زوجي

مش هينفع اصل ماما رايك بقي انا اللي هجبلك هدية قمر زيك كده وتعالي يلا نعلب في شويه جوه
واخدتها جهاد وفضلت تعلب معاها وبعد شويه لقت راجل وبيقولها..
الراجل
يلا ياخديجة عشان نروح
خديجة 
لا يا بابا انا مش عايزة اروح انا عايزة افضل هنا مع مس جهاد انا حبيتها اوي
خالد 
مساء الخير يا استاذه جهاد انا خالد منصور والد خديجة
جهاد 
مساء النور يا افندم اهلا وسهلا بحضرتك
خالد 
اتمنى ان خديجة ما تكونش ازعجتك او تعبتك هي شقيه شويه معلش
جهاد 
لا لا خالص دي خديجة دي بنوتة زي القمر ربنا يحميها يارب
خالد 

أمين يارب متشكر اوي يلا بينا بقي يا خديجه عشان نرجع البيت
خديجة 
بابا هو ما ينفعش ناخد مس جهاد معانا البيت وتبقي هي ماما
جهاد وخالد بصو لبعض وخالد قال 
احم انا اسف جدا يا انسه جهاد انا اااا
جهاد 
ماتقولش حاجة انا عارفة ان خديجة اتحرمت من مامتها وڠصب عنها برضو بتقول كده يلا يا خديجة روحي دلوقتي مع بابا وبكرة هنلعب
_ومشيت خديجة مع ابوها وعدت الايام وخديجة اتعلقت اوي بجهاد وهي كمان وفي يوم خالد راح لجهاد الحضانه وكانت واقفه بره الحضانه عشان مروحه وقالها...
خالد
ممكن نتكلم شوية يا استاذه جهاد يعني لو تسمحيلي اعزمك على فنجان قهوة ونتكلم
جهاد بتوتر
بس ااا طيب تمام وراحت معاه كافيه وخالد قالها 
انا شايف خديجة اتعلقت بيكي اوي يا مس جهاد وهي اصلا عمرها ما اتأقلمت مع حد بعد مامتها وعشان كده ده اللي شجعني وخلاني اجي واقولك توافقي تتجوزيني وتبقى ام لخديجة
جهاد اتفاجأت وقالت 
حضرتك فجأتني يا استاذ خالد انا اااا .....
خالد 
قبل ما تكملي كلامك انا عارف انك مطلقه ومفيش في حد في حياتك
جهاد 
ومش بخلف يا استاذ خالد
خالد 
وانا عايزك كده زي مانتي كفاية علينا خديجة اهي هتبقي بنتنا ونربيها سوا..
_ وبعد مده من التفكير جهاد وافقت وفعلا اتجوزت خالد وكان حنين اوي عليها وعند معتز امه كانت قاعده معاه قالتله..
فتحيه 
هو انت ومراتك مش ناوين تفرحو قلبي بقي يا ابني