صدفه بقلم زهره الربيع

محاوله ..ارجوك يا عمار ..تديني وقت ..انا حاليا مش عارفه اخد قرار..بس يمكن يجيي وقت واقدر اتخطى الي حصل
عمار قال بحزن..يهني مفيش امل ترجعي معايا..طب ارجعي معايا وهسيبك تاخدي راحتك ومش هاجي جمبك ..طب حتى هسيبلك اوضه لوحدك
صدفه بعدت وقالت بدموع..ارجوك يا عمار متضغطش عليا اكتر من كده
عمار اتنهد وطلع مفتاح وفتح الباب بيأس
صدفه اتسعت عنيها بزهول وقالت...انت معاك المفتاح وسايبني طول اليل احاول افتح يا عمار
عمار قرب منها وقال..انا همشي علشان جدي يومين تاني لو مجتيش هاجي تاني مش هسيبك يا صدفه ..انا مبقتش اقدر اعيش من غيرك ..وباسها من خدها برقه ومشي

صدفه حطت ايدها على خدها بفرحه واترمت على السرير بسعاده حقيقيه
عند عمار مشي واتصل على زياد علشان يحصلو وطلع على شغلو على طول علشان معاه شغل مهم ورجع على القصر باليل وهو تعبان جدا لقا جدو بيتعشي
جاد قال...ايه يا عمار يا ابني كل ده على ما تطمني عليك لولا ان سيف قلي انك معاه في الشغل
عمار باس ايده وقال..حقك عليا يا جدي بس كنت عند صدفه وطلعت على الشغل
جاد قال بفرحه ..ها وعملت ايه معاها
همار اتنهد وفال..لسه راكبه دماغها قولت اسبها تهدي شويه واروحلها تاني
جاد قال....معلش ماهيه برضو معاها حق انت ذودتها معاها
عمار اتنهد وقال انا عارف ..عن اذنك بقى هروح انام تعبان جدا
جاد قال ..طب اتعشى الاول
عمار قال لا معلش مش قادر اكلت مع سيف في الشغل عمار قال كده وطلع على اوضتو خد دش وهو بيغير الباب خبط
فتح وكانت واحده من الخدم معاها كبايه عصير قالت..جاد باشا بيقول لك اشرب العصير ده طالما مش هتتعشي
عمار ابتسم واخد العصير وقفل الباب وفتح اللاب يخلص شويه شغل وهو بيشرب العصير
عند صدفه كانت بتنضف الاوضه بتاعت عمار الي بات فيها ولقت الجاكت بتاعو نسيه مسكتو وحضنتو بحب وبقت تشم البرفن بتاعو بشوق وقالت..يخربيت جمال صاحبك ولسه هتطبقو وقعت منو الفلاشه...ايوه نفسها الفلاشه الي كان حطها في الاوضه علشان يراقب صدفه وعرفه
بقلمي...زهرة الربيع
صدفه مسكت الفلاشه باستغراب وقالت..الواد ده بيسمع افلام ابيحه ولا ايه نهارك اسود يا عمار لو كان عليها بنات وجابت الاب تووب وشغلت الفلاشه واتفاجأت بان مسجله المقابله بتاعتها مع عرفه قالت ..اه ...بقى كده بتراقبني يا ابن الوارمه ماشي
ولسه هتشيلها لقت انها مسجله كل الي حصل يومها شافت عمار بعد ما مشاها وفضل يبكي في الاوضه ودخول سوزان وبعدها دخول ابتسام وكلامها معاه بس الصدمه كانت من الحوار الي كان ببن وداد وابتسام وكان متسجل كلو
اتسعت عنيها بزهول وصدمه لما سمعتهم بيعترفو بانهم اشتركو في قتل والد عمار وقطعو فرامل عربيتو صدفه قفلت اللاب ړعب وقالت..ايه ريا وسکينه دول يا لهوي...عمار ...عمار ميعرفش حاجه من ده