وعد سليم بقلم تيسير محمد

الي زعله اكتر انه فقد الاتنين مع بعض وانه بقي وحيد دلوقتي خرجت حروفه بۏجع 
يابختها نور لقت ام تانيه بس في ناس مش لاقيا العوض ده .
وعد بقلب حزين فهي حاسه بيه 
انت بردو... !
يحيي وهو بيضحك بسخريه انه بان عليه الۏجع وكانت ضحكه بسيطه بس شايله هم ثقيل اوي
ايوه انا برووو ...... يالا الحمد لله علي كل حال .
وعد نسيت ان ده من اهل الي خبط اختها وشاركته حزنها واحاسيسها وبنبره تقطع القلب قالت 
يحيي بتلقائيه بيحاول يخرجها من حزنها ويحسسها انها احسن من كتير 
بس اكيد بباكي بيحاول يعوضك بس انا حتي الاب مش لاقي بس ربنا يخليهولي عمي بيحاول .

كلام يحيي مس قلب عصام وحس انه مأثر معاه قرر في نفسه إنه يزود إهتمامه بيه فمن الصعب يلاقي راجل زي يحيي لسه مأثر فيه فقدان ابوه وامه مع ان الانسان مهما يعيش هيفضل يفتكرهم حتي لو بعد مية سنه .
شروق دموعها نزلت علي كلامه افتكرت ابوها بردو .... بس الي ۏجعها اكتر ان كلام يحيي اكيد هيفتح چرح صاحبتها الي من المؤكد انه ماتقفلش اصلا .
وعد وهي بتضحك بسخريه شبه ضحكه يحيي الاخيره بالظبط ضحكه بسيطه بس بتحمل هم الدنيا 
الله يكرمك ماتقلبش علينا المواجع اكتر من كده اب مين الي يعوض انتو تصدقوا ان ابويا عمره ماخدني ف حضنه ممكن الاقي حنان شويه صغيرين لنور لكن انا لا. ......ههه لدرجه اني شكيت اني اكون بنته اسكت الله يخليك يااستاذ .
عصام حسها منه ...بنته مش عارف ليه بس قلبه حركه بحنان
يابنتي لو عوزتي اي حاجه تعاليلي اعتبريني زي ابوكي .
ابتسمتله ابتسامه صغيره تعبير علي امتنانها له ..... هي عارفه انها شفقه بس فرحت بالكلمتين دول وكأنها عيله صغيره بالظبط 
تسلم يا عم الحاج ربنا يخليك مش كفايه هحبس ابنك !
عصام رد بتلقائيه وبالحق 
يابنتي انا ابني يستاهل وفعلا عرضي ليكي مش اي كلام ده حقيقه انتي لمستي قلبي اووي وحسيتك بنتي مش عارف ليه !
وعد اتوجعت الغرب يشفقوا عليها وابوها مجرد الشفقه مش لقياها منه حاولت تهرب 
شكرا ربنا يخليك ويجبر بخاطركانا هروح اشوف نور .
عصام طلع الكارت بتاعه وادهولها 
ده الكارت بتاعي لو عوزتي اي حاجه ماتترديش وكلميني .
وعد بابتسامه بسيطه وهي بتاخد الكارت .... ردت بعد مابصت علي الكارت 
ماشي يا استاذ عصام عن اذنك .
مشيت علشان تدخل لنور.
يحيي وهو عينه علي وعد .... همس لشروق 
صاحبتك دي شاكلها شايله كتير .
بصتله وردت عليه وقالت بنبره حزن علي صاحبة عمرها 
اكتر مما تتخيل .
اتنهدت وراحت وراها وسابته الچرح قلبه مفتوح من جديد .
انا عايز محامي ماليش دعوه انا عايز سليم اتصلولي بسليم .
ده كان زعيق يوسف الي مرمي في الحبس مع المجرمين ............ اول مره يتعرض لحاجه زي دي كان مرفهه ماشفش الزل يوم ودلوقتي بيدوقه لاول مره .
جاله العسكري وزعق فيه بقوه 
اتلم ياض واقعد علي جمب لاما ندخل نشوف شغلنا معاك .
خاف فسكت وقعد علي جمب .
يوسف وهو بيكلم نفسه ودقيقه كمان وهيعيط من القرف الي قاعد فيه ده 
انا ايه الي انا عاملته ف نفسي ده ياربي بس انا ماكنتش قصدي انا كنت بسوق بعصبيه .
واحد جاله وقعد جمبه 
انت تهمتك ايه !
يوسف بصله لقاه واحد باين عليه انه مچرم ومتعود علي الحبس مش زيه .... رد عليه بهدوء عكس الي جواه 
خبطت واحده بعربيه .
انت كنت شارب
كان سؤال المچرم .... مفاجأ ليوسف بصله پصدمه وسأله 
عرفت ازاي
جاوب عليه بضحكه ساخره منه علي العيل الي اودامه 
ريحتك باينه .
يوسف پخوف وصل للراجل من نبره صوته 
هما هيعملوا فيه ايه !
بصوته الخشن جاوب عليه 
شكلك ابن ناس لو اهلك عرفوا يقنعوا الناس اهل البت تتنازل هتخرج منها معرفوش فيها تلت سنين .
يوسف پخوف من فكره ان شبابه يضيع 
يالهوي تلت سنين لالا انا اقعد مستحمل ساعتين ع بعض .
المچرم بيحاول يخوفه علشان غرض في دماغه 
ادعي ربك تعدي انت مش وش بهدله باين عليك .
يوسف بصوت خاېف 
انا ممكن اعمل اي حاجه علشان اخرج .
المسجون وهو يحك راسه بيده وبيمثل انه بيفكر 
اي حاجه اي حاجه !
يوسف بكل ثقه 
اي حاجه .
الراجل بجديه 
تمام لو ماطلعطش هنهربك .
يوسف فرحه وعدم تصديق من ان في طريقه يهرب بيها 
بجد !
الراجل بيستشف منه هو معاه فلوس ولا لاء 
بجد بس الموضوع مكلف .
يوسف وماصدق 
اللي انت عايزه هدهولك .
الراجل بضحكه واسعه انه هيكسب منه 
تمام .... نشوف بس حوارك هيوصل لايه وبعدين هتصرفلك .
وسابه ورجع مكانه ويوسف قعد يفكر في الي هيحصل فيه .
دخلت لنور وقعدت جمبها مسكت ايديها وباستها ..... دمعت وفضلت تكلمها بحسره