بيت العوانس

حقوق...هوفر لك في حدود إمكانياتي كل سبل الراحة المادية والنفسية
ابتسمت بانتصار ولمعت عيناي بشدة وقلت بصوت خاڤت للغاية
الراحة النفسية...تمام..علي فكرة..طلبك مقبول بالنسبة للشغل..أنا أوعدك مش هطلب ابدا أني أشتغل..وأوعدك كمان أني مش أخرج إلا بأذنك..ومش هستخدم النت ولا اتفرج على قنوات الدش إلا برضاك..
لكن أظن ليا حق أطلب طلب وحيد يتيم صغير 
كان يسمعني فاغرا فاه متعجبا من جرأتي في الحديثوحركاتي الرقيقة..
أنظر في عينية بثبات دون حرج..حقي أن أراه جيدا ويراني جيدا...روحا وليس جسدا....
أبتلع ريقه بتوتر ملحوظ وقال

طبعا .حقك بس أسمع الطلب الأول..ويا تري يتعارض مع شروطي ولا لاء
ارتسمت ابتسامه ساخرة علي شفتاي..الدكتور ذو المركز المرموق يحاول أن يوصل لي انه إذا لم أقبل بشروطه ...فالأمر منتهي بالنسبة له....
حسنا هناك مقولة جميلة تقول
من يضحك أخيرا يضحك كثيرا 
تحدثت بثقه ودون أن يهتز لي جفن
طلبي انك تاخد اجازة ثلاث ايام كل شهر..يكونوا حقي انا...أختار البرنامج للإجازة
ورفعت عيناى بخبث نحوه
وطبعا لازم موافقتك علي البرنامج او تعديله علي حسب رأيك
سأل محاولا التملص من الفكرة
وهل الأمر دا له علاقة بقبولك الزواج منى
نظرت لعينيه مباشرة في تحدي وقوة هاتفة
الطلب دا له علاقة بأن الدكتور عليه واجبات زى ما له حقوق...ودا مش أمر ..دا مجرد رجاء بسيط وأظن أن حضرتك مش بخيل لدرجة انك ترفض راحة لتلت أيام في الشهر...
ينظر إلى نظرة ثاقبة..كأنه يحاول أن يستكشف الكائن المقرر له أن يرتبط به...بالنسبة لي رسمت وجه اللامبالاة..كأني لا أهتم أو أبالي بما يحدث حولي ..وأخيرا تحدث المصعب الصعب الصعيب قائلا
واذا حصلت أي ظروف طارئه..ولغيت الأجازه لأي سبب
کرهت التاء التي معناها واضح جدا ..لابد من الصبر فأمامى طريق طويل من المصاعب مع مصعب...
أجبته بهدوء مستفز ...
طبعا الدكتور مصعب رجل يحترم كلمته ويوفي بوعده... فاذا اضطرته أي ظروف قهريه لقرار زى كدا في شهر..عادي ظروف وبتحصل..لازم طبعا هيوفر مقابل....يعني وقت تاني مناسب ليه..واكيد مش هيطمع فى ثلاث ايام كل شهر...بس ممكن الأيام تتجمع علي بعض....
بمعني حصلت ظروف في شهر..الاجازة الشهر اللي بعده ست أيام..فعادي سهله وبسيطة يا.... ونظرت مباشرة لعينيه وضغطت علي الحروف واكملت ......دكتور.
نظر الي متساءلا....
ممكن اسألك سؤال محرج شوية
قالها بثقة علي طريقة صبرا سأوقعك في شړ أعمالك....سنري من ېصرخ اولا يا.....صعيب الصغير .
طبعا اتفضل أسأل براحتك
أجبته ببساطة شديدة احسد عليها وأنا أعود لأسند ظهري علي حافة الكرسى واتعمد ألا أنظر للأرض......
شعرت بأنه يتراجع كأن الأسئله حقا محرجة ..أم أن ثقتي الشديدة هزت غروره بعض الشئ ...
مصعب يا بني اياك واللعب بالنيران معي أنا بالذات ...فأذا اقتربت منك احرقتك واذا ابتعدت لوعتك ولن يكون الاحراج إلا لك يا قلب أمك الغاليه ..
.طالت فترة صمته فابتسمت برقة محاولة تشجيعه علي أسئلته المحرجه...
اتفضل أسأل يا دكتور ...كلي آذان صاغيه ..ومش تقلق الحرج مرفوع والڠضب ممنوع 
نظر الي بتحدي....وهمس بصوت سمعته رغم خفوته
انتي اللي اصريتي ..يارب مش تنقهري من اسئلتي
لتزداد ابتسامتي وتملأ وجهي وأرد بنفس الصوت الخاڤت
يارب انت اللي مش تنجلط من اجاباتي يا ......دكتور
تكلم أخيرا متساءلا
انسانه زيك ذكية جميله حقيقي..مستوي أهلها المادى والاجتماعي كويس..ليه مش كملتي تعليمك الجامعي 
ولا اتجوزتي لحد دلوقتي 
وبكل صراحة هل ارتبطى بعلاقة عاطفية قبل كده 
ارتسمت الشقاوة على كل ملامح وجهى واجبت بدون أي انفعال 
هرد على آخر سؤال ....لاء عمري ما ارتبطت بعلاقة عاطفية قبل كده...لأني شايفه اي علاقه او فكرة العلاقه اصلا غير سوية..ولو مفيش ارتباط رسمي خطوبة مثلا او كتب كتاب دايما آخرها الفشل..وأنا أكره الفشل.....ومليش في جو البكاء على الأطلال وظلموه وباعوه والكلام دا كله.....
اما الجواز فدا قسمة ونصيب مش ينفع اصلا نقول ليه لأنه رزق من الرحمن مش بأيدينا......حصل يا....دكتور
كان مصعب مسحورا حقيقي من التلقائية وقوة الردود المنطقية في كلامي واتسعت عيناه دهشة واعجابا حين أكملت
اما بالنسبة للتعليم ..فلو سألت كنت عرفت اني جبت مجموع يدخلني كليه محترمه...بس مليش مزاج..مش بحب طول الدراسة فاكتفيت بالمعهد ..بابا ربنا يخليه لينا ديموقراطى وجبت تقدير جيد جدا....لو حبيت أشتغل فكنت هلاقي شغل ...لكن أنا مش عاوزه اشتغل...كسولة من الآخر
نظر الي مذهولا..احتمال انه يتمني أن يضربني الآن ....هذا هو الإحساس المناسب لتعبيرات وجهه....
حقا والله هذا المصعب لو حصل نصيب سيري أيام فل مغطي ومحلى بالسكر والعسل ...أكيد طبعا من المؤكد والتأكيد......
شعرت به أحتار...لا يستطيع الوصول لقرار.. 
وقف لكي ينهي المقابلة وقال بتردد..
أنا هسيبك أسبوع تفكري براحتك وتردى عليا في طلبي .ووووو ان شاء الله ربنا يقدم اللي فيه الخير
تبسمت بهدوء قائلة
انت شرفتنا يا دكتور ..وقراري مرتبط بقرارك زى ما قلت لحضرتك....وأنا بعفيك من أى حرج...ولو شايف انه مفيش توافق....عادى كل شئ قسمة ونصيب....

رن جرس الباب ...
أحمد حبيبي ..أفتح الباب لبابا ناصر ومراته
جري أحمد وفتح الباب ..الأولاد مطيعين حقا..وخصوصا