جدي

حضر لهم اكل وشوفي مقاسهم في الهدوم ايه وطلعي لهم هدوم اللي عندنا
ناريمان
كثر خيرك يا حاجه سنية ربنا يكثر من امثالك
هاله
يعني هنقعد هنا بجد والنبي مش هتشغلونا حاجه او تزعقوا لنا او ټضربونا
الحاجه
بصي يا بنتي الدار دي عاملاها لوجه الله تعالى هي ومجمع صغير طبي وده لوجه الله انا ابويا كان شيخ كبير معروف وانا ماشيه في اتجاهه زي ما كان هو بيعمل وانا ست كبيره ما تخافوش ولادي كمان هيمشوا في نفس سكتي المجمع كبير والولاد اللي سبقوكم البنات اتجوزت وبيشتغلوا وبيجوا يزورونا والولاد كمان هنعلم لك اخواتك وانت كمان اوعي تفتكري ان احنا هنسيبكم كده

هاله وهي بټعيط
يا ريتني سمعت كلام ابله ناريمان قبل كده كانت بتحود علينا وتديني اكل اكل جميل قوي علبه فيها ربع فرخه ومكرونه او خضار وسلطه وفي كيسه ثانيه كان بيبقى فيها فاكهه موز ولا برتقال
الحاجه
الوجبات دي يا حبيبتي بنطلعها على طول ولو تحبي في يوم من الايام تطلعي معانا توزعي الوجبات دي بنديها للناس الشقيانه الموظفين الغلابه
كريم
قصدك الزبالين
الحاجه
ما اسمهمش الزبالين اسمهم عمال النظافه اللي بينظفوا المكان اللي فيه غيرهم بيوسخوه وبنوزع عليهم ميه ساقعه في عز الحر ده علشان ربنا يقينا من شړ ڼار جهنم
هاله
انا مش عارفه اقول ايه انا فرحانه قوي ربنا يديك الصحه
ناريمان
يلا بقى تعالوا يا اولاد تاكله الاول وتغيروا هدومكم وتشوفوا الغرف اللي هتقعدوا فيها
كريم
السرير جميل وناعم وبنط عليه حنام عليه لوحدي يا ابله
ناريمان
ايوه يا كريمه كل طفل هنا عندنا ليه سرير ما هو ما ينفعش ننيم حد جنب الثاني
هاله
مش عارفه اشكرك ازاي انا كمان الاوضه بتاعتي جميله وفيها ثلاث سراير كمان وسريري يبقى الرابع والبنات طيبه اول ما شافوني حضنوني وسلموا عليا اقول لك حاجه يا ابله الريحه هنا حلوه قوي
ناريمان
كل حاجه يا حبيبتي هتبقى حلوه باذن الله لكن في اجراءات هنعملها عندنا محامي هيخلص الاجراءات دي هنعمل محضر ضد ابوك وامك وجدك ان جدك كان مشغلكم شحاتين وانت
هتقولي في المحضر جوز امك عمل ايه معاكي ومرات ابوكي عايزه تشغلك ايه
هاله
هيضربوني يا ابله
ناريمان
لا يا حبيبتي المحامي بياخد المحضر وهياخذكم ويطلع بيكم على النيابه طالما ابوك وامك وجدك مش هيدفعوا لكم فلوس هيمضم بتسليمكم لنا باوراق رسميه ودي اهم حاجه احنا عايزينها
هاله
طب يا ابله لو قالوا هناخذهم هنعمل ايه ساعتها
ناريمان
صدقيني مش هيقدروا لان وقتها هخلي المحامي يخلي ناس من الشؤون الاجتماعيه تطلع تشوفكم وتشوفوا انتم اهلكم عاملين ايه معاكم انا ليا اصحاب كتير هناك ستات طيبه قوي بيخدمونا على طول في المواضيع اللي زي دي
الحاجه
ها يا ولاد مبسوطين
هاله
ايوه طبعا مبسوطين وفرحانين ما كنتش متخيله في يوم من الايام ان انا هرتاح من وقفه الشارع ومن العيون اللي بتبص عليا وعلى جسمي
الحاجه
يا بنتي الامل في الله كبير قوي واللي بيبات ڼار بيصبح رماد والدعوه بتغير القدر لو كل واحد رفع يدير ربنا وقال يا رب هيشيل الهم والغم اللي جواه وانت بان عليك قلتي يا رب وربنا استجاب لك
هاله
صح انا كنت بقول يا رب وانا بنام كل يوم تعبانه وبحط راسي على المخده ما كنتش بقول غير يا رب
ودلوقتي بقول يا رب لك الحمد والشكر 
وبعدها فعلا اترفع ليهم قضيه 
وفي
القسم
الظابط 
الام عمرها ما تسيب عيالها ابدا دي القطه 
بتحافظ علي عيالها مش بتعمل زيك
سهير 
طيب هو ذنبي لوحدي
ما ابوهم راح 
واتجوزت وراماني
الظابط 
انتي وهو المفروض العيال دي تكون مسؤله 
منكم حق العيال دي هيجي وانا مش هسبهم 
وهقف جنبهم
سهير 
منك
لله ي صبحي انت السبب
صبحي 
انتي اللي كنتي بتفكري دائما في الطلاق ومش 
فكرتي في عيالك ابدا المفروض فعلا 
قبل ما نفكر في مصحلتنا نفكر في مستقبل 
عيالنا انا هاخد عيالي والله وهحافظ 
عليهم أنا ندمت علي اللي عملته 
وعمري ما هسيب عيالي تاني
وفعلا بابا اخدنا وبقي يصرف علينا 
وطلق زيزي علشانا وبقي كل تفكيرو شفينا 
احنا وبس
وبكده تكون خلصت قصتنا