روايه حبي الاول بقلم نيره عبدالله

 

مراد بزعيق_ اخرسي مش عاوز أسمع صوتك لحد ما نروح 
وركبها العربيه ولسه رايح يركب العربيه احمد مسكه ايده ووقف قدامه 
أحمد_ مش هتمشي من هنا الا لما تعرف الحقيقة 
مراد زق احمد جامد وركب العربية ومشي بسرعه
في بيت شيما 
مراد دخل شيما أوضتها ومسك شعرها 
وقال پغضب_ انطقي انتي ازاي تعملي كده ازاي تخوني ثقتنا فيكي 
شيما بدموع_ ي مراد الموضوع مش زي ما انت فاكر والله انت مش فاهم حاجة 
مراد بعصبيه_ لا فاهم يختي وكل حاجة وأضحة زي الشمس انطقي بينك وبين الواد ده اي وضغط علي شعرها جامد 

شيما پألم_ ي مراد سيب شعري وبعدين والله ما فيه بيني وبين حاجة انت أزاي تشك فيا 
مراد ساب شعرها_ مااشي ي شيما انا هتأكد بنفسي
ومسك تليفونها وفضل يدور فيه لحد ما لاقي الشات بتاعها وهي واحمد مراد مسكها من شعرها تاني
مراد پغضب_ هو ده اللي مفيش بينكم حاجة ده الاستاذ يسألك أذا كنتي هتروحي المدرسه ولا لا طبعا عشان ياخدك وتخرجه سوا

شيما بدموع_ والله العظيم الموضوع مش زي ما انت فاكر حاجة انا اتفاجئت لما شوفته في المطعم 
مراد_ اسمعي ي بت انتي موبايلك هتتحرمي منه وانا بعد كده اللي هوديكي المدرسه وهجيبك منها فااااااهمه 
وزقها وخرج وشيما فضلت ټعيط
في بيت أحمد 
محمد پغضب_ عاجبك اللي حصلها بسببك ده 
احمد بعصبيه_ هو انا كنت قاصد ي محمد المطعم كله كان مليان شباب وهي الاوردر بتاعها كان قدامه كتير فعرضت عليها تاخد مكاني بدل ما تقعد وسط الشباب لوحدها وبعدين كنت اعرف منين ان أخوها هيجي 
محمد_ والله كنت تقول الكلمتين دول وانت واقف مش تقعد معاها وتفضل تتكلم وبعدين مقولتش الكلام ده لاخوها ليه 
احمد بعصبيه_ هو اداني فرصه ي بني أنا اهم حاجة دلوقتي اني اطمن عليها انا خاېف عليها اووي 
محمد_ ربنا يستر واخوها يعديها على خير 
أحمد بحزن_ يارب
بالليل في بيت نور 
كانت بتحاول ترن علي شيما بس مكنتش بترد وفضلت ترن وتبعت ليها فيس وواتس بس مكنتش بترد وبعد محاولات كتير ردت
نور بنرفره_ الو ي بنتي كل ده عشان تردي 
مراد_ انا مراد ي نور مش شيما 
نور_ طب لو سمحتي اديني شيما 
مراد_ لا 
نور بعصبيه_ هو اي اللي لا ي مراد 
مراد_ نوررر صوتك ميعلاش فاهمه وبالنسبه للتليفون شيما مش هتاخده عشان متعاقبه 
نور_ متعاقيه ليه هو حصل اي 
مراد بسخريه_ ده علي اساس انك مش عارفه مكنتش أتوقعها منك ي نور انك توافقيها في الغلط 
نور باستغراب_ غلط اي انت بتتكلم عن اي
مراد ابقي اسألي نفسك وقفل في وشها 
نور_ مچنون ده ولا اي وقفلت تليفونها ونامت
تاني يوم 
أحمد كان بيدور علي شيما عشان يطمن عليها بس شيما مكانتش موجوده وده خلاه مضايق وزعلان وأول ما لمح نور راح ليها
أحمد_ نور عامله اي 
نور باستغراب_ كويسه ي احمد فيه حاجة 
أحمد_ بقولك هي شيما مجتش انهارده 
نور_ لا مجتش انهارده معرفش ليه 
احمد پغضب_ اكيد اخوها حپسها في البيت بعد اللي حصل امبارح 
نور_ ايوا بقي اي اللي حصل امبارح فهمني 
أحمد_ هحكيلك وحكي ليها اللي حصل 
نور بعصبية_ وانت مقولتش الكلام ده لمراد ليه 
احمد_ هو ده بيسمع حد ولا بيقف حتي ده بيمشي من دماغه وبس
نور_ معاك حق في دي خلاص انا هروح ليها بعد المدرسه واتكلم معاه 
احمد_ ممكن تبقي تطمنيني عليها 
نور_ طيب بس ياريت معتش تقرب من شيما وتقعد تتكلم معاها كفايه المشكله اللي حصلت ليها بسببك
احمد_ حاضر ي نور
بعد المدرسة نور راحت لشيما البيت وخبطت علي الباب وشيما فتحت ليها وأول ما شافت نور حضنتها وعيطت
نور_ بس اهدي ي حبيبتي اهدي

شيما بدموع_ شوفتي اللي مراد عمله فيا امبارح 
نور_ ايوا عرفت ي حبيبتي عرفت 
شيما_ عرفتي ازاي 
نور_ أحمد حكي ليا اللي حصل 
مراد بعصبيه_ هو انا مش قولت الزفت ده سيرته متجيش خالص 
نور_ هو اي ما تهدي شويه وتفهم اللي حصل 
مراد_ والله كل حاجة واضحه 
نور_ لا مش حاجة بتشوفها بتبقي صح ي استاذ 
مراد_ قصدك اي 
نور_ حكت له اللي حصل
مراد اټصدم من اللي سمعه وبص لشيمو بحزن وندم انه اتسرع وظلمها شيما بصتله بحزن ودخلت أوضتها
نور_هتفضل طول عمرك متسرع وتسرعك ده هيضيع منك كل حاجة
مراد_ اي حد مكاني كان شاف اخته قاعده مع واحد كان عمل أكتر من كده
نور_ بس فيه حاجة اسمها اسأل واعرف هي قاعده معاه ليه لان لكل حاجه تفسير ي استاذ 
مراد_ طب وتفسيرك اي إنه بعت ليها علي ماسنجر وبيقولها عامله اي وهتروحي المدرسه ولا لا 
نور_ واحد وبيطمن علي زميلته بعد ما عرف انها تعبانه 
مراد_ ويطمن عليها ليه اصلا 
نور_ عشان معجب بيها 
مراد پغضب_ نعم ي ختي..... 
نور_ عشان معجب بيها 
مراد پغضب_ نعم ي ختي معجب بيها ازاي يعني وبعدين انتي عرفتي منين 
نور بتوتر_ هو اللي جه قالي 
مراد قرب منها وقال_ جه قالك اي بالضبط ي نونو 
نور_ جه قالي انه معجب بشيما وهو حاول يتكلم معاها بس هي كانت بتصده وتوقفه عند حده 
مراد_ ولما هي كانت بتصده ردت عليه ليه 
نور_ صراحة انا اللي قولتها ترد عليه
مراد_ انتي ي نور ازاي تقولي ليها كده 
نور_ صراحه هو كان قلقان عليها اووي وكان كل ما يشوفني يسألني عليها ولما أغمي عليها جه ليها المستشفي فقولتها ترد عليه وتشكره وخلاص


مراد_ يعني لما شوفته في المستشفى هو كان جاي لشيما مش لحد قريبه
نور هزت راسها وقالت_ وبعدين سيبك من الموضوع ده دلوقتي وادخل صالح اختك يلا
مراد خبط علي الباب ودخل لشيما وهي بصتله بحزن والدموع في عنيها وديرت وشها مراد راح قعد جنبها علي السرير بس هي قامت من جنبه وراحت وقفت قدام الشباك مراد راح عندها واخدها في حضنه وباس راسها
مراد بحزن_ انا اسف ي قلب اخوكي حق عليا متزعليش مني مكنش قصدي والله 
شيما بدموع_ مكنش قصدك انك تشك في تربيتي واخلاقي ي مراد ده انت اللي مربيني وعارفني كويس تقوم تشك فيا
مراد حضنها_ آسف ي حبيبتي والله الڠضب عمي عيوني والشيطان لعب في دماغي وانا مشيت وراه حقك عليا سامحيني
شيما بصتله بطفوله ودموع وبعدت حضنه مراد قرب منها وقال_ طب اصالحك ازاي قوليلي بس 
شيما هزت كتفها بطفوله بمعني معرفش 
مراد بضحك_ فهمتك خلاص ثانيه واحده وجاي 
شيما لنور_ راح فين ده 
نور بضحك_ معرفش يختي
مراد جه وكان في ايده برطمان نوتيلا كبير وقال لشيما_ ها كده مسحماني
شيما ضحكت وجريت عليه حضنته وقالت_ طبعا مسحماك 
مراد ضحك وباس راسها_ حبيبه قلب اخوكي انتي 
نور بضحك_ تنسى اي زعل عشان النوتيلا 
مراد_ وانتي بقي بتنسي الزعل بإيه 
نور_ لا مش بنساه وبفضل فكراه