اسر واسير بقلم مي محمد

إني اروح عند ماما ماما وحشتني اووي.
زينب پبكاء وهي تحضنها_ يا حبيبتي يا بنتي كل ده حصلك معلش يا قلب اختك ربنا ع الظالم والمفتري حسبي الله ونعم الوكيل قومي يا بنتي ارتاحي وانا هعملك لقمه تاكليها.
آسيل_ انا بجد متشكره ليكي انا مش عارفه من غيرك كنت هعمل ايه انا ارتحت اووي بعد ما اتكلمت معاكي.
زينب_ انا اختك يا حبيبتي قومي يالا علشان ترتاحي.
قامت آسيل ودخلت الاوضه فردت جسمها على السرير ونامت ولاول مره تنام وهي حاسه براحه.
وبعد فترة من الزمن جه آسر من بره
آسر_ اومال فين آسيل
زينب_ من وقت ما جبتها وهي نايمه وانا مش عايزه اصحيها لآنها تعبانه .

آسر_ هي اتكلمت معاكي في حاجة.
زينب بحزن_ اتكلمت وياريتها ما اتكلمت دي حالاتها تصعب على الكافر بقولك ايه يا آسر انت ناوي فعلا تجيبلها شغل وسكن .
آسر_ ايوه اومال إنت عايزها تعيش معانا ولا إيه.
زينب بتردد _ بصراحه ااه انا حبيتها وعيزاها تعيش معايا..
آسر_ بس يا زينب مش هينفع إحنا برضوا مش نعرف هي مين وانا إن كنت ساعدتها فانا علشان خفت بعد ما اموت تكوني مكانها ومش تلاقي اللي يساعدك.
زينب_ يا حبيبي ربنا يديك طولت العمر بس انا برضوا عيزاها تفضل معايا.
آسر_ هي مش هتوافق شكلها من النوع اللي عنده عزت نفس.
زينب_ لا ملكش دعوه انت بالموضوع ده انت كل إللي هتعمله إنها وقت ما تقولك الشغل تقولها لسه مش لقيت ولو صممت خدها اتمشي معاها شويه وبعدين قولها مافيش حد راضي يشغلك.
آسر_ امري لله لما اشوف آخرة إللي بتعمليه دهانا هروح انام عند فريد علشان تاخدوا راحتكم ولو احتاجتوا حاجه رني عليا.
زينب_ ماشي يا حبيبي.
مشي آسر وزينب قالت يارب يهديك يا آسر وتوافق على إللي في دماغي
__________________
تاني يوم
زينب_ آسيل اصحي يا حبيبتي كفاية نوم إنتي من امبارح نايمه.
آسيل_ صباح الخير.
زينب_ صباح الورد يا جميل نمتي كويس.
آسيل_ هتصدقيني لو قولتلك إني اول مره انام وانا مطمنه.
زينب_ ربنا يطمن قلبك ديما يارب يالا بقي قومي علشان انا جهزت الفطار.
آسيل_ طيب ليه تعبتي نفسك
زينب_ ولا تعبت ولا حاجه يالا قومي.
بعد الفطار جه آسر واول ما آسيل شافته قالت_ بجد شكرا لحضرتك يا استاذ آسر ومعلش تقلت عليكم انا همشي دلوقتي بس ممكن لو سمحت تاخدني علشان ادور على شغل.
آسر_ حاضر اجهزي علشان نطلع مع بعض.
آسيل_ دخلت عند زينب اخدت منها هدوم علشان تخرج مع آسر ولما خرجت كانت لابسه عبايه سوداء وطرحه بنفس اللون وكانت زي القمر فيها واول ما شافها قال بسم الله ماشاء الله تبارك الرحمن.
آسيل_ انا جاهزه
آسر_ طيب يالا بينا.
خرجوا مع بعض فضلوا يتمشوا مع بعض والصمت هو كان سيد المكان لغاية ما وصلوا لمكان على البحر 
سابها