حكمت وحسم الامر بقلم الهام رفعت

يعملوا اللي هما عايزينه ان شاالله يولعوا في القصر أنا موافق ومحدش يعملهم حاجة 
قفز الأطفال فرحا مهللين هتف احدهم وهو ينظر لجده
ربنا يخليك لينا يا جدو احنا بنحبك قوي 
أكد الطفل الأخير ما قاله أخيه 
أيوة يا جدو بنحبك انت وبس 
ضحك سلطان في حين حدجتهما مارية بغيظ تريد النيل منهم نظر لها عمار ليضحك عليها هي في صمت فكم هي رقيقة وڠضبها يعشقه أخذ سلطان الولدين وسط نظراتها الحانقة المسلطة عليهم دنا عمار منها ليهدأها حين حاوط خصرها قال بخبث ليحرضها عليهم 
شايفة العيال بيعملوا معاكي ايه 

نظرت له مارية بانتباه ليكمل هو بحزن
زائف عليها
هما الولاد كدة يا مارية بيتعبوا غير البنات بيبقوا هادين وبيسمعوا الكلام 
نظرت له مارية لبعض الوقت شاردة حركت رأسها بعد ذلك وقالت لتوافقه الحديث
عندك حق يا عمار حتى شوف باعوني في ثانية رغم اني بتعب كتير علشانهم 
ادعى البراءة وقال بمكر دفين وهو يسحبها للأعلى لتجهل هي ما يريده منها
علشان كدة يا حبيبتي لازم نجيب لنا بنت حلوة كدة بسرعة علشان نغيظهم بيها 
نظرت له مارية بعدم فهم واستمر بصعود الدرج وهو يسحبها معه لبعض الوقت ادركت مارية ما ينتوي فعله نظرت بحركة سريعة اظهرت بها فهمها له نظر له عمار بطلعة بريئة زائفة قال بشفقة مصطنعة 
اوعي مخك يروح لبعيد يا حبيبتي أنا بس زعلان علشانك وعاوز اشوفك مبسوطة ومرتاحة ومافيش غير الحل ده 
قالها عمار وولج بها الغرفة في حين رمقته مارية بأعين مظلمة بأنها كشفت لعبته وقف امامها وقال محاولا اخفاء تمنيه ليكمل ببراءته المخادعة
يلا يا مارية احنا مش ورانا غير الحل ده 
قالت بدلال زائد 
متتعبش نفسك يا حبيبي 
هتف باحتجاج شديد وهو ينظر لها بثقة 
دا مين ده اللي قال أني هتعب تعالي وأنا اوريكي 
ثم دفعها نحو الفراش هتفت مارية رافضة حين جلست على طرف التخت
انت فهمتني غلط 
وضعت يدها على بطنها وابتسمت لتقول بمعنى
أنا حامل يا حبيبي كنت مستنياك لما تيجي علشان أقولك 
كشړ بتعابيره واغتاظ هتف بنبرة معترضة 
دا حمل كاذب 
هتفت باستنكار 
هو أنت هتعرف أحسن من الست اللي جات وكشفت عليا 
هتف عمار بنبرة اصرار وهو يشلح ما يرتديه 
أنا بقول كاذب يبقى كاذب دلوقتي هخليه بجد 
ثم 
عن اسماء وفؤاد ارزقهم الله ببنت وولد عاشوا في سلام وحب من الطرفين فكل منهما يريد ارتضاء الآخر عليه بدت حياتهم سعيدة حيث فرح والده السيد راشد بأنه صار له أحفادا خشي ۏفاته قبيل رؤيتهم ولكن مشيئة الله وسعت كل شيء لم تخلو حياتهم من الفرح لتزيدها مارية بهجة حين تستدعيهم للقصر لعمل وليمة تجمع العائلتين في يوم حددته مارية وهو يوم الجمعة لتزداد الألفة بينهم 
وعن مكرم ومنى رزقهم الله بولد يشبه مكرم إلى حد كبير احبت منى هذا الولد وانجبته بحب جمعهما معا لتذق معه طعم السعادة التي حرمت منها مع زوجها السابق لم يتراخى مكرم في بث حبه داخل اعماق قلبها لتركع تحت قدميه وتفعل المستحيل كتعويض على ما يفعله من أجلها احب مكرم ابناءها من ابن عمها وتولى تربيتهم كونها من انجبتهم ولحبه فيها لاح عصر جديد لا يحمل فيه أحد الضغينة لآخر انتهى الٹأر لتنتشر المحبة بين الجميع تناسى الجميع الماضي ولم يتجرأ أحد أو بالأحرى لم يحبذ فتح صفحات لم تكتب فيها سوى بدماء الكثير بفضل عمار لم شمل الجميع فعل كل ذلك من اجل زوجته وحبيبته إلى الأبد ليرسم معها طريق هو وهي يسيران عليه فقط طريق مبثوث بالمحبة والعشق الدائم 
اغلقت الكتاب الممسكة به بعدما انتهت من قراءة قصة من قصصها الرومانسية التي تعشقها احبت مارية هذة القصة كون البطلة تحمل اسمها نعم هي عاشقة للروايات ولكنها تحب هذه القصة بالأخص لتتمنى أن تضحى في يوم كبطلتها اغمضت عينيها شاردة في هذا عمار تريد الزواج من مثله ليسبح معها في سماء العشق وبالفعل تخيلته معها بحركة مباغتة ولجت اختها الكبرى شادية لتهتف باغتياظ حين رمقتها بنظرات شرسة
خلصتي يا اختي الزفتة اللي ليل ونهار بتقريلي فيها 
انتفضت مارية مڤزوعة ونظرت پصدمة اكملت شادية بامتعاض
قومي ماما عاوزاك علشان الضيف اللي جاي عندنا ولا عاوزاني اشتغل لوحدي والست البرنسيسة قاعدة 
نظرت لها مارية متأففة كونها اخرجتها من حالتها الهائمة كم هي باردة هذه الفتاة نهضت مارية وهتفت محتجة وهي تضع يديها على خصرها
أيوة برنسيسة ليه لأ أنا واحدة في الجامعة دلوقتي أنما انتي بتاعة دبلوم وخلصتي يعني تشتغلي انتي 
شهقت شادية بغيظ صرت اسنانها وقالت بعناد 
ماشي يا مارية شوفي مين اللي هيديكي فلوس تشتري بيها الرويات بتاعتك انا من النهاردة خلاص بح