ابني بقلم هويدا زغلول

حاجه انا اتحرمت منها..
ثريا 
ربنا يباركلك فيه ويعفيلك عنه المهم اوعي تقولي لعيسي اني جيت هيعملي مشكله...
سعاد 
اطمني يا طنط وما تقلقيش مش هقول لحد..
_وفي شقة عيسي ومراته كان قاعد بيتعشي ومراته اللي كانت شايله بنتها اللي عمرها شهور وقاعده قداامه وبتقوله
هناء
هو انت مش هتطلع تطمن علي ابن اخوك...
عيسي
لا واياكي تنزلي ولا حتي تطمني عليها ولا علي ابنها..
هناء بسخريه
كل ده ليه عشان ما رضيتش تتجوزك طيب حتي اعمل عشان عضم التربه..
عيسي بعصبيه 
طيب اتمسي وقولي يا مسا بدل ما والله اخليكي تباتي في تربتك النهارده..

هناء
هو انت مش واخد بالك ان الناس بقيت تتكلم عليك وتقول انك. مش صاين الامانه اللي سبهالك علي اخوك الله يرحمه..
عيسي
انا حر وبعدين انا ما يتقاليش لا انا كنت هلمها من الشارع اللي هي مرميه فيه وبتشحت..
هناء
لا يا حبيبي هي مش بتشحت دي شغاله وبتصرف علي نفسها وواقفه علي رجليها..
عيسي
وانا ما يبقاش اسمي عيسي وبعدين بدل ما انتي تدافعي عنها كده المفروض تكرهيها وتغيري منها عشان جوزك عينه منها..
ضحكت هناء وقالت
ههههه لا يا حبيبي انا واثقه في نفسي ومش مشكلتي ان جوزي عينه فارغه وكل شويه عينه علي واحده وانا مش هنزل بمستوايا واغير من كل واحده شويه وبعدين اغير علي مين يا عيسي انا قاعده معاك بس عشان البت اللي علي ايدي دي تعرف لو كانت ولد كنت اطلقت منك واهي مرات اخوك عايشه من غير راجل زي الفل بس انا معايا بنت ووليه وهنبقي انا وهي بطولنا وعلي رأي المثل ضل راجل ولا ضل حيطه..
عيسي بغيظ 
طيب حطي لسانك في بوقك بقي خليني اطفح اللقمه بنفس جاتك الهم وليه فقر...

_ ابني اخدني
الحلقه التانيه
_ وعدت سنه في التانيه وكبر زين ابن سعاد وبقي راجل اد. الدنيا وعنده تلاتين سنه وسعاد بقيت من البنت الحلوه اللي الكل بيحلف بجمالها اتحولت لست كبيره وتبان كمان اكبر من عمرها...
وكانت ماشيه بالراحه ودخلت اوضة زين ابنها ودخلت وهو كان نايم وقالتله...
سعاد
يا زين قوم يا عيون ماما اصحي قوم يا حبيبي..
زين قام وقالها
صباح الفل يا ست الكل تعبتي نفسك ليه انا كنت ظابط المنبه..
سعاد 
لا والله المنبه بيرن من الصبح اصلا وانت ولا هنا..

ضحك زين وقالها
اعمل ايه طيب انا متعود اصحي علي صوتك..
سعاد طبطبت علي كتفه
يبقي ما تجيبش سيرة تعبي المهم انك تنام وتصحي علي اللي انت مرتاح عليه يلا خدلك شاور لحد ما اروح اجهزلك الفطار...
زين 
ايوه افضلي انتي بقي دلعي فيا لحد ما نشوف اخرتها ايه..
_ وبعد شويه كانو قاعدين بيفطرو وزين عمل نفسه مدايق وقال..
زين 
شوفتي يا ماما المشروع بتاعي انا وصحابي اللي قولتلك عليه عايز فلوس زياده..
سعاد
طيب وفيها ايه يا حبيبي ما تدفع الفلوس دي وقسموها علي بعض عشان ما حدش فيكم يتزنق..
زين 
يا ماما هما دفعو مصاريف حاجات كتير قبل كده ودلوقتي الدور عليا انا..
سعاد. 
طيب يا حبيبي هو المبلغ ده اد ايه..
زين 
خمسين الف جنيه..
سعاد. 
يا نهار مش فايت يا زين واحنا هنجيب المبلغ ده كله منين..
زين 
من خالي يا ماما خالي عادل علي قلبه اد كده ما فيهاش حاجه لو اخدت منه المبلغ ده..
سعاد 
مرات خالك شړانيه ولو عرفت اني استلفت فلوس من خالك مش هتعديها علي خير...
زين 
ومين قالك بس يا ماما اننا هنستلف انتي هتاخدي حقك منه ومش حقك كامل كمان..
سعاد 
تاني يا زين كلام في الموضوع ده يا ابني انت ما بتزهقش مليون مره اقولك ان الفلوس اللي عند خالك دي من تعبه وشقاه هو وانا ماليش فيها..
زين 
لا طبعا هو عمل الفلوس دي من حتة الارض اللي كانت عند جدي وانتي ليكي فيها...
سعاد 
حتت الارض دي كانت كبيره جدك باع نصها وهو بيجوزني ابوك زمان وقال النص التاني بتاع خالك خالك بقي كبره واشتغل عليه اكتر واكتر وعمل الخير اللي عنده حرام بقي امد. ايدي واخد من تعبه وشقااه واقول حقي وانا زمان واخده حقي وغير ان خالك مش مقصر معانا انت ناسي انه هو اللي دفعلك مصاريف الجامعه ده غير الفلوس اللي بقي بيبعتهالي كل شهر...
زين بعصبيه 
ايوووه الشفقه الصدقه اللي اخوكي بيمن علينا بيها بقولك ايه يا ماما انتي لو ما جيبتليش الفلوس دي انا هجيبهم باي طريقه بس ما تزعليش بقي لما يتقبض عليا او اروح في داهيه...
سعاد پخوف
بعد الشړ عليك يا حبيبي ما تقولش كده ان شاء الله ربنا هيكرمك من الوسع والحلال بس بلاش تسرع..
زين بسخريه 
تسرع ايه انا عندي تلاتين سنه صحابي اللي