غادر حياتي بقلم سولييه نصار
حتي ...ده يمكن انتي اللي تترجيني
وبعدين طلع وسابني باهتة ومصډومة
تاني يوم كان خلص الاسبوع وروحت الشركة ...دخلت مكتب حسام اللي قام وقال بتوتر
مستنيكي من بدري ...ها بلغيني قرارك ..
بلعت ريقي وقولت
قبل ما ابلغك قراري حابة احكيلك عن حاجة ...انت الوحيد اللي هتعرفها !
يتبع
الجزء الرابع بقلم سولييه نصار
اتفضلي وقولي ...
قالها حسام بهدوء فقعدت بتعب علي الكرسي وبدأت اتكلم واقوله كل حاجة ...حقيقي معرفش ليه قولتله اللي مقدرتش أقوله لعيلتي...بس انا بطريقة ما وثقت فيه وبدأت اتكلم واحكيله عن قصتي أنا وعمار وازاي حبينا بعض ووعدني أنه هيتقدملي وفعلا أخد رقم عمي وعيشني في احلام كتير ...رسملي حياة فضلت احلم بيها كل يوم ....طلعني السما بس فجأة جابني علي الأرض وكسر قلبي بطريقة صعبة لما اكتشفت أنه اتقدم لبنت عمي ملك وكان واخدني تسلية وعشان طبعا ملك وأني مكنتش حاكية لحد علي قصتنا اضطريت اسكت وانا بشوف احلامي معاه بتحققها ملك ...بس عمري ما کرهت ملك بالعكس كنت زعلانة أنها مخدوعة في واحد زي كده ....
من الاخر قولتله كل حاجة وانا بعيط والمفاجأة كانت اني ارتاحت اوووي لما حكيت كأني كنت مستنية افضي اللي في قلبي ....
اتنهدت وبدأت امسح دموعي وبصيت لحسام وانا متوقعة أن أكون قليت من نظره بس بالعكس كان بيبصلي بهدوء وقال
وانتي هتسيبيه يخدع بنت عمك.. اللي انتي معتبراها اختك ! انتي هترتاحي بالشكل ده ...
دموعي بدأت تنزل تاني فقال
ليان أنا مش قصدي ازعلك والله ولا اخليكي تحسي بالذنب ...بس انا مش عايز انك تخضعي للابتزاز ده ...بالعكس انتي في موقف اقوي لما تقوليلهم علي حقارته وأنه بيلعب بيكي انتي وبنت عمك ...شوفي يا ليان نصيحتي ليكي واتمني انك تنفذيها تروحي فورا وتقولي لعيلتك ...بنت عمك هي اللي هتتدمر لو استمرت في الجوازة دي ...
قولتها بحزن فقال هو بسرعة
هتزعل طبعا محدش قال العكس ...بس أنها تزعل دلوقتي شوية وبعدين تفوق احسن ما ټندم طول حياتها لأنها اتجوزته فاهماني ...
بصيت له وانا بفكر أن كلامه صح اوووي ...مفروض مكونش جبانة واتكلم ...أنا لازم اقول لعمي وملك ومرات عمي الحقيقة ...لازم يعرفوا حقيقة البني ادم ده ..
هزيت راسي وانا بقول
عندك حق هقولهم النهاردة ...
بعدين قومت عشان امشي ووقفت شوية وقولت
بالنسبة لعرضك لو لسه متاح فأنا بطلب فرصة اطول للتفكير ...
ابتسم براحة وقال
اكيد ...وقت أطول أهون من الرفض ...بالتوفيق ...
كان عمار جه ودي كانت فرصتي المناسبة اني احكي كل حاجة قدام العيلة ...مكانش هاممني اي حاجة ...كلام حسام شجعني ...أنا غلطت لما ارتبطت بشخص زيه ...بس مش هسيب بنت عمي تقع مع شخص زيه ويدمر حياتها ....
طلعت الصالة وهما قاعدين وقولت
عمار مش لازم يتجوز ملك ...
كلهم اتصدموا بس عمار ارتبك واتوتر...توتره الواضح كان باسطني اوووي ...
عمي اتكلم وقال
ايه اللي انتي بتقوليه ده يا ليان فيه ايه !
اتنهدت وقولت
عمار مش كويس لملك ...عمار أحقر انسان أنا شوفته في حياتي ....وانا هقولكم علي الحقيقة كلها. دلوقتي !!!
الجزء الاخير
ليان ...
قالها عمار بعصبية فرديت أنا
لازم الكل يعرف قد ايه انت حقېر ...أنا مش هخاف منك ...ملك انضف من أنها تتورط مع حد زيك ...وبعدين بصيت لعمي وقولت
الاستاذ يا عمي اوهمني بالحب وقالي أنه هيجي يتقدملي منك عشان اټصدم أنه
