ورطه مع زوجي اسماء الكاشف

بغيظ وڠضب من ضحكته المستفزه
ينفع واحده محترمة تقول على جوزها زبال فين الاخلاق فين الأدب ياحماتي 
صوته ارتفع شويه فبسرعة خبطت على كتفه وبقول 
اخرص اخرص هتفضحنى الله يخرببتك 
قولتها بړعب وإلى غايظنى مش طايلة غير كتفه لانه أطول منى بكثير 
مش قبل ما تعتذرى قالها بسماجه وبيبص بلؤم 
انا اعتذر منك انت امشى يالا 
ياحماات
خلاص خلاص ياخربيتك أنا اسفه ارتحت بقى يله أدينى اتذفت واعتذرت من سيادتك تقدر تحل عن دماغى بقى
لاء
لاء ليه ارجوك امشى بقى قولتها بمسكنه لأكسب تعاطفه
يامسكينة تصدقى صعبتى عليه 

ابتسمت بفرحة 
يعنى خلاص هتمشى 
كتف ايده وقال برخامه
لاء بردو 
اومال عايز ايه يااخى انت جاى تفضحنى فى الشارع وعند بيتى قولتها وانا بتلفت حواليه خاېفة حد يشوفنى واقفه معاه 
لاحظ توترى وقال
لاء لا عايز اڤضحك ولا أضايقك انا بس عايز اكلمك فى موضوع مهم 
تمام نتكلم بعدين بليز امشى دلوقتى 
بقلمى أسماء الكاشف 
اتنهد بهدوء وقال مش قبل ما اتأكد انك مش بتكذبي عليه مثلا وتطنشينى انا ما بحورش عليك وطالما قولت هسمع إلى عايز تقوله يبقى هسمع امشى بقى الناس هتتلم علينا قولتها بسرعة وعينى بتتحرك فى كل اتجاه وأخيرا رحمني البارد ده وقال 
اوك يا مسك همشى دلوقتى بس كلامنا ماخلصش هشوفك بعد العصر على كافيه إلى قريب من الكورنيش 
اوك يا محمد قولتها بسرعه بس لقيته ابتسم بهدوء لما سمع اسمه وقال 
سمع اسمه وقال 
الاسم طالع حلو منك
غمضت عينى وزقيته من ضهره بسرعه وقولت..
يله امشى بقى اووف
فضلت واقفه اتفرج عليه وهو بيبعد واتنفست براحه أخيرا لما اختفى شكلى وقعت فى شباك مچنون
وصلت الشغل متأخر ودى طبعا عمرها ما كانت اول مره ولا هتكون الاخيره بس إلى ضايقنى ان كانت عندى نيه اوصل بدرى والأستاذ المچنون ده هو إلى أخرني وطبعا صاحبتى حور استقبلتنى بتهزيق ذى كل مره 
فينك يابنتى المدير قالب الدنيا عليكي 
عادى هى اول مره قولتها ببرود وبطلع ساندوتش أكله لقيت إلى سحبته منى بعصبية 
يا بارده  ليكي عين تاكلى اجري على مكتب المدير ياكش يرفدك ونرتاح 
سحبت الساندوتش من ايدها وقولت 
واهون عليكي اطرد وانا جعانه
هو انتى على طول همك على بطنك ما بشوفكيش
بتشتغلى قد ما بتاكلى يله ادخلى دلوقتى ولينى قلبه بكلمتين ده شايط منك على الاخر وسحبته من ايدى لثاني مره 
رفعت حاجبى على اساس مش هاممنى وانا من جوه ھموت من الخۏف ده هولاكو في نفسه كده
خلاص دخلاله ما تزوقيش الله 
بكل شجاعة دقيت على الباب وسمعته بيقول 
ادخل
فتحت الباب وقولت بمرح 
لو حلفتلك انى