زوجي

ما يشتكي يا حبيبتي الجواب باين من عنوانه.. وبعدين جوزك موافق يبقي انتي تسمعي كلامه وتسكتي..
معتز 
خلاص بقي يا جهاد وبعدين انتي تكرهي انك تلاقي حد يساعدك وترتاحي شويه..
جهاد 
خلاص يا حبيبي مدام انت هتكون مرتاح انا كمان هكون مرتاحه...
_ وبعد شويه مشيت فتحيه وقعدت جهاد ومعتز قدام التلفزيون وقربت منها الشغاله وقالت..
حنان
اتفضلي يا هانم. انو قولت اعملكم عصير برتقان فريش وانتو قاعدين..
جهاد 
تسلم ايدك يا حنان بس ما تتعبيش تفسك انا لما هحتاج حاجه هقولك..
حنان 
تحت امرك يا هانم بعد اذنك..
ودخلت حنان المطبخ ومعتز قالها

انتي ليه بتعامليها كده البنت باين عليها غلباانه علي فكره..
جهاد 
ماشي هي غلبانه وزي الفل بس انا متأكده ان مامتك جيباها عشان تنقل اخبارنا ليها..
معتز 
لا يا جهاد انا ما اسمحلكيش تتكلمي علي ماما كده قداامي بقي دي اخرتها الست عايزه تساعدنا وانتي تقولي عليها كده..
جهاد بندم 
خلاص يا معتز حقك عليا انا والله ما اقصدش حاجه يا حبيبي خد اشرب العصير يلا...
_ واخد منها معتز العصير وشربه وكمان جهاد. شربت العصير... وفي المطبخ كلمت حنان فتحيه وقالتلها..
حنان 
ايوه يا حجه فتحيه انا حطيت الحبوب بتاعت المانع في العصير وهي شربته وكمان الاستاذ معتز..
فتحيه 
انتي متأكده يا بت انتي ان هي اللي شربت العصير اللي فيه الحبوب لاحسن يكون معتز هو اللي شربهة..
حنان 
لا اطمني يا ست الحجه فتحيه هي اللي شربته وجتي لو كان الاستاذ معتز شربه بالغلط مش هيعملو حاجه انا اتاكدت من الدكتور بتاع الصيداليه من حاجه زي دي.. قالي ممكن تعملو شوية مغص بس..
فتحيه
انا بقي عايزااكي كل يوم تديها برشاامه مش عايزاها تخلف من ابني خالص..
_وعدي شهر وكانت كل يوم حنان تحط البرشام لجهاد في العصير ومره في المايه المهم كانت جهاد يا حرام كل يوم بتاخد الحبوب دي من غير ما تعرف.. وفي يوم راحت عندهم فتحيه وقعدت معاها جهاد ومعتز وهي قالت..
فتحيه
وبعدين بقي في موضوع تأخير الخلفه ده انتو بقالكم يجي تلات سنين اهو متجوزين كان المفروض بقي معاكم عيل وبتجيبو في التاني
جهاد 
دي حاجه بتاعت ربنا يا طنط هنتدخل