امامي ومنقذي

بنت.
نورا أه نورهان أختي الكبيرة هتلاقيها بكرا جايه تقعد معانا هي مبتجيش الجمعه عشان جوزها بيبقي أجازة..
حبيبة بهدوء ربنا يخليكوا لبعض هو عمي إبراهيم مراحش لبابا النهارده
نورا راح ولسه راجع يدوب حطيت الأكل...
حبيبة هخرج اسأله عن بابا..
نورا طيب غيري لبسك وألبسي طرحه عشان حمزة برا.
حبيبة بعند مش هو هيتجوزني خلاص هتفرق في ايه معاه!!
نورا لسه متجوزتوش عمتا أنتي حره..
خرجت نورا و بعد شوية خرجت حبيبة كانوا بيتعشوا كانت لابسه بيجامه نص كم ولابسه فوقها طرحه نورا ضحكت بخفوت علي حبيبه وهي بتشد الطرحه علي شعرها و دراعها باين..

حبيبة بضيق أنا أخري كدا مهو أنا مش هكتم نفسي طول النهار ولبس كله كدا..
نورا بهدوء تعالي هجيبلك حاجه من عندي..
حمزة بتفكير سيبيها براحتها يا نورا دا بيتها و أنا خطيبها...
حبيبة بعند اه بالظبط..
إبراهيم مينفعش يا أبني..
حمزة عادي يا بابا أنا كدا كدا همشي بكرا و بعدها هرجع ألاقيها جاهزة علي كتب الكتاب و بعد كدا أنا أقرر هتلبس إيه ومش هتلبس إيه..
حبيبة والله أنا لبسي كدا معنديش غيره ايه أموت نفسي!
حمزة نبقي نقرر الموضوع دا بعدين نورا لو كلتي قومي غيري هدومك..
حبيبة أنا هاجي معاكم..
نورا اه حبيبة هتيجي معايا.
حمزة ماشي يلا قوموا إلبسوا..
نورا و حبيبة كل واحده راحت أوضتها تلبس وإبراهيم بص لحمزة پغضب..
إبراهيم هو أنت هتخليها تعمل اللي هي عاوزاه!!
حمزة لا أنا هخليها تعمل اللي أنا عاوزه بإرادتها البنت دي عنيده يا بابا ولو إحنا الإتنين شدينا هتزيد عند لازم تحس ان حد في صفها دلوقتي أنا عاوزك تزعقلها علي اللبس لو مش كويس و خليها تلبس من عند نورا وفي نفس الوقت أنا هجيبلها لبس علي أنه هديه..
إبراهيم الحكايه يا أبني مش حكايه لبس بس تصرفاتها و القسۏه اللي فيها دي دا يا بني مش زعلانه علي أبوها..
حمزة خطوة خطوة الأول بس أنا مستحيل أقبل ان مراتي تلبس كدا! ولا إيه..
إبراهيم والله بقي أنت حر...
خرجت حبيبة بعد شوية بلبسها اللي خلي حمزة ينفر منها أكتر بص بعيد عنها وفضل ساكت.. 
خرجت نورا بعد شوية و معاها شنطتها لابسه إدناء واسع و خمار طويل..
نورا يلا!
إبراهيم أنتي و حمزة روحوا حبيبة مش هتخرج..
حبيبه بضيق ليه بقي
إبراهيم قولتلك مش هتخرجي باللبس دا وإن وصلت أحبسك..
حبيبة بضيق يبقي مش هخرج خالص أنا لبسي كله كدا..
إبراهيم يبقي كدا وفرتي عليا وعلي نفسك كلام كتير يا إما تلبسي حاجه من عند نورا..
حبيبة بنفور لا أنا مش هلبس عباية أنا خلاص روحوا أنتوا.
حمزة تمام يلا يا نورا..
إبراهيم وأنا هنزل أقعد ع القهوة علي ما تيجوا..
بصتلهم بغيظ وكلهم خارجين من البيت حاولت تفتح الباب وتخرج بس إبراهيم قفله من برا دخلت الأوضة تاني وقعدت علي الموبايل لحد ما نامت..
تاني يوم الصبح فتحت عينيها علي صوت نورا رفعت الغطاء علي وشها ولفت الناحيه التانيه...
فضلت علي الوضع دا إسبوع.. فضلت قاعده في أوضتها إسبوع بتخرج لحمام والصاله بس في أوقات الأكل و بترجع تاني علي موبايلها ورفضت تخرج بلبس نورا حتي عشان تشوف أبوها..
رجع حمزة يوم الخميس و أستغرب من قسۏتها أنها لمجرد رفضت اللبس اتنازلت انها تروح لأبوها..
نورا حبيبة تعالي كلمي حمزة برا..
حبيبة هو رجع إمتي
نورا لسه جاي أهوه..
خرجت نورا و وراها حبيبة لحمزة اللي كان قاعد برا...
حمزة كلمي أصحابك بكرا هعزمهم علي الفطار في المكان اللي تحبوه أصحابك كلهم ولو في ولاد تمام عاوز اتعرف عليهم قوليلهم اني صديق جديد ليكيمتقوليش غير كدا..
بالفعل حبيبة كلمت صحابها وهي بتتسأل يا تري حمزة عاوز منهم إيه!!
في الصباح..
حبيبة بضيق نورا عندك جيبه ألبسها علي البلوزة دي عشان يرضوا يخرجوني..
نورا عندي أستني لحظه..
حبيبة طيب..
أخدت الجيبه وغيرت لبسها و غطت شعرها بالكامل وخرجت لحمزة اللي كان مستنيها برا..
حمزة يلا..
إبراهيم إبقي روحي بصي علي أبوكي..
حبيبة ماشي..
خرجوا الإتنين سوا حمزة مبيتكلمش ومبيبصش حتي لحبيبة ومتضايق من اللي بيعمله لكنه هو الحل اللي قدر يفكر فيه..
وصلوا للمطعم و بعد دقايق وصل تلات بنات و شابين..
باسم اي يا بنتي مختفيه فين!
مي أبوها تعبان.
باسم لا ألف سلامه ولا أقولك أهو تعرفي تخرجي براحتك..
معتز هو دا صاحبك اللي عاوز يتعرف علينا! صحاب بس ها أنا ما صدقت أنك فشكلتي..
حبيبة بقلق ها لا صحاب بس..
حمزة ببردو ما تقعدوا يا جماعه يلا أنا جوعت..
معتز نتعرف بس الأول أنا معتز و دا باسم مي بسمه وداليا..
داليا أهلا بيك أنت تعرف حبيبة منين
حمزة جيران..
مي بقولكوا إيه اطلبوا فطار علي ما نروح الحمام ونيجي يلا يا بنات..
الأربع بنات راحوا الحمام وفضل حمزة مع الشباب بعد عشر دقايق رجعت حبيبة وأتصدمت من اللي شافته قدامها.. 
الكراسي متكسره و معتز وباسم مضروبين و حمزة في أثار ضړب في وشه..
حمزة پغضب يلا..
حبيبة اي اللي حصل!
حمزة بقولك يلا متنحيش في وشي..
خرجت حبيبة ورا حمزة من المكان و راح بيها علي