جحود اب بقلم ندى الجندى

ببقى زعلانه
وعايزه اعيط مكونتش بحبك ماما تشوفنى عشان متزعلش كنت باجى هنا مجرد مااعد هنا ابص على المايه والهوا وهو بيطير شعرى كنت بنسى الزعل على طول واروح فرحانه
مروان عشان قلبك طيب يا ساره 
قامت ساره وقفت وقربت من الميه وفكت شعرها والهوا قاعد يطيره على وشها
ساره انا فرحانه اوى
مروان انا كمان فرحان اوى
ساره انت كمان بتحب منظر النيل
مروان لا انا فرحان عشان شايفك فرحانه
ساره فرحت اوى اوى
مروان وساره قعدوا يتمشوا
مروان عارفه يا ساره انا عمرى فى يوم ما كنت اتخيل انى ممكن احب للدرجه دى وكمل فى سره انا عشانك استغنيت عن حاجات كتير اوى
ساره انا كمان مكنتش متوقعه انى ممكن احب أبدا بعد إللى شوفته من سكتت شويه وبعدين اتنهدت وقالت من اللى المفروض بابا
مروان انا فرحان اوى انك وثقى فيا واوعدك هاخليكى اسعد واحده فى الدنيا
روحوا الفيلا
وساره دخلت أوضتها وفضلت تصلى وتشكر ربنا وبعد كده نامت
فى اوضه مروان 
مروان قاعد يتصل على محمد محمد مش بيرد
مروان شكله زعل اوى انا فعلا زودتها أوى أوى معاه ده مهما كان اخويا عشره عمرى
تانى يوم فى فيلا محمد 
مروان بيخبط
محمد فتح بس ما اتكلمش
مروان ايه هاتسيب صاحبك واقف على الباب
محمد بجمود انت مش صاحبى
يتبع
فى فيلا محمد 
محمد وانت مش صاحبى
مروان أتصدم
محمد جرى عليه وحضنه انت اخويا
مروان فرح وحضنه
ودخلوا جوه
مروان اسف يا محمد صدقنى مكانش قصدى ازعلك بس انت عارف انا مش بطيق كلمه على ساره وكلامك وجعنى اوى بس انت عشره عمرى وعمرنا ما نفض الشړاكه أبدا
محمد طب و الشغل التانى
مروان لا ده انا خدت فيه قرارى وبلا رجعه خلاص مش هكمل فيه
محمد السبب
مروان معرفش يرد لانه كان عشان ساره 
محمد ساره صح
مروان احنا من قبل موضوع

________________________________________
ساره من الاول خالص من اول ما بدأنا يا محمد واحنا متفقين أن احنا هناخد الطريق ده بس عشان نوقف على رجلينا واحنا وقفنا فا احنا مش محتاجينو
محمد طب ما احنا واقفين على رجلينا من زمان ومع ذلك فضلنا مكملين وانت متكلمتش
اشمعنا دلوقت
مروان خلاص ايوه عشان ساره يا محمد ارتحت
انا ماصدقت أنها حست بيا واخيرا حبتنى
وبعدين انا كنت ماشى فى الطريق ده مكنتش فارقه معايا حاجه
لكن دلوقتى هى فارقه معايا محمد بهدوء عكس ما بداخله خلاص يا مروان براحتك احنا مش هنخسر بعض مهما حصل
مروان ده العشم يا اخويا
محمد دخل جاب حجات يشربوها وحط موبايله فى جيبه
مروان ايه ده احنا بقالنا كتير اوى مشربناش لا بلاش
محمد اهى مره نستعيد ذكرياتنا
عشان نودع كل حاجه للابد ونبدأ بقى على نضافه
مروان بجد يعنى انت كمان هتسيب الطريق ده
محمد طبعا يلا بقى نحتفل
فضلوا يشربوا كتير جدا
مروان ههههههههه مش قادر دى كانت ايام
محمد بخبث فاكر اول مره شوفت فيها تولين كنت ھتموت عليها
مروان اه فعلا بس هى خدت الموضوع بجد هى ازاى تفكر انى ممكن اتجوزها دى كانت مجرد تسليه بينى وبينك البت قمر ومكانتش تتساب
بس هى فهمت ده غلط فكرت انى بحبها
هو انا ممكن فى يوم من الايام ابصلها دى واحده اجنبيه مينفعش تكون ام
انا قلبى مادقش غير لساره شوفت فيها الزوجه والام والحبيبه وكل حاجه
محمد بضحك ياه مروان الاسيوطى خلاص هيودع العزوبيه
مروان اه شوفت
محمد بس عرفت تمشى الشغل من غيرى
مروان بسكر اه ده كان زى الفل بس عايز امشى مها واجيب سكرتير
محمد ليه عملت حاجه ولا ايه
مروان لا بس عايز راجل
محمد اشمعنا يعنى
مروان ياعم عيشالى فى دور الروايات السكرتيره اللى هتوقع صحاب الشركه وتتجوزه ويعيشوا فى تبات ونبات 
محمد ازاى عملت ايه
مروان ياعم عماله تعمل حركات كده عملت نفسى مش واخد بالى زادت برده اجى اكلمها الاقيها سرحانه كأنها بترسمنى وخدت عليا عشان وصلتها مره عشان الوقت كان أتأخر
داخله جيبالى كيكه وتقولى ماما عملاها عشانك وجو الافلام ده فبلاش قرف مش عايزين الكلام ده فى الشغل
محمد ااه لكن بره الشغل عادى فاكر ياض اخر مره كنا فى ألمانيا
مروان اه فاكر برسكا دى اكتر واحده كانت بتحبنى لا وكانت عامله فيها تقيله فى الاول بس جت زى اللى قبلها
بس انت كنت بتقولها بحبك محبتهاش بجد
مروان احب مين يا ابنى لا طبعا محبتهاش كل ده كنت بملى وقت فراغ مش اكتر دى كانت واحده ملهاش اصل ولا فصل ابوها وامها كل واحد عايش فى بلد وسايبنها عايشه لوحدها
يااااه مكنتش اتوقع بعد كل ده واحده تيجى تغيرلى حياتى كده وتخلينى اعشقها بكره لمى تحب بجد هتفهم كلامى
مروان أنا ماشى بقى يا معلم
محمد هتروح كده بات هنا بقى وخلاص
مروان لا لا انا مروح
محمد طب اجى اوصلك
مروان بضحك على أساس أن انت اللى فايق
سلام
ومشى
فى فيلا مروان دخل لقى الدنيا هاديه
مروان الحمدلله نايمه وطلع على أوضته نام على طول
فى فيلا خالد الحديدى
خالد قاعد بيفطر هو وسوزان
سوزان خالد
خالد ايوه
سوزان انت رايح الشغل النهارده
اه