روايه جديد وممتعه بقلم مريم سرور

ايه !
خرج سيف بسرعه
_دي مونيكا وكانت واحده اعرفها قبل ما اجي هنا 
ولاء فهمت ودخلت جوا وقفلت الباب ع نفسها 
_شوفتي اهي زعلت اهي ...امشي ومتجيش تاني 
دخل عدل هدومه وهو متوتر وخد الخاتم والبوكيه وخبط عليها 
دخل وهو بيعرق جامد حاسس انه اول مره يتعرف ع بنت رغم انه مكنش بيتكسف خالص قبل كده بس حس انه متوتر .
_احم ولاء 
_نعم ي سيف 
بلع ريقه واتكلم بلخبطه 
_انا ...انا عارف ان احنا اتعرفتا بطريقه م اوي ....و ..و احم ....يعني اكتشفت انك بنت رقيقه وجميله ولطيفه ...وحلو جدا شخصيتك 
بص ف عنيها لقاها بتبص ليه فعرق اكتر وحس ان الكلام طار 
_و ...و ... الصراحه انا ....حاسس او انا متاكد اني بحبك ...و مبسوط معاكي .
وحط الخاتم قدامها وقال بتوتر 
_تيجي نتجوز حقيقي...انتي بتحبيني !
_لا ...
سيف اتصد م من ولاء جامد وحس ان الدنيا اسودت بعد ما رفضته بص على ولاء لقاها بتضحك جامد 
_انا مش بحبك ....انا بمۏت فيك ههههه
سيف اتصد م وحس ان في حاجه غلط بس فرح انها كانت بتهزر 
_رغم انه مش وقت هزار بس ماشي هعديها ...يعني انتي موافقه ان احنا نبقى متجوزين عن حب خلاص !
_موافقه ي سيف 
سيف حضڼ ولاء جامد وفتح العلبة القطيفه وطلع الخاتم وكان شكله جميل 
_تحفه اووي ي سيف شكله غالى
_ميغلاش على الغالية بنت الغالي
لبس ولاء الخاتم وباس ايدها واعطاها البوكيه و كان فرحان جدا 
_يلا قومي صلي وتعالي ننزل نخرج بمناسبة اننا اول يوم نعترف بالحب .
_يلا ي سيفو 
ولاء لبست خمار بيج على فستان بني وكوتشي ابيض وسيف كان منبهر بطلتها وضحك على نفسه انه كان بيضحك عليها اول مره 
_ليلو تعرفي

اول مره شوفتك باللبس ده كنت شايفك ازاي !
_عارفه ...تعرف انا كمان كنت شيفاك ايه!!
_خلاص ي ستي عارف.
اتمشو على الكورنيش وشربو قصب وراحو الملاهي وقعدو يلعبو ويجرو كتير وقعدو غلى السور وهما بيضحكو جامد 
_يااه ملعبتش كده قبل كده 
_وانا ...اه حاسه اني تعبت 
_تعرفي اكتشفت ان في حاجات اجمل من الخمر والستات والمعصيه .. انا اقدر استمتع من غير ما اعصي ربنا 
_دي حقيقه ي سيفو 
نامت ولاء على كتف سيف وقعدو يتكلمو ويضحكو 
_هقوم اجيب لنا ايس كريم ماشي ي ليلو 
_اوك 
ولاء استنت سيف وفجاه جالها اشعار ع الموب من رقم غريب فتحت كانت صور لسيف وهو حاضن بنت وبيبوسها .. لحظه دي نفس البنت اللي كانت ع السلم ...ركزت ف الصوره لقت انها صورة قديمه قبل م يربي دقنه ويشيل الوشم اللي ف رقبته. ....وكمان واضح ان المكان ف اميريكا بس معرفتش ليه حست بالغيرة رغم كل ده الرقم فضل يبعت ف صور لسيف مع بنات تانيه ...ولاء اتعصبت بس عملت بلوك 
_خدي ي ستي ايس كريم
_مالك ي ولاء...حد دايقك
_لا خالص حد بس رخم عليا ع الموب 
_مين !
ولاء فتحت الموبايل وورته الصور سيف اتصد م وبص لولاء 
_ده رقم مين
_معرفش 
سيف بحث عن الرقم ف تروكولر طلعت مونيكا اللي بعتت الصور 
_صدقيني الصور دي قديمه ....قبل ما اجي مصر ...والله ما ....
_سيف انا عارفه انه قبل مصر انت لو كنت عملت كده وانت متجوزني كنت قتلتك ...انا بس ...
_حسيتي بالغيرة !
_اه 
مسك ايدها وهو بيبص لها بحنان 
_انا اتغيرت ومستحيل اعمل كده ومونيكا عملت كده عشان تبعدنا عن بعض 
_عارفه 
_طب انتي زعلانة !
_لا خلاص انا كويسه 
روحو واليوم عدى علي خير تاني يوم سيف نزل الشغل وولاء فضلت ف البيت فجاه حد رن الجرس فتحت لقتها مونيكا 
_استغفر الله واتوب اليه ...
قفلت الباب