مطلوب عروسه لحماية بقلم مروه حمدي

امرك ياحاج كل اللي تؤمر بيه انا رهن اشارة منك. 
الحاج مايؤمرش عليكي ظالم ولا عدوا ياسوما كل الحكاية انا راجل محبش سربيتي يبق بره واكلي يكون من ايد مراتي و مش بحب التنطيط وكل ساعة والتانيه تقولي رايحه ازور اخويا والكلام دا ليكي يوم في الاسبوع تروحي تقضيه معه وكمان يجو يزروكي معنديش مانع اهم حاجه اللي في بيتي مايطلعش بره سواء منك او من اهلك. 
سوما في نفسها اعمل ايه بس ياربي الراجل طيب ويتحط على الچرح يطيب ايه اللي عملته في نفسي ده اقوله واخلص ولا هبق فتانه واخرب على عياله ويقولوا دخلت خربت البيت تتنهد بحزن خليني ساكته احسن وربنا يقدم اللي فيه الخير. 

عدت الايام ما بنهم في تفاهم وفي يوم
وهو قاعد فى الشغل سرحان بيسال نفسه.
ايه حكايتها لما هى مش قابلانى بتوافق على الجواز ليه تصحى بعد ما اصحى وتنام قبل ما انام واخدة جنب على طول وكل ما ادخل عليها الاقيها معينة وايه حكايتها مع بدرية ونوال علطول عندهم.
قام من مكانه وراح على بيته وقرر بينه وبين نفسه انه انهارده لازم يعرف الحقيقة.
رجع البيت وهو طالع السلم شاف نوال ماسكة فى ايدها شريط برشام وبتشخط فى سوما وهى واقفة ساكته مش قادرة تتكلم.
نوال ايه الحكاية يا ست سوما بخبط من بدرى نومسيتك كحلى ولا ايه ايه الموضوع ليك يومين مجتيش روقتى الشقة وكل ما اسأل الايكى عند بدرية انهاردة تتطلعيلى تروقى الشقة وتعملى المحشى
سوما بلاش انهاردة وبكرة هكون عندك من النجمه لحسن فى ناس جيه للحاج وطالب محاشى واكل كتير وكده كده سى عماد وهو وسي عاطف هيتغدوا معانا وانا هعمل حسابك معاهم.
نوال حساب مين يا ام حساب هو انا مستنيه اكلك ولا ايه من النجمه بكرة تكونى عندى واوعاكى تنسى البرشام.
كان واقف مصډوم وبسرعه نزل السلم بالراحه لما شاف التانية بتتحرك علشان متشفهوش واستناها لما طلعت ودخل هو على الشقة ومنها على اوضه النوم على طول كانت سوما راحت المطبخ وسمعت صوت الباب فطلعت جرى ودخلت وراه.
_حمد الله على السلامه يا حج جيت بدرى.
مردش عليها وبحيرة فى ايه ياحج انت دخلت على الأوضة على طول من غير ماتنادى عليا مالك 
غانم مقاطعها بعصبيه قولى ال عندك انا عقلى بيودى ويجيب فى حاجات متتخيلهاش. 
 حكت ليه كل حاجه حصلت بينها وبين نوال وبدرية وفرحه .
وبعد ما خلصت حطت الورقة بين ايديه.
_وادى العقد يا حج انا اهو مش عايزاه انا عايزاك انت عايزاك تسامحني وانا اعيش تحت رجليك.
مسكها من ايدها رفعها عن الأرض وبعصبية بيهزها ليه مقولتليش من الاول ايه ال سكتك ده كله
_الخوف خۏفت يقولو من اول ما دخلت البيت وقعت بين الرجل وعياله.
_انتى خليتى عقلى يودى ويجيب واقول يا ترى هى ليه مبعده عنى
_كل يوم بتعلق بيك عن ال قبله وبتمنى قربك وكل ما أقرب بحس انى خاينه وانا بفتكر الاتفاق اللى تم فببعد. 
غانم بتوعد انا لولا عارف الشياطين دول من قبل ما تيجى كان هيبقالى معاكى تصرف تانى بس انا هلاعبهم على الشناكل وتعالى بقا اقولك نعمل ايه.
قاعد على الكرسي في نص الصالة عينه على اللي قاعدين يبصوا لبعض