ادهم وعشق بقلم ميفو سلطان

اتعمل فيكي يا عمري وعملتيه عشاني عرفت اد ايه انت كبيره قوي اد ايه ان مالكيش زي اد ايه حبيتي وعنيتي واد ايه اتوجعتي عرفت وانغرز وجعك جوايا ومش عارف اوديه فين 
لتتجمع الدموع في عينها من كثره ۏجعها _ والمطلوب بعد ماعرفت مش خلاص راح كل واحد لحاله 
ليهتف _ عشق انا رديتك انت مراتي دلوقتي 
لتصرخ هيا _ لا والله يعني ترميني براحتك وتوجعني زيهم بعد ما اديتك قلبي وترجع توجعني اصل خلاص بقيت مطعنتش ومخنتش ادهم بيه في ضهره بس انا لسه عشق اللي هتنزلك تحت يا ادهم بيه عشق الخدامه اللي خليتها تخدم لهوانمك عشق اللي تحت اوي 
ليقاطعها ويقترب منها _ كان اتقطع لساني ساعتها يا عمري دا انت ست الناس والله عشق انا بحبك وبموت فيكي وهعيش عمري تحت رجليكي ارد جزء من جمايلك عليا
لتقول _ اه قول كده بقه صعبانه عليك وبتردلي الجميل طب يا سيدي شكرا لحد كده انا خدت جميلي وعملت العمليه والشيك اللي خدته منك قطعته يبقي انت كده خدت فلوسك وزياده ومش عايزين رد جمايل وسيبني في حالي 
لينظر اليها موجوعا من كلامها _ طب يا عشق بتحاسبيني علي ايه اني ما كنتش اعرف 
لتصرخ _ انا مش بحاسبك ولا عايزه احاسبك انا موجوعه وعايزاك تسيبني في حالي موجوعه من الكل وانت معاهم
لتجهش بالبكاء وتنتحب لتقول _ حرام بقه كفايه 
ليقترب منها يهدهدها حتي هدات ونامت ظل ملاصقا لها
يعاونها كظلها وكان هو يحاول ان يكلمها ويجعلها تتكلم وهيا صامته موجوعه من كلماته الاخيره معها كان لا يحاول ان يعكر مزاجها فكان يغدقها بالحب وهيا كما هيا لا تستجيب له ليمر شهر وقد عادت اليها عافيتها ليستعدا للرجوع مره اخري ليظن هو انه سيكمل حياته بسعاده الا ان لها قرار اخر 
فبعد ان وصلا قالت له _ وديني علي بيتي ومن فضلك كتر خيرك لحد كده
ليهتف اليها _ هو ايه اللي وديني علي
بيتي وكتر خيري هما شالو عقلك كمان فيه ايه يا عمري انت مراتي وهتيجي علي بيتي وهتعيشي فيه ملكه عشق انت النفس اللي بتنفسه عشق انت مش حاسه بيا
فقالت _ ليه ارجع ليك ليه مش انا اللي هتنزلك لبير السلم مش انا اللي تحت قوي وانت فوق قوي مش انا اللي مش بنت ناس وانت بتدور علي حد يشدك لفوق لا بصراحه مرضلاكش تكمل مع جربوعه ديي 
ليشدها اليه ويحاول ان ياخذها بين ذراعيه لتبتعد _ ابعد من فضلك كفايه لحد كده 
ليهتف بغلب _ بحبك وھموت عليكي 
لتغمض عينها وتقول _ بس انا مش مصدقاك ومش عايزه اصدقك اللي يقول لواحده كلام بالشكل ده بعد ماعيشها وغرقها حب وهيا غرقته حب استحاله يكون بيعرف يحب وانا مش عايزه كتر خيرك عالعمليه يابن الناس 
ليضع يديه علي جبينها ويقول _ طب مش سخنه امال ايه انت بتخرفي يا قلبي طب اهدي كل حاجه تتحل 
فصړخت فيه _ هو انا عيله عشان تكلمني كده 
ليقول _ احلي عيله وربنا عيله قلبي اللي مكلبشه فيه وشابط جوايا ڼار من وجعك وبعدك 
لتنظر امامها وتقول _ وديني لامي بقلك اهوه 
ليضحك ويقول _ عيوني يا قلبي
لم يستمع اليها ليصل الي بيته لتجد امها في استقبالها لټحتضنها بشده وتبكي بشده لتربت علي كفها وتقول _ خلاص يا ماما انا كويسه احنا هنروح ايه اللي جايبك هنا 
لتنظر الام لادهم 
فهتف _ معلش ده تاثير العمليه 
ليقترب منها لتهتف بحنق _ انت اټجننت 
ولكنه كان صعد بها الي جناحه بهدوء وهيا تتميز من الغيظ ليدخلها لتجلس علي السرير وتقول _ انت ناوي علي هيا مش طلقتني وخلصنا والا عايز تمن عمليتك معييش فلوس 
ليقترب منها ليغمز لها ويقول _ من جهه تمن العمليه هاخده بس مش فلوس يا قمر يا حلو انت يا خراشي يا ناس بحب قمر يا رب البت اتهبلت بعد العمليه 
لتصرخ _ بقلك ايه انت هتعملهم عليا امال فين بنات الناس اللي هتتجوزهم 
فهتف وهو ياتي اليها بملابس لتغير ليقول _ انت عبيطه وبتصدقي اعملك ايه عشق انا عرفت كل حاجه عملتيها عشاني لو قعدت العمر كله تحت رجليكي مش هعرف اردلك جزد من اللي عملتيه انا ۏجعتك اوي بس كان ڠصب عني وحقك هجيبه من نن عينهم وهلبسهم قواضي مش انا اللي يتعمل فيا كده 
لتهتف _ وانا مش عايزه رد جميل يا سيدي ممكن بقه تروحني وتسيبني في حالي 
ليقترب منها ويبدأ في مساعدتها بتبديل ثوبها لتصرخ _ انت اټجننت 
ليقول _ مانت مش راضيه تسكتي ونازله هبد اعملك ايه يعني خدي البسي قبل ما اتهور
ليستدير لتلبس بسرعه وهيا تبرطم _ ايه قله الادب دي 
ويقترب منها وياخذ يدها ثم يقول _ قلبي وحياتي ملكك جميل ايه يا هبله دانا كاني رجعت ليا روحي اللي ماټت انت فاكره ايه 
لتقوم من مكانها _ انت بقلك مش عايزه هو عافيه مش رمتني وقلتلي اني مانفعكش اهو انا يا سيدي بعفيك من اي التزامات وطلقني 
ليحملها بين يديه ويدور لتتمسك