جواز ولكن بقلم نور عصام

فوق السور وهمت بالسقوط واذا بايد تمسكها
همسه مش بتتكلم لكن بعد ما نزلت سحبت نفسها منه
همسه نزلت دموعها علي ايده ورفعت عيونها للسما وبصتله
كريم اتهز من جواه وبعدين قالها علي فكره المۏت مش حل للي ف دماغك ياريت تروحي بيتك وتتأقلمي علي حياتك وتنسي اللي حصل
همسه بتحاول تفوق من حالتها افتكرت اختها وهي بتكلمها عن امها وبعدين في نفسها قالت ازاي هواجه ماما واختي ازاي هواجه الناس وصړخت وقالت ازاي هواجه نفسي قبل الكل وقالت اااااااااه
كريم كان واقف وهي بتصرخ راح عليها
همسه جريت باقصي ما فيها من قوه وجهد لحتي وصلت الموقف لقت اخر عربيه طالعه شاورت
السائق مفيش مكان
همسه پقهر قالت الله يخليك انت شايف الجو عامل ازاي حاول بس تدخلني ومش مهم اقعد وبعدين خلاص دي اخر عربيه
السائق والله يا انسه ڠصب عني
احدي الركاب قالت معلش خليها تركب انا هعدها علي رجلي انت شايف الجو والمطره ودي بنت
السائق خلاص اتفضلي يا انسه
همسه ركبت والست اخدتها فعلا علي رجلها
الست اهدي يا حبيبتي انتي بترتعشي كدا ليه
همسه بتحاول تمسك دموعها قالت الجو كتير برد وانا هدومي كلها اتبلت ودا اللي مخليني ارتعش
الست معلش يا بنتي المطره فعلا قويه وبعدين قالتلها انتي جايه منين دلوقتي 
همسه بصوت ضعيف وكسره قالت انا بشتغل في مصنع الملابس اللي بالمنطقه دي بس هو بعيد شويه عن الموقف ولسه خارجه من شويه
الست ايوا عرفاه بنت اختي كانت تشتغل فيه ودايما تيجي متأخره
همسه سكتت شويه وبعدين قالت اسفه اني تعبتك معايا وبتحاول ما تقعد قوي عليها
الست يا حبيبتي انتي زي بنتي ربنا يحفظك
همسه دمعه من عيونها نزلت وحاولت تداريها وبعد فتره نزلت وشكرت الست
كريم كان ماشي وراها هو نفسه مش عارف ليه بيعمل كدا
همسه دخلت الشارع بتاعها واتفاجئت
ياتري ايه اللي حصل
الفصل الثالث
همسه دخلت الشارع اللي تسكن فيه اتفاجئت بناس كتير تحت البيت بصت ليهم وكملت وطلعت شقتهم لقت الباب مفتوح وكل الجيران موجودين قلبها انقبض ودموعها نزلت بلا وعي
هاله جريت عليها ودموعها علي خدها وقالت ماما ماما
همسه مش بتتكلم من الصدمه ومش عاوزه تصدق اللي هتسمعه
هاله ماما ماټت اتاخرتي عليها كان نفسها تشوفك
همسه اغمي عليها وما قدرت تتحمل
كريم نزل من عربيته لما لقي ناس كتير موجوده وحس انو فيه حاجه بهدوء سئل في ايه علشان اللمه دي كلها
ابو محمد احد جيران همسه قاله البقاء لله والده الانسه همسه اټوفت ودي ست طيبه جدا الله يرحمها ويصبر بناتها
كريم حس بغصه في قلبه وبعدين قال مين همسه دي
ابو محمد البنت اللي دخلت من شويه
كريم اتنهد وبعدين قال اللي كانت لابسه تيشيرت احمر
ابو محمد قاله ايوا وبعدين قاله انته مين انا اول مره اشوفك هنا
كريم ارتبك وبعدين قال انا بس كنت معدي وشوفت لمه قوت اسال اذا حد محتاج حاجه او كدا يعني
ابو محمد تسلم يا بني اتفضل روح شوفك مصلحتك وبعدين قال الحمد لله ان المطره وقفت
كريم قاله
ممكن
استني معاكم انا اخدت بالي لما قولت ربنا يصبر بناتها هي معندهاش ولاد
ابو محمد لا هما بنتين بس همسه وهاله وجوزها مټوفي من زمان
كريم افتكر لما همسه اتكلمت ف الفون وقالت اسم هاله
ابو محمد روح انته يا بني احنا دلوقتي مش هنعمل حاجه باذن الله الصبح هندفن لان الوقت متاخر دلوقتي
كريم طيب انا ممكن ابقي اجي الصبح واتكفل بكل شئ
ابو محمد بصله وبعدين قاله تسلم يا بني احنا اهلها ومش هنسيب البنات لوحدهم
كريم بصله ولسه هيتكلم
ابو محمد اتفضل يا بني ولو عاوز تبقي تيجي تحضر الډفن مفيش مشكله وشكرا علي اهتمامك بقلمي نور عصام
كريم مشي وهو بيفكر ليه بيحاول يساعدها وليه اصلا مشي وراها
وانتهي اليوم بالقهر والحصره والكسره علي همسه من جميع النواحي
واشرقت الشمس بنور ربها
وتم ډفن هيام وتم كل شئ بالنسبه للامور اللي زي دي
كريم حضر الډفن وشاف همسه واختها وهما منهارين علي ولدتهم وحزن جدا علي حالهم وحزن اكتر علي همسه لانه متأكد انها بتعاني من كل شئ وقلبها مكسور من اللي عمله فيها وكملت بمۏت امها
وبعد انتهاء
العزاء
كريم مشي بس كان حاسس بالذنب ونفسه يروح يكلم همسه بس طبعا مش قادر يعمل كدا ومشي
همسه واختها قعدو في شقتهم لوحدهم ودموعهم ما نشفت
هاله همسه انا خاېفه قوي
همسه مسحت دموعها وقالتلها مټخافيش يا حبيبتي انا معامي ومش هسيبك ابدا وربنا معانا
هاله قالت انا عرفه اني الحمل عليكي بقا اصعب من الاول علشان كدا
همسه قاطعتها وقالت هاله ولا كلمه زياده كفايه اللي احنا فيه
هاله لا يا همسه انا لازم اتكلم ولازم احس بالمسؤليه لحد امته هفضل معتمده عليكي لحد امته هتشيلي همي كفايه طول عمرك شايله همي انا وماما ومصاريف علاج ماما وكل طلباتي
همسه وبعدين معاكي يا هاله
هاله انا لازم اشتغل واساعدك
همسه لو عاوزه تساعديني فعلا وتريحيني وتسعديني تنجحي
بامتياز وتخليني اشوف تعبي عليكي بالفرحه
هاله