روايه مدثر بقلم محمد محسن حافظ
عند التسجيل وعندما اخذ ادم وعائشه وافقت وانصرفت على الفور فكانت بالنسبة لها صفقة ناجحه وقفت فريده امام ياسمين وهي تربع يديها ابتسمت الأخيرة وهي تضع يدها على بطن فريده تداعبها قائله مدثر الصغير عامل ايه لترد فريده بلهجه مستفزه ملكيش دعوه تهز ياسمين رأسها وتقول انا بس حبيت اطمن عليكي ثم اقتربت من اذن فريده وأكملت هامسة متخفيش اللي بيني وبين جوزك بيزنس بس مش حاجه تانيه بكره تعرفي كل حاجه بلاش تظلميني وانتي مش عرفاني زي ما ظلمتي مدثر قبل ما تعرفيه وكنتي فكراه بيعكسك في التليفون وقولتيلوا بطانيه ايه يا حيوان هنا صړخت فريده في وجهي لاول مره وقالت ودي تطلع مين علشان تبقي عارفه ادق التفاصيل عننا هنا نهرها ياسر قائلا فريده اسكتي انتي متعرفيش حاجه ده شغل بكره هتعرفي الحقيقه لم أرد الرد عليها وتركتها تهدأ ولكنها سحبت حقيبتها وذهبت مسرعة أراد ياسر اللحاق بها ولكني منعته لادخل في حلقه اخري كنت اعلمها لقاء ياسر بوليد الذي كان يظن ان ياسر هو مدبر عملية القبض علي في الحارة لأشرح له الحقيقة كاملة مما جعله يتعجب مما قلت وظهرت دهشته سألت ياسر عن زوجته فقال ان الخطة تسير بنجاح وأنها تقربت جددا من هايدي ومروه وكذلك فعلت مريم وعندما قال اسم الاخيرة لم اخفي عليهم قلقي من كشف امرها وان هذه اللعبة لن تمر مرور الكرام على عمر كما انه يعلم جيدا اني ابتلعت طعم صافيه عن طيب خاطر كانت معركه ذكاء من الدرجة الاولى بيني انا المعلم وعمر التلميذ النجيب وكم من تلاميذ تفوقوا على أساتذتهم كان وليد قد عقد اجتماع مع هايدي ومروه وشخص احضره يعمل في مجال الاستيراد وتحدثوا جميعا عن صفقه ستصل في خلال ايام ولكن يجب ان يكون الموضوع في طي الكتمان الشديد حيث كانت شحنة من العقاقير الطبية لإحدى الشركات العالمية بدأ الشك يدخل في صدر هايدي ومروه الي ان طمأنهم وليد قائلا
تم الجزء الاول من العملية بنجاح ولكني كنت احتاج لياسر في هذه العمليه كعامل تمويه كأحد الأسباب وليكسب ثقة عمر من ناحية اخرى اتفاقنا على كل شيء وهنا استأذنتهم للذهاب الى فريده للاطمئنان عليها
ذهبت الي المنزل فوجدت فريده تبكي طلبت منها الخروج والجلوس في احد الأماكن للكلام خارج المنزل وافقت بعد إلحاح مني خرجنا ووقفت بها علي كوبري قصر النيل كانت الساعه العاشره مساء كان الربيع قد دخل وتحسنت حاله الجو كثيرا طلبت منها الانتظار قليلا وسأحكي لها جميع التفاصيل ولكن ليس الان ارتاحت قليلا من كلامي الغير منظم فهي تعرف اني لا احسن الكذب نظرت بجواري اذ برجل بسيط يجلس مع زوجته وابنائه الصغار علي احد المقاعد بالقرب من الباعه المنتشرين في هذه الساعه كنت اري الفرحه تغمر عينيه واطفاله يحملون البلالين وهم يلعبون امامه قلت لفريده ان تنتبه لهم جيدا ولكنها لم تفهم فأخذتها من يدها لتجلس بجوارهم وبالفعل افسح الرجل البسيط مكان لها لتقول زوجته في برائه ربنا يقومك بالسلامه فقد لاحظ بطن فريده التي بدائت في الظهور سالت الرجل البسيط عن السعاده رغم فقره الواضح فقال انا عايش علشانهم بتعب وبشتغل بدل الشغلانه اتنين وبحاول افضي نفسي كام ساعه كده في الاسبوع علشان افسحهم فيها ومبقاش مقصر معاهم
اكمل قائلا. تدخلهم مدارس كويسه وتغير حياتك للاحسن يضحك الرجل ويقول من جديد وبعدين استغرب لرده واقول وبعدين اكيد هترتاح لما تبقي غني وهما كمان هيبقوا سعداء
يضحك الرجل ويقول كل اللي انت قولتلوا ده كويس بس علشان اعملوا هضيع عمري الاول وانا بجري علشان الفلوس ومش هبقي سعيد زي دلوقتي ووقتها العمر هيكون خلاص بيخلص ابقي استفدت ايه انا راضي ودي حاجه في حد ذاتها نعمه من ربنا محدش يعرف قيمتها
لأسير بجوار فريده واشرح لها وجهه نظري واقول الراجل البسيط ده نجح في حاجه انا فشلت فيها هو لقي السعاده لنفسه ودي حاجه انا فشلت فيها هو شاف الدنيا من النحيه الصح اما انا للاسف كنت باصص في حته تانيه خالص تندهش فريده لما اقول وتهز رأسها قائله بس انت معملتش حاجه وحشه بالعكس انت كنت بتدور ازاي تسعد الناس وكنت بتبقي مبسوط انك بتعمل كده لاقول وانا انظر امامي كنت بسعد الناس بالفلوس لكن الراجل ده بيسعد ولاده بالحب وده الفرق
انتهت الأجرأت القانونيه وقمت بتسليم ملك الاموال المتبقيه ليظهر في الصوره ادم وعائشه وعندما رائيتهم تركت الجميع وجريت في اتجاههم لاحتضنهم في قوه تدمع عين عائشه وهي تقول وحشتني اوي يا بابي متسبناش تاني لاقول خلاص يا حبيبتي هنعيش مع بعض علي طول بينما ظل ادم صامتا بعض الوقت ثم قال هو انا مش هشوف مامي تاني لاقول بعد ان فاجائني بسؤاله لاء طبعا هتشوفها تاني بس هي مسافره كام يوم وهترجع
اضطررت ان اكذب لأريح قلبه الصغير
وجدت يد تمتد الي كتفي لانتبه وانظر له لاجد الكبير ابتسم واقول له انت بتعمل ايه هنا يضحك ويقول جاي اشوف عيال ابني عندك مانع لاقول لاء طبعا ثم انظر ل ادم وعائشه واقول سلموا علي جدكم عبد الحميد
تقترب عائشه وتقول ازيك يا جدو تدمع عينه ويحملها بين ذراعيه ويقول الحمدلله يا حبيبه جدو يقترب منه ادم ايضا ويشد جلباب الكبير لاحمله وارفعه ليقبل الكبير علي خده رائيت فرحه غير عاديه علي وجه ثم قال يلا بينا بقي نشتري لعب وحاجات حلوه وبعد كده نروح نشوف جدتكم سعاد تنظر لي عائشه وتقول بابي هو مش المفروض يبقي عندي جدتي عائشه الله يرحمها وجدتي امينه كمان الله يرحمها وتيتا اخلاص مامت مامي مين بقي جدتي سعاد دي اضحك واقول جدو عبد الحميد قصده انها كبيره زي كل اللي قولتي عليهم دول فتقوليها يا جدتي او يا تيتا زي ما تحبي
يشتري الكبير بعض الالعاب للاطفال والخلوي ايضا مما جعلني اري سعادتهم في اعينهم فالطفل يشعر بالحنان ففي ساعات قليله احبوا الكبير ذهبنا جميعا لزياره امي سعاد اخت الكبير وما ان رائتني حتي دمعت عينها وهي تقول سبوع كامل ما شوفكش يا مدثر يا ولدي
اعتذر لها وأعرفها على أبنائي وأحكي لها عما حدث طلبت مني ان اترك الاولاد معها بعض الوقت فأخذت رأيهم فوافقوا على الفور كنت قد اتفقت
