انثى من ڼار بقلم مرفت السيد

والمحل ربنا يخليك لولادك
بكى ايمن وقالها ليه كدة بس ربنا يطول بعمرك
قولتلها احنا مش عايزين حاجة قومي بس انتي وشدي حيلك
ابتسمت وقالت انا دلوقتي هاموت وانا مرتاحه بس سيبوني مع منير 
وخرجنا مع خالي
خرجت انا وحبيبة واتفتحنا بالعياط دي امي مهما كان 
خالي فضل يهدينا 
بابا قالها متجهديش نفسك بالكلام ابويا دي كانت مرة وضعفت بس محصلش بينا حاجة هو جه على غفلة وأنا كنت فاكراك انت الى بتخبط مش هانكر اني كنت هاضعف بس انا جيت وحصل الي حصل انت كنت بتسافر كتير وهو استغل وحدتي انا عشت من يومها باستغفر

وباتوب وربنا يعلم حجيت وعشت بدون جواز حتى بناتي مارضتش اطلب رؤيتهم عشان انفذ اتفاقنا باني ابعد وانساهم. مقابل انك تسترني وكتر خيرك سترتني قدام. اهلي لما اتصلو بيك وسألوك عن سبب الطلاق واحنا ارياف وكنت خاېفة بس ربنا رحيم وسترني 
عاوزاك تخلي بالك عليهم وتدعيلي وتخليهم يزورو قبري
ربناةيسترك زي ماسترتني
بكى منير وقالها انتي ام بناتي وكنتي نعم الزوجة وربنا غفور رحيم وان شاءالله تقومي وتخفي وتجوزيهم
ابتسمت وهمست ياحبيبي ياالله وسكنت
وانطلقت صافرة الاجهزة وسارع الطاقم الطبي لانعاشها
بقلم مرفت السيد 
خرج بابا واحنا اتخضينا من الي بيحصل
وكان دامع العين واحنا بنبكي
لحد ماالدكتور اعلن. عن ۏفاتها
مكنتش متوقعة اني هانهار كدة انا وحبيبة
بابا وخالي خلصو الاجراءات
وخالي استضفنا عنده لحد تاني يوم ډفنوها وعملو عزا بالليل 
وخالي اصر نقعد عشان نشوف الارض ونتعرف بالعيلة
ولكن بابا قاله زي ماهي استأمنتك بناتي مستأمنينك ولنا عودة بالاجازة البنات يتعرفو باهلهم ولكننا مرتبطين بدراسة وامتحانات وانا عندي شغل 
حبيبة انا بس عاوز اعرف سابتنا ليه
شوفي يابيبة الجواز والطلاق نصيب هي وبابا كانو بيحبو بعض ولكن الشيطان ظايما بيحب ېخرب اي علاقة زوجية ودة الي حصل وهي خاڤت تيجي تشوفنا بابا او اي حد. هنا يتخانق معاها كانت بتتصل تطمن علينا من بابا وبعدين احنا نركز بقى بدراستنا ياللا يامنار عالمذاكرة
منار استني بس عاوزة اقولك على حاجة
قولي ياسوسة
عارفة عدي 
اه ماله
سألني عليكي
ليه
مش عارفة قالي هي حلا بتحبك وبتطلعي عندهم قوليلي بقى معندهاش صحاب ولا في حد. متقدملها طب هي عاوزة تدخل كلية ايه
فاكرني هبلة وهاقوله
وعملتي ايه يالي مش هبلة 
ماقولتش حاحة الا لما اخدت منه فلوس
ذاكري يابت يامصيبة وبطلي لوكلوك
خرجت وسيبتهم يذاكرو
لقيت بابا بيستعد للخروج وقالي تعالي ياحلا انا عاوزك تعرفي ان امك كانت ست كويسة. مفيش حد فينا معصوم عاوزك تركزي بدراستك وتنسي اي حاجة وحشة حصلت زمان
صدقني يابابا خلاص انا بادعيلها ومبسوطة اننا شفناها وان حضرتك سامحتها 
ربنا يكملك بعقلك في حاجة كمان دهبك انتي واختك معايا شايله ليكم لحد ماتتجوزو وفلوسكم نفس الشيء واي فلوس خالك هيبعتهالكم هتتشال ليكم وباذن الله هانقضي اجازتكم. هناك عشان تغيرو جو وتتعرفي بعيلتك
حاضر يابابا الي تشوفه 
خرج بابا وعملت نسكافيه ليا وسندوتشات للبنات ولسة هاذاكر لقيت الباب بيخبط
بصيت من العين السحرية قبل ماافتح مالقتش حد
او تقريبا حد استخبى على جنب عشان ماشوفش هو مين
فتحت وانا بقول قفشتك ياباسم
لقيت قدامي............ 
لقيت باسم لسة باضحك وهاحضنه
لقيت معاه عدي واقف بعيد عن العين السحرية وبيبتسم
اټخضيت باسم قالي شوفتي عدي جابلي لعبة وقالي تعالى نسلم على حلا
عدي وشه احمر وحاول يداري احراجه وقالي البقاء لله انا كنت جاي لعمي وليكم انتي وحبيبة عشان اعزيكم
قولتلهووقفت ليه بعيد عن العين السحرية
قالي دي فكرة باسم
باسم ايوة انا قولتله تعالى نخضها زي مابعمل كل مرة
قولتله الدوام لله شكرآ على تعبك بس بابا نزل من شوية
قولتله مقدرش اقبل الا بإذن بابا
نزل وهو وشه احمر من الاحراج
دخلت وانا مستغربة من تصرفاته واتطمنت على البنات لقيتهم نامو غطيتهم وطلعت
شوية وسمعت زعيق وبنت بتصرخ وصوت جدي وعمي وعدي وزعيق جامد
لقيت عدي ماسك. نور اخته عاوز ېموتها وابوه وعمي محمد ومجدي ابنه مش قادرين عليه وبيسألوه طب فهمنا عملت اي
وهو بيلطشها بالاقلام وماسكها من شعرها
وهي بتصوت وبتقول معملتش حاجة
واخيرا جدي تدخل وقدر يقنعه يسيبها فادية مرات عمي اخدتها