مش عايزه اتجوز

الشارع د ما الشوارع ماليه الدنيا والناس ماشيه فيها إيه الهم د على العموم حصل خير عدلت نفسي وبصتله ومشيت وتقريبا منقطش كلمة بس مهتمتش.
روحت قررت إني مش هخلي حاجة تعكر مزاجي من تاني وطز في أي حاجة تزعلني عملت فشار وجبت سناكس وعملت هوت شوكليت وجبت فيلم حب بنات معرفش ليه بس حسيت إنه أنسب فيلم أتفرج عليه.
خلصت دخلت وقفت في البلكونة فتحت النوت كتبت اقتباس جه في بالي فجأة
متى
متى سينال قلبي الحب وأكون بطلة حكاياتي. 
فضلت باصة قدامي وأنا بفكر امتى اللي يجي اليوم أقول إني بطلت حكايتي واعيش حكاية لطيفة هادية ومريحة أبتسمت على ساذجتي ودخلت أنام.

 يا سلمى بجد مش قادرة أنزل خلينا بكرة.
لقيتها عمالة تلف في الأوضة ومصممة إلا ننزل دلوقتي وتاكل أيس كريم وبصراحة مقدرش ارفضلها طلب د لو عايزة عيوني تاخدهم.
نزلت واخدت السكيت معايا اتمشينا شوية وجبنا أيس كريم واخدتها نتمشى في شارع جنبنا فاضي شوية ولبست الاسكيت وكنت باكل الآيس كريم ومش مركزة عمالة ادندن أنا وهي بصوت عالي.
لحد ما خبطت في حد مبصتش وبدأت أتكلم بصوت عالي شوية وعصبية هو أنتوا مش بتشوفوا بجد إيه د اديني اتنيلت وقعت والهدوم باظت إيه القرف د
رفعت عيني أبص على اللي خبطني لقيته بيحاول يقوم ملمحتش وشه غيره لما قام وبيمدلي ايده وده نفس شخص امبارح بصيت لأيده اللي مددهالي ورجعت بصتله بقرف وقومت لوحدي أصل يعني مش أول مرة اخد وقعات زي د
لقيته رجع أيده ولقيت سلمى جت وقفت جمبي تطمن عليا بدأ يحمحم بحرج أنا آسف أنا بجد ماخدتش بالي ومعرفتش اظبط حركته.
بصتله بعصبية ومدام مش بتعرفوا تمشوا بيه بتمشي بيه ليه ولا عجباك حوار أنك تخبط في الناس يعني.
لقيته اتعصب ومسح بإيده على وشه ورجع شعره على ورا أولا بلاش عصبية ثانيا أنا بتعلم وبعرف امشي بيه شوية أنا بس سرحت مركزتش وعلى فكرة د تاني مرة تتعصبي عليا ود عمرها ما حصلت ليا!
بس هعديها علشان في المرتين عندك حق.
كنت لسه هرد لقيت سلمى بتشدد على أيدي وبتبصلي بتحذير سكت وبصتله تمام خلاص حصل خير وياريت متسرحش تاني.
وسبته ومشيت وطبعا سلمى فضلت تزن وتعرف مرتين إيه لحد ما حكتلها اللي حصل وقال إيه تقولي مهو عنده حق يا ندى عمالة تزعقيله بردو وباين عليه إبن ناس وكاريزما.
أتكلمت وأنا بقلدها عنده حق يا ندى إبن ناس كاريزما نينينينيي هناسبه أنا مثلا أمشي يا سلمى الله يكرمك بدل ما نتهزق.

نزلت تاني يوم حطيت الهاند فري بدندن مع الأغنية مستني إيه
امشي الحلم منفعشي
حسيت انها بتمد أيدها عليا شوية عيني بدأت ترغر بالدموع لحد ما لقيته ظهر قدامي وهو بيبتسم وبيحاول يظبط وقفته.
اديني مخبطتش فيك المرة د يا ستي سكت وبصلي بقلق أنت بټعيطي مالك
بصتله وسكت رجعت بصتله تاني وأنا بقعد في الأرض وبنفتح في العياط بجد تعبت مش بإيدي د كله أنا راضية والله بس حاسة أن الدنيا جاية عليا ومبقتش حمل كده.
تقريبا فضلت اعيط تلت ساعة وهو قاعد ساكت باصصلي.
لحد ما مسحت دموعي وبصتله أنا آسفة معرفش إيه اللي حصل بس الأغنية أثرت عليا تقريبا.
أبتسم وهو بيهز دماغه ولا يهمك براحتك مستعد أقعد معاك وأنت بټعيطي لحد الصبح حابه أرد ولا أسمع وخلاص.
بصتله وهزيت رأسي ب لا.
أبتسم وقالي طب بما أنك بقى بتعرفي تمشي بالبتاع د ما تعلميني وتكسبي فيا ثواب بدل منا