حقوق ماريانا بقلم ماريانا

هقدر اغيرها للأحسن بحبي!
أمي قلقت عليا جدا لأني كنت داخل و متوتر و كان فيا حاجة مش مظبوطة هي حست بيا من غير ما أتكلم و عرفت الموضوع لوحدها انا أصلا معنديش غيرها ..أنا ابنها الوحيد و أبويا ماټ قبل ما اتولد و هي عاشت طول حياتها بتجاهد علشان تربيني و صرفت عليا و علمتني و طلعتني شخصية محترمة و كويسة محدش يقدر يوجهلها كلمة في حقها
خليتني يوم كامل في أوضتي لا أكلت و لا شربت ..أمي كذا مرة تخبط علي الباب تطمن عليا لأنها عارفة إني مش هفتح مهما هي حاولت خليتني أسبوع علي حالة اكتئابي دي مش قادر انسي سارة أو ابعدها عن دماغي ..كلامها الحلو ليا في الخمس سنين إللي فاتوا عمال يتكرر في دماغي و مش عارف استوعب الكلام إللي قالته ليا في آخر مرة شوفتها مستني منها مكالمة تقولي فيها ان كل إللي قالته مقلب ..انها بتحبني !
عدا علي الموقف ٣ شهور ...تخطيتها و في نفس الوقت علي باليقررت اركز علي شغلي و مستقبلي و بالفعل انسحبت من المصنع إللي كنت شغال فيه و قدمت علي شركة كانت شركة محترمة و مشهورة و صعب إنك تتقبل فيها بس أنا كنت أصلا طالب كلية هندسة متخرج بإمتياز و رتبة شرف فالموضوع مكانش صعب علياإشتغلت في المصنع علشان سارة كانت بتقولي أنه انسب ليا من شغل الشركات و إني مش هقدر و هتعب لو إشتغلت في شركة صدقتها زي الغبي و هي كانت بتلعب بيا مش آكتر اتقبلت في الشركة بعد أسبوع من المقابلة و رحت أول يوم ليا..دخلت مكتب المدير بتاع القسم و استلمت الشغل إللي المفروض انجزه قعدت علي مكتبي و بدأت أعمل الحاجات إللي المفروض أعملها لقيت حد فجأة داخل فستان احمر و شعر اشقر مفرود علي الضهر و عيون بنية زي القهوة و صوت طقطقة الهيلز في المدخل كنت فاكر كل الحاجات دي ..كانت سارة رفعت عيني لمدة لحظة من علي الكمبيوتر و بصيت پصدمة بينما هي مكانتش ملحظاني اصلاركزت تآني بينما ضربات قلبي لسه عمالة تزيد مش من الحب ..لا دا كان من التوتر لأني مكنتش مستعد اقابلها دلوقتي رجعت نظري لشغلي تآني و اندمجت و نسيت انها كانت موجودة علي آخر النهار خلصت شغلي و جهزت كل حاجة علشان اسلمها لمدير القسم خبطت و مسمعتش صوته غير بعد دقيقة و هو بيقول أتفضل كنت مستغرب ليه وقفني دا كله لو كان سامعني من الأول 
أول ما دخلت لقيت السبب سارة بصيت بأستهزاء للحظة بعد ما فهمت هي كانت بتعمل

معاه أي مش هسيء الظن بس أنا متأكد إنها بالرخص دا... هي بردو مكانتش ملحظاني أو عارفة أنا مين تقريبا كنت مجرد لعبة زي غيرها بالنسبة لها فنستني بسرعة سلمت شغلي و هي طلعت برا كنت هخرج لحد ما وقفني المدير بكلامه
_ يا بشمهندس عمر ..
لفيت ضهري ليه و اتكلمت بأستغراب
نعم يا فندم فيه حاجة 
_لا متقلقش بس هو إنت إللي عامل دا
أيوة.. فيه اي
_عامل كل دا في ست ساعات
اتنهدت و وطيت رأسي شوية
أنا أسف عارف إنه كتير بس دي أول مرة إشتغل فيها في شركة و اعتقد إني وضحت دا في الانترفيو بتاعي
لقيته فجأة بيضحك و سند رأسة علي الكرسي إللي هو قاعد عليه
و كمان أول مرة ..بص يا عمر إنت علي المستوي دا هتترقي و تبقي مكاني في أقل من سنة دا إنا ممكن اعترف ان مستواك ممكن يتفوق عليا مع شوية خبرة كمان
بصيت پصدمة و فرح
دا بجد
_أيوة.. هختبرك لمدة ثلاث شهور لو عديت مستوي توقعاتي و طلعت قد المسؤولية بالنسبة لي هعينك كنائب ليا و مش هتحتاج تترقي كتير لحد ما توصل ليا هما هيبقوا ترقيتين بس يا هندسة موافق علي كلامي و لا
لا طبعا موافق
_تمام إطلع علي أول المدخل هتلاقي البنت إللي شعرها اشقر دي هي السكرتيرة قاعدة علي مكتبها ..قولها إني عايزها في موضوع 
اتوترت شوية بس قولت
_طيب ماشي
مشيت و رحت قربت من المدخل علشان أشوف المكتب بس لقيت عليه بنت تانيه بنت مخمرة لابسة لبس إسلامي لونه بنفسجي بس منزلة رأسها بتعمل شغل علي الكمبيوتر او حاجة تقريباملقيتش سارة فقررت أروح اسأل البنت 
_بعد اذن حضرتك..
لقيتها رفعت رأسها ملامح في قمة التناسق و عيون واسعة و زرقا بتلمع دا غير خمارها إللي محليها ابتسمت ليا و سابت الشغل إللي في أيدها علي الكمبيوتر
نعم حضرتك محتاج مساعدة
بصيت ليها بتفاجؤ من جمالها كانت مبتسمة ليا و بتبص بتفاؤل
_معلش بس هي فين الأستاذة سارة
لقيت نظرتها ليا اتغيرت و تعبير وشها قلبخفت صراحة تأخد عني فكرة وحشة و تقول إني أنا إللي عايز سارة 
_بعد اذنك إما تشوفيها قوللها ان مدير القسم البشمهندس حسام عايزها