حقوق ماريانا بقلم ماريانا

تقفلي بقك الرغاي دا و متتكلميش قدام حد
كان لسا هيمشي لكن أنا اتكلمت 
علفكرة أنا ممكن أساعدك 
لقيته وقف و لف ليا بفرح و صدمة 
_بجدو لا بتهزري و بترخمي عليا و خلاص
عيب عليك يا صحبي دا إنا وحش في بناء العلاقات الاجتماعية الممتازه
_افيدينا بخبراتك يا أيتها العرافة
ماشي بس مش دلوقتي خلينا نتقابل بعدين أبقا أحط خطة مرسومة سلام علشان هرجع البيت اتأخرت علي البنات
_طيب مع السلامة
أخدت بعضي و مشيت و روحت البيت من غير ما أشوف البنات كنت حاسة بفرح ان صحبتي نهي أخيرا هتلاقي إللي يحبها بدال ما هي قاعدة طول الوقت تذاكر و خلاص كدا
بعد ثلاث أيام كنت قاعدة في كافيه الكلية عادي قبل ما أروح البيت لقيت تليفوني بيرن و المتصل غريب و رديت
_آلسلام عليكم مين معايا
أنا محمد يا مريم ...قابليني في كافيه الكلية
_أي دا ..طيب أنا هناك أصلا تعال إنت بقا
تمام خمسة و أكون عندك
عدا عشر دقايق و لقيته قدامي و قعد 
_مش بتقرري تخططي لأزاي اكلمها و اخليها تحبني
_لا خططت
و قمت مطلعة كشكول كبير من الشنطة بتاعتي لقيته بص ليا بأستغراب و قال بضحك 
إحنا هنذاكر و لا اي الحكاية 
_أيوة هنذاكر ..هنذاكر نهي مش المنهج طبعا
كنت عارف و النعمة هو إللي زيك بيفتح كتب أصلا
كنت زعلانة شوية من طريقة كلامه معايا و فكرته عني بس كان حزن بسيط و اتكلمت عادي و مبينتش حاجة
_نيننينيني يا سخيفالمهم دلوقتي ..الكشكول دا فيه كل حاجة عن نهي من الألف و الياء ذاكره كويس و أبقا أشوفك الأسبوع الجاي اسمعلك فيه كل حاجة عنها
بص ليا پصدمة
كل دا احفظه في أسبوع!دا و لا المنهج والله
_مش بتحبها..اتعب عشانها يلا سلام دلوقتي
مشيت و تركت معاه الكشكول و بالفعل عدا الأسبوع و اتقابلنا تآني بعد ما اتفقنا علي معاد في مكالمة صوتيه قصيرة لا تتعدي ال٣٠ ثانية و كان غبي جدا و هو بيسمع
_إنت إزاي الأول علي الدفعة و مش قادر تحفظ

كشكول صغير زي دا!لا تكون مش بتحبها 
يبنتي ابدا!بس مش عارف المعلومة مش راضية تثبت 
_دا إنت حتي مشروبها المفضل مش قادر تفتكره!
ما هو أنا معرفش بقا
خلينا نحاول كتير و نفكر في طرق نقربهم لبعض لمدة خمس شهور و اتقربنا احنا كمان من بعض بس كنا بنتقابل علشان نتكلم عن نهي بس و احيانا بنخرح عن موضوعها شوية و كنا كذا مرة نغير المكان اللي بنقعد فيه بس أحيانا كنت بنزعج من كلامه ليا في واحدة من الأيام مقدرتش امسك زعلي
_بس و الله يبنتي أنا دلوقتي لما أروح أقولها بحبك و هي تقولي مش بحبك ارد أقول أي يعني
معرفش!!
_آكيد طبعا متعرفيش هو انتي حد هيحبك بتصرفاتك دي اصلا
هو كان بيتكلم بطريقة هزار بس انا خدتها علي نفسي آوي شفت نفسي ان أنا متحبش و فجأة بدأت ادمع في وسط ضحكه لقيته سكت و بص ليا پصدمة كنت انا ساكتة أصلا بس عمالة اعيط في صمت و بمسح دموعي لقيته اضطرب و اتوتر و بدأ ېلمس ودانه و يضغط عليها ..اكتشفت إن دي عادة عنده لما يبقي متوتر أو محروج بيعملها 
_م..مريم آنتي كويسة بټعيطي ليه
مافيش يا محمد متخدش في بالك 
_هو آنتي زعلتي من كلامي أنا مش قصدي و الله بهزر معاكي بس
عارفة بس أنا حساسة بس اليومين دول مش آكتر متخدش علي بالك
_فيه كتير بيحبك علفكره
و هو إنت مش لسه قايل ان مافيش حد هتحبني بسبب تصرفاتي!
ابتسم ابتسامة خفيفة كدا و مسك منديل و حطه علي وشي علشان يمسح دموعي
_لا فيه كتير بيحبك يا مريم ..علشان تصرفاتك دي إللي خلت كل الأطفال يحبوا يلعبوا معاكيعم حسن البقال يبتسم كل ما يشوفك صحابك يفكوا من حزنهم أول ما يسمعوا كلامكالحيوانات تتلم حواليكي أول ما تلاحظك كل حاجة بتضحك يوم ما تشوفك بتبتسمي
ضحكت ضحكة خفيفة 
يا بكاش..و دا إيه إللي بيضحك أول ما يشوفني ببتسم دا
_أنا يستي
بصيت پصدمة و ضحكت ...في اليوم دا اكتشفت اني بحبه و مش حب صداقة لا كان آكتر من كدا بس خفيت جوايا لأني عارفة لو قلت مشاعري كل الصداقة إللي بيننا هتتهدم و هو أكيد مش هيقبل بحبي لأنه بيحب نهيبعد ثلاث شهور كمان اتقربنا من بعض اكتر و بقينا نحكي اسرارنا لبعض عادي و هو بقا مرتاح معايا في الكلام و بيحكي معايا بعفويةدا كان خلاني أحبه آكتر بس كل ما كان الشعور حلو كل ما كان المه أسوأ.. كنت عارفة إني لازم اخفي كل مشاعري جوايا 
حاولت معاه في الثلاث شهور دول اخليه يعترف لها بس في كل مرة بيتكسف و يتردد ياخد الخطوة و مكنتش عارفة أتعامل معاه ازاي ..
في يوم أخيرا قررنا فيه إنه هيكون اليوم

الحاسم روحنا اشترينا ليه لبس جديد علشان يلبسه في اليوم دا و اشترينا بوكيه ورد لنهي