أخطأت واحببتك بقلم سولييه نصار

من اني ابص عليكي أنا لما اختار مراتي هختار واحدة تصون اسمي وشرفي مش واحدة حطت راسنا في الطين وغلطت مع خطيبها 
حسيتها بهتت دموعها نزلت وهي بتبصلي پقهر وقالت بصوت ضعيف
انا والله ما قصدي 
اخرسي متتكلميش ولما اكون في البيت متخرجيش من اوضتك انتي فاهمة 
هزت راسها وهربت علي اوضتها نفخت وانا متضايق أنا جرحتها بس انا مجروح اكتر منها الله الله يسامحك يا بابا علي اللي عملته ده 
مرت الايام وهي فعلا مبتورنيش وشها يدوب تحضر الاكل وتهرب قبل ما اجي 
روحت اشوف الشركة عشان الشغل 
كنت في المكتب لما دخلت عليا ماجي السكرتيرة 
حسام وحشتني 
خير يا ماجي خطيبك هرب منك فقررتي تقرفيني 
ضحكت وقالت
شكلك مش رايق يا حسحس
ضحكت وانا بقولها
لسه مچنونة زي ما انتي 
ماجي تبقي سكرتيرتي وصديقتي ډمها خفيف وبنت مخها مهوي 
بصتلي ماجي وقالت
ها يا سيدي قولي مالك 
اتنهدت وانا بتكلم واقولها كل حاجة 
اټصدمت ماجي من اللي سمعته فقولت
بس يا ماجي الكلام ده ميطلعش برة 
اكيد وانت هتعمل ايه دلوقتي 
هعيشها في چحيم 
حرام عليك يا حسام ما تسترها 
وانا مالي يا ماجي هي اللي ضيعت نفسها وانا هوريها
حاولت ماجي تقنعني بس انا رفضت كنت مصمم اكسرها 
بعد فترة ابويا كلمني عشان تقي هتشتغل معايا في نفس الشركة ما هو انا ناقص 
المهم بعد كلام كتير جات تشتغل في الشركة بما انها خريجة هندسة 
بتمني أن محدش من الموظفين يعرف اني جوزك انتي بنت عمي وجيتي تشتغلي هنا عايشة انتي وامك هنا ده اللي هتقوليه 
حاضر 
جميل
بكرة تيجي بدري لاني مبحبش التأخير 
تاني يوم 
جات الشغل في الميعاد وبدأت تشتغل بس حصل اللي كنت خاېف منه!!!!
روحت مكتب تقي عشان اتكلم معاها لقيت واحد من اللي شغالين عندي واللي بيكون صاحبي ماسك أيدها اول ما شافني ڠضبان ارتبك ومشي بسرعة ولسه تقي هتتكلم ضړبتها بالقلم!!!
الجزء التالت
القلم ده عشان تحترمي نفسك هنا شركة محترمة والله يا تقي لو محترمتيش نفسك ھقتلك فاهمة 
بكت تقي وسيبتها ومشيت 
بعد شوية جالي صاحبي اللي كان مع تقي وقال
حسام 
بصيت له پغضب وقولت
تقي بنت عمي يا علي يعني ممنوع تتجاوز معاها 
يا حسام انت فهمت غلط تقي اتكب عليها كوباية النسكافية وانا بشوف أيدها والله هو ده اللي حصل 
بصتله بدون رضا وقولت
برضه متلمسهاش تاني 
حاضر يا سيدي خلاص فكها بقا لاحسن افتكرك بتغير ولا حاجة 
اتضايقت من كلامه بس مبينتش وكنت زعلان اني ظلمتها 
مرت الأسابيع وهي شغالة معايا وبعدين بتروح البيت تعمل الاكل وتختفي في اوضتها عمرها ما اشتكت بسبب معاملتي السيئة ليها بالعكس كانت هادئة وساكتة 
في يوم كان عندنا حفلة تبع الشركة طلبت منها تجهز نفسها وكنت مستنيها برة الأوضة ولما طلعت حسيت الدنيا وقفت كانت جميلة اووي فستانها المحتشم وحجابها كان مزين وشها والميكب الخفيف 
اتكسفت تقي لما لقيته بيبصلها بالطريقة دي وحسيت أن قلبها بيدق جامد فقررت أنها تتكلم وتكسر الصمت ده وقالت بصوت هادئ
هنمشي دلوقتي 
بكلمتها البسيطة فوقت واتضايقت أني بينت انبهاري بيها وحسيت بكسوفها عشان كده قررت اعاملها ببرود عشان متحطش امل فيا وقولت
ايه اللي انتي عاملاه في نفسك ده !
ايه وحش 
قالتها بحزن فقولت
ايوة زفت!روحي البسي فستان محتشم عن كده انتي من بيت عيلة محترم ولا نسيتي نفسك وامسحي الزفت اللي علي وشك ده 
عيونها دمعت وبصتلي بإنكسار وقالت
بس الفستان محترم وانا 
من غير كلام قولت البسي فستان عدل واحترمي نفسك 
حاضر 
قالتها بحزن وبعدين مشيت علي اوضتها 
غيرت هدومها ولبست فستان تاني بس برضه كان حلو عليها 
روحنا الحفلة وهناك قابلت رانيا وأخوها هشام أصحاب الشركة اللي هنعمل معاهم صفقة 
نورتنا يا استاذ حسام 
قالتها رانيا برقة وهي بتسلم عليا بصتلها بإعجاب وبوست ايديها وانا بقول
بنورك 
بصتله تقي بحزن وبعدين بصت رانيا لتقي فقولت
دي تبقي