضانة ممكن تقابليه هناك أما النادي فطبيعي أن ست بالمستوى ده ومعها طفل صغير تروح ولو مرة في الأسبوع احنا نروح بدري ونقعد قريب من أقرب بوابة لبيتها عشان نلمحها وهي داخلة وكمان لو قعدتي تلفي النادي كله دي حاجة طبيعية ومحدش هيشك فيكي.
سلمى بسعادة وهي تصفق بطريقة طفولية الله عليك وعلى دماغك يا سولي ولا المفتش كرومبو في زمانه. 
سليم ضاحكا بسعادة لتدليلها له دون أن تشعر كرومبو روحي يا سلمى لفي حوالين البيت ولو قفشوكي انا معرفكيش.
سلمى مشاركته اياه ضحكاته الله بقى متزوءش وعلى غفلة انتبهت وعقبت بس الفلوس اللي هيخدها البواب والشغالة دي فلوسك أنت وأنت ملكش ذنب.
سليم بغيظ اسكتي يا سلمى أحسنلك وقولي طلبك التاني اللي شكلي هرفضه قبل ما أعرفه بسبب غلاستك دي.
سلمى بدلال لا خلاص خلاص أسفة.
سليم بابتسامة طيب قولي.
سلمى بد التوتر جليا على قسماتها لي واحدة صاحبتي من النت هتتجوز قريب ونفسها في شهر العسل تلف محافظات مصر كلها وكانت عايزة بروجرام حلو كده عن الأماكن اللي تزورها والفنادق اللي تقعد فيها ومطاعم مميزة بالأماكن دي وتكلفة رحلة زي دي ممكن تبقى قد أيه وكده وأنا بقى حبيت أفتخر بيك قدامها وقلت لها أن جوزي أجمد مرشد سياحي أشتغل في مصر وأنك هتعمل لها البروجرام ده عشان خاطري.
سليم بنشوة لكلمة زوجي منها وأفتخارها به طبعا عشان خاطرك أعمل لها كل اللي هي عايزاه بس في مشكليتين ما أخدتيش بالك منها يا أستاذة أولا أن الموضوع محتاج كمبيوتر اكتب عليه لأن انت عارفة تليفوني صغير ومش هيساعد في الكتابة ثانيا أني بقالي سنين مبطل شغل وأكيد الأسعار اتغيرت جدا ومش هاقدر احدد ميزانية رحلة زي دي.
سلمى ببساطة وهي تخرج جهاز كمبيوتر محمول من الخزانة ده بالنسبة لأولا اما ثانيا فسهلة اعمل أنت البروجرام الأول من غير أسعار وبعدها ندخل على مواقع الأماكن اللي أنت اخترتها ونطلع على قوائم اسعارهم حاليا.
سليم ممسكا بالحاسب الآلي متفحصا اياه أنت جيبتي اللاب توب ده منين.
سلمى بابتسامة لاقيته وأنا بلم حاجاتك من شقتك.
سليم ناظرا اليها وعلامات الرضى تطغى على روحه التي استعادت بريقها بوجود تلك الجنية لا ناصحة طيب وصاحبتك دي يعني مستواها أيه بالنسبة للفنادق والمطاعم.
سلمى مدعية الجهل يا سليم بقولك صاحبتي من النت مش قريبتي يعني طبعا معرفش حاجة زي دي واتحرج أسألها عليها واقتربت منه بدلال ممسكتا بيديه البركة فيك أنت بقى يا قمر معلش هتعبك معايا اعملي البروجرام مرتين بنفس المزارات بس مرة بفنادق ومطاعم شيك ومرة على قد الجماهير الكادحة وهي اللي تنقي اللي يناسبها.
سليم مطالبا بالرحمة منها ومن دلالها المهلك خلاص يا سلمى هاعملهولك ثلاثه كمان واحد على أعلى مستوى وواحد للدخل المتوسط وواحد للجماهير الكادحة عشان خاطرك أنت.
سلمى وقفت مبتعدة بسعادة وما زالت تنظر اليه وترجع بظهرها خارجة من الصالة تسلم لي يا سليم واتوصى بقى عشان أنا ناوية قبل ما أديها البروجرام مولية اياه ظهرها مكملة طريقها بحماس وحالمية هاروحه بخيالي حتة حتة.
سليم هامسا وتسلمي لي يا سلمى يا رب تسلمي لي يا سندي.
بعد مرور يومان
فزع سلمى وسليم على صرخات وطرقات دعاء المستنجدة
سليم قلقا وهو يفتح الباب بينما سلمى تتمسك بكرسيه من الخلف أيه في أيه
دعاء بصړاخ والنبي الحقوني البت فوق مغمى عليها ومش راضية تفوق موجهة كلامها لسلمى اطلعي أقعدي مع العيال وحاولي تفوقيها عقبال ما أنادي دكتور من أول الشارع.
سليم محتدا مع انكماش زوجته الملحوظ ما جوزها يقعد معهم.
دعاء باكية جوزها ربنا يسهل له ويسامحه بقى هو سافر بره من غير ما يقول لحد وهي اغمى عليها لما عرفت.
سليم ناظرا لعينيها بثبات سلمى أنت عايزة تطلعي ولا لا.
سلمى مترددة مش عارفة بس الولاد فوق وأكيد مفزوعين.
دعاء مستعطفة دي كلها نص ساعة