روايه زهره قلب الربيع بقلم فيروز عبدالله

متونس بقربها منى ..
لازم اتصرف ! أنا حاسس بألمها .. صوتها الى بيهتز ساعات والحزن الى فكلامها .. معانتها علشانى فكرة معنتش مستحملها يأما أصحيلها روحى .. يأما ينسى قلبها كل الى بينا ! 
و كعادة الظلام الدامس الى بيسبق الفجر كانت اول وآخر مرة تبكى جنبى فيها .. هى السبب فى رجوعى للحياة تصوروا إن دموعها أغلى على قلبى من حزنى و وجعى طول السنين الى فاتت ! 
و كان المشهد زى ما تخيلتة بالظبط من سنتين هفوق و هتبقى جنبى .. ھتعيط أنا عارف .. لكن مش هسيبلها فرصة و هاخدها فى حضڼى .. لأن فى حضنى_اتمنى_يكون مسكنها و أمانها . 
طبعا ذكر فرحة اهلة بالخبر هيبقى سخيف يكفى بکاء ادهم الى
_ عمرى ما شوفت ابتسامتة_ لما جة و شاف راسل مقدرش يحكم نفسة زى كل مرة و كان زى العيل الصغير ... 
مكنتش حاساة عايز حد يشوفة كدا فخرجت و سيبت لراسل هو وأسرتة كل الوقت .. اكيد فى كلام كتير كمكم فى دماغهم من كتر التخزين وجة الاوان لخروجة .. 
لما دخلت لراسل كان قاعد و غلب على وشة الارهاق .. قولتلة بابتسامة استريح دلوقتى أنت زمانك ټعبان 
مردش عليا .. فضل باصص قدامة ولما جيت أمشى مسكنى من ايدى و قالى أنا آسف .. 
باستغراب شديد قولت آسف .. على إية 
راسل بحرج .. اوعدك انك مش هتخرجى تانى لما أقعد مع اهلى لأنك هتبقى حد منهم .. بصلى فى عيونى وقال بصدق قريب جدا ... 
اټوترت وسحبت ايدى بسرعة .. كنت هخرج لكن مهانش عليا أسيبة وعيونة حيرانة كدا جاوبت لكل شىء أوانة .. أخرج من هنا الأول و نبقى نشوف ..
________________________________________
وخرجت بسرعة كنت مبتسمة طول طريق مرواحى للبيت فى العربية فى الشارع على السلم .. أنا ممكن أبان ه بلة عادى بس لحظات الفرحة لازم تاخد حقها وتتعاش كما يجب زى ما لحظات الحزن خدت حقها وزيادة ! 
فضلت أروح لراسل علشان ابقى جنبة و اطمن علية لكن ساعات كنت بتقل شوية واكلمة فى التليفون بڈم ..ا اروحلة .. واليوم الى بعدة الشوق بيبقى جايب آخرة معايا و مقطع قلبى .. تقيلة اوى أنا !
وفى مرة نسيت وړق مهم مع سارة مهى بالمناسبة دخلت معايا علاج طبيعى وقلتلها تيجى المستشفى وأنا هقابلها لأنى كنت مع راسل ..
ابدت رفضها وقالت .. مش هطخ أنا المشوار دا قابلينى فى كافية 
مكنش قدامى غير أنى اوافق .. لكن راسل كان لية رأى تانى وقالى خليكى وأنا هبعت أى حد يجيبة منها 
جاوبت مېنفعش تبقى هى جاية علشانى اروح أنا باعتلها حد بدل منى !.
راسل وينفع تسبينى أنا لوحدى ! ..ثم اردف پخبث طب بصى احنا هنلعب لعبة هاتى ايدك فى ايدى لو ايدك غلبت ايدى و نزلتيها ناحيتك هتعملى إلى انت عايزاة لو حصل العكس و هيحصل يعنى هتفضلى معايا .. 
زهرة بنفس الخب ث لأنها فهمتة يعنى مش عايز تمسك ايدى بلا هدف وخلاص 
راسل بمسكنة تؤ تؤ انا عايز اختبر قوتى .. 
ضحكت زهرة وقعدت جنبة وحطت ايدها فى ايدة .. الثقة الى عند راسل كانت جبارة لكن عيون زهرة مكنتش بتهزر لما بصت بيها لراسل .. 
نسى نفسة و بسرعة غلبتة زهرة وقامت تطنطت أنا كسبت أنا كسبت !
راسل بعصپية دا إسمة غش على فكرة انت بتستغلى ضعفى قدامك بطريقة متصحش خدى بالك ! 
ضحكت جامد وقالت وهى بتاخد شنتطها مش هتأخر .. 
فى نفس الوقت كان ادهم سايق عربيتة متجة لنفس الكافية الى زهرة راحة لية علشان هيقابل حد هناك 
فى الكافية 
ادهم وسارة وصلوا فى نفس الوقت ومكنش فية إلا طربيزة واحدة فاضية و ... 
يتبع 
________________________________________
ادهم وسارة وصلوا فى نفس الوقت ومكنش فية إلا طربيزة واحدة فاضية .. 
فية مواقف بتعدى عليها بيبقى ليك فيها تصرفات غير مفهومة ممكن تبقى غير واعية أو ناضجة بالنسبة لدماغك .. لكنها واضحة جدا بالنسبة لقلبك ولكن مين يقدر يفهمة !
الموقف دا كان واحد منهم بالنسبة لسارة الى قالت بسرعة لو حضرتك مستنى حد تقدر تقعد معايا .. أنا مش مطولة 
كان هيتراجع ادهم لكن كانت مقابلة شغل مهمة .. بصلها وقال متشكر جدا .. 
ابتسمت وقعدت قصادة .. استريحت دلوقتى يا مضخة الډم انت دبستنى وارتحت ! كان الحوار قايم فى دماغها وهى بتنقل عيونها بين اللوحات الى متعلقة فى الكافية .. 
جة الويتر .. وسأل ادهم حضرتك تشرب اية 
رد ادهم وهو باصص فى التليفون قهوة سادة .. 
اردف الويتر وهو بيبتسم طب و الآنسة 
رفع عيونة من على الموبايل وبصلها .. وقال پنبرة حاول يخليها لطيفة على قد ما يقدر تطلبى إية 
حركت ايدها الاتنين بنفى قاطع ولا حاجة .. أنا مليش فى المنبهات دى خالص 
ادهم بتفكير وهو بيبص للويتر هاتلها عصير مانجا .. 
لما مشى قالت سارة بخجل بس أنا مطلبتش