عشقتك وحسم الامر بقلم نهال مصطفى

مايمشيش معااى . 
هزت رأسها بعدم تصديق ونظرت له بعيون ضيقه توحى بالسخريه
منا طول عمري عايشه لوحدي هناك يا عمو .. اي الجديد
جمال پحده وبنبره تحذيريه 
الكلام دا لما جدك كان عايش وعيصرف عليكي .. دلوق مين هيصرف عليكي يابت اخوي .. العين بصيرة واليد قصيره خلاص .. 
افهم اي من كلام حضرتك .. انك مش هتديني حقي.. 
ارتفعت نبرة صووته وانفعاله
حق مين يابت انتي .. اقولك ايه من النهارده انسي السفر دا خلاص .. ومش هتطلعي من البيت دا غير على بيت جوزك .. وحظك حلو .. عريسك متقدملك من زمان ومستنيكي .. ومستني اشاره منينا .. وانا هبلغه بموافقتنا 
اصابته نوبة من الضحك الساخر
عريس !!! عريس مين وكلام فارغ اي اللي حضرتك بتقوله .. وبعدين ازاي حضرتك بتكلمني كده اصلا .. اي الرجعيه دي والاسلوب القيادي دا!!!
جمال بنبرة صوت قويه وانفعال وهو يلوح بكفيه
لا علي .. علي صوتك كمان وكمان يابت سامي .. اقولك ايه انا مش عشاورك ودي مصالح متوقفة على الجوازه دي واعتبريها تمت خلاص .. وورث بح .. مافيش ورث .. واعلي ما خيلك اركبيه 
رمقته بنظرة سخط ثم اردفت قائله بتحد
يبقي مابينا المحاكم ياابو رامي .. عن اذنك 
قالت وعد جملتها الاخيره وهي تهم بالذهاب .. وتركته وغادرت بعدما اصدرت ضجيجا قويا نتيجه قفلها للباب خلفها بقوه وعصبيه .
وعد .. بت ياوعد حوصل ايه ... شووف البت !!
لاحت لها بظهر كفها بلا اهتمام وركضت صوب غرفتها .. تحركت نجوى سريعا غرفة زوجها
مالها البت دي .. اي اللي قلبها اكده !!!
قالت نجوي جملتها بنبره فضوليه وهي تغلق باب المكتب خلفها .
جمال بعصبيه وهو يشعل الهانم قال ايه عاوزه ورثها .. عاوزه تقلب البلد حريقه .. !!!!
هدي حالك ياابو رامي .. تعملشش ف نفسك اكده .. من ميتى عناخدو على حديت البنات احنا !
جمال بصوت منخفض وقلق
المصېبه مش اهنه .. المصېبه لو متجوزتش ولد الخيااط .. هتفتح بيبان كتير في وشنا احنا مش قديها وانت فهمانى يانجوى 
نجوي بخبث تقلقش هتتجوزه ورجلها فوق رقبتها .. وهتشووف...
جمال بقلق وارتباك حمزه ايدو طايله وماعيرحمش يانجوي .
فكرت نجوي لبرهه ثم اردفت قائله
يبقي خلاص اتحلت .. هو عينو ع وعد من زمان واتقدملها كذا مره بس ابوك كان عيصبروا منا ما تخلص علام واهى خلصت .. ياخدها ويريحنا منها وكفانا من شره ..
جمال سحب نفسا طويلا من 
اعملي حسابك انهم جاايين اخر الاسبوع يتقدموا رسمي .. لساته قافل معاي .
يادي العيبه .. ابوك لسه مبردش ف تربته ولا ربعن .. وهما جايين يطلبوا البت!! 
جمال بضجر مخابرش انا هما مستعجلين على ايه!!
نجوي زفرت بضيق ثم قالت
لازمن نخلص من الموضوع ده في اقرب
وقت .. وعد لو عرفت ان ليك
علاقه بمۏت وابوها
وامها واخوها .. وكمان لو عرفت جدها اللي كاتب باسمها نص تركته .. هتولع الدنيا ومش هتسكت.. دي بت متنوره ومتعلمه وهتلفنا كلنا في حديت .. منه لله ابوك علمها لحد ما ركبت ودلدلت رجليها .. فاحنا لازمن نفكر بعقلنا 
جمال بحذر وطي حسك ياولية هتودينا ف داهيه .. تعالي نتكلموا فوق احسن من اهنه .
فى الغرفه
ورحمة جدي ماهسيبلهم حقى يا طارق 
قالت جملتها وهى تجوب غرفتها ذهابا وايابا كالمجونه .
طارق يقلب في اوراق الماستر التي امامه اهدي بس ياوعد .. بطلي جنان .. كله هيتحل بالعقل .
فجاة اردفت لتقول
_ طارق .. انت لازم تيجي بكره وتكون هنا تتقدملي ونتجوز وتقف معايا قصادهم .. انا مش هقدر اواجههم لوحدى .
طارق پصدمه حاول ان يهرب من ذلك المأزق انتي بتقولي ايه!! .. انتي عارفه مش فاضي اروح الشقه حتي اخد شاور .
وعد بحزن وتوسل طارق انا بضيع منك اعمل حاجه لو كنت بتحبنى ...
طارق بانفعال وتأفف
اعملك اي يعني ياوعد .. انتي عارفه ظروفي .. وعارفه اني مطحوون هنا .. ومش بايدى 
وعد بنفاذ صبر وهي تطلق زفيرا قويا
طيب ياطارق .. خليك فاكر انت اللي بعت ..
انهت المكالمه بدون ماتنتظر منه رد وهى تلقي هاتفها بعيدا شاعرة بقبضه قوية تعصر قلبها 
اتفضل 
الخادمه انعام بابتسامة تفائل
الجميل نام ولا لسه ! 
وعد بنتهيده يأس ثم تحركت بتثاقل لتجلس فوق طرف فراشها تعالى يادادا .
قفلت انعام الباب خلفها وجلست بجوارها .. وهى تعبث باناملها برفق في خصيلات شعر وعد.
عارفه انك موجوعه قوي يانور عيني .. بس ربنا عارف انك قدها وهتتحملى .. والا مكنش ابتلاكى ياوعد 
انكسرت يادادا ومابقتش مستحمله .. كلهم مشيوا وسابوني .. وعمي بيبع ويشتري فيا كإني جاريه عنده .. انا مش عارفع ولا قادره اتحمل الوضع دا 
انعام ربتت على كتفها
وهو دا الموضوع اللي جتلك عشانه
ابتعدت عنها وقضبت حاجبيها وهى ترمقها بعيون ضيقة
مش فاهمه يادادا قصدك ايه 
انعام بصوت منخفض يحمل وتيره من الحذر
عمك جمال مفتري ..وماعيرحمش اللي يقف ف طريقه 
احتلها الياس وملأتها قلة الحيله
اعمل بس يادادا تعبت اووي
انعام بتحذير