بيت العوانس

مراتي يا عمي الحقنى بسرعة.... نفسي وقف عاوز تنفس صناعي بسرعة
اتسعت عينا حمدى وبهت جميع الحاضرين في حين اقترب منه ياسين مؤازرا وهتف بخفوت
شوف يا عديلي العزيز ....الموضوع محتاج منك تركيز وصبر ...حضرتك متجوز نسخة بالكربون من سمر مراتي....بس الكربون تقيل شوية في النسخة دي يا عريس....رضا احتمال تجيبلك شلل مبكر وضيق في التنفس واحتمال كبير تفضل اسبوع تقنعها انكم مخطوبين لسه وتقدر تمسك ايديها ....تقدم يا روميل وربنا معاك يا عريس
نظر اليه كمال وعيونه تظهر بها القلوب وهتف بتأكيد
اسبوع مين يا استاذ ياسين . ...اتفرج واتعلم حضرتك....أقصاها اسبوع والفرح هيكون بأذن الله....وسع كدا شوية لو سمحت ادخل لعروستي أبارك لها 

نظر اليه حمدى وهتف محذرا 
كمال خمس دقايق

بس وتخرج انت وعروستك علشان الضيوف وإلا......بحذرك كدا ممكن أأجل الفرح شهرين ....
ابتسم كمال بسعادة واحتضن حمدى وهمس في أذنه
عمي حبيبي ....الفرح الأسبوع الجاي أن شاء الله...حقيقي والله خاېف عليكم ...وبعدين ليه خمس دقايق كفايه جدا دقيقتين....ورانا الليل كله بعد ما يمشي الضيوف بالسلامة...
تحرك كمال سريعا دون انتظار الرد من حمدى الذى هز رأسه وهتف مقرا معترفا
فعلا لازم الفرح يكون الأسبوع الجاي...دا ناوي يفضل معانا طول الليل ...شكله هيعسكر في البيت ....محظوظة يا رضا...يكون في عونك من حب المجانين اللي ناوي يشغله عليكي كمال
تحركت رجاء بغيظ شديد وهي تنظر للساعة كل خمس دقائق لټشتم بصوت عالي ابنها وزوجته والتي أكدت عليهم الحضور باكرا لتذهب لحمدى وكتب كتاب رضا لتري العريس المصون الذى قبل بتلك العانس....قررت إلا تدع الموضوع يمر علي خير وخصوصا وان زينب لجأت لخالها لتحقيق طلبها في إنهاء خطبتها من وليد ....أصرت إلا تفتح الموضوع او تجادل اخاها تليفونيا او تذهب اليه إلا أثناء كتب الكتاب...وها قد ضيع عليها ابنها الوحيد الفرصة ولكنها ستنتقم.... وستحرج حمدى وابنته وابنتها ...وتأتي بها الي البيت ڠصبا وستؤدبها لخروجها بدون رضاها....همست لنفسها پحقد شديد 
هخليه كتب كتاب مهبب علي دماغكم كلكم ....بتعصي بنتي عليا يا حمدى طيب ....
اخيرا سمعت ضحكات سحر العالية التي تفتعلها خاصة عند دخولها المنزل لتزيد من غيظ رجاء غير كثير من التصرفات المفضوحة....لكنها ليست في وقت يسمح لها بالرد والكيد الآن....فتحت الباب لتقف امام محمود وزوجته وصړخت فيهما 
لسه بدرى يا بهوات....منبه عليكم توصولوا بدرى علشان نلحق كتب الكتاب اللي زمانه اتكتب ....خلاص مبقاش لكلامي اي أهمية يا محمود ....
الغلطة غلطتي يا حماتي....اصل انا أصريت اشتري هدية غالية جدا لرضا بنت خال محمود حوده حبيبي ....امال ايه ....رضا بالذات غالية عليا أوى أوى..طبعا مش كانت هتبقي في يوم من الأيام ضرتي.... وانطلقت ضحكاتها مدوية لتصرخ رجاء فيها
انتي بتقولي ايه جبتي الكلام دا منين 
في حين اتسعت عينا محمود پخوف شديد وشحب وجهه شحوب المۏت أو أشد في حين هزت سحر رأسها بلا مبالاة حقيقة وهتفت هازئة
ايه توقعتي اني معرفش ....او ممكن الموضوع يتم ببساطة ....لاء يا طنط ....كنت اظنك اذكي من كدا بصراحة .....ما علينا ....يلا علشان نبارك للعروسة وكمان العريس ....وبالمرة نلحق بنتك زينب اللي هربت.... وفضلت بيت خالها علي بيتك يا طنط...
شعرت رجاء بأنها لا تستطيع التنفس وان الضغط ارتفع عاليا وېصرخ طالبا النجدة إلا أنها حاولت تهدئة نفسها حتي لا تسمح لأخيها وابنته بالانتصار عليه وهتفت بغيظ 
يلا اتحركوا قدامي علي السريع ....اتأخرنا بما فيه الكفاية.....والكلام اكيد لسه فيه كتير اوي يتقال ويتعمل كمان ....الصبر يا مرات ابنى يا نجمة يا مشهورة الصبر....
دقات القلب تكاد ټحطم جدران قفصها الصدري....أصبحت زوجته ويقال حالا سيدخل ليبارك لها ...تخشي من طريقة مباركته....أمسكت يد منيرة هاتفة بتضرع
والنبي يا منيرة خليكي معايا لما يدخل كمال يسلم عليا....انا انا.....
ارتسم الخبث والشړ علي وجه منيرة وغمزت رضا هاتفة
ليه يا ماما...ابقي عزول يوم فرح المچنون دا ....يا بنتي اصلا مش هيشوفني ولا هيعترف بوجود اي حد غيرك ....الله يكون في عونك يا رضا 
ابتعلت رضا ريقها بتوتر وخوف وهمست
يكون في عوني ليه هو ممكن يعمل فيا ايه 
زادت ضحكات منيرة في حين هزت فاتن رأسها في أسف مصطنع وهمست 
مسكينة رضا ....حظها ضارب مع واحد شارب قليل الصبر عاشق ....سبحان الله من كان يصدق ....كمال يحبها الحب دا كله...
فتح الباب بقوة ليظهر كمال علي الباب نظراته توحي بجنونه وكما ذكرت منيرة لم يكن يراهم ....لم يري إلا رضا ...كانت جميلة رقيقة للغاية بطلتها البسيطة ...فستان يميل للأحمر لون لا يدركه ولكنه ليس أحمر بل أحمر هز رأسه بمعني لا يعنيني اللون ....منحوت ببراءة علي تفاصيل جسدها الضئيل يكاد يمتزج مع لون خديها ونضارة شفتيها يالله ...اقترب منها وهو مغيب لتتراجع رضا للخلف خطوتين .....
تحركت فاتن لتمسك منيرة ويخرجا بسرعة لتهتف منيرة بغيظ
يا بنتي نخرج ليه عاوزة اتفرج ...دا فيلم رومانسي هيقلب باكشن بعد شوية وآخره دراما لما اختك رضا تدافع عن