خرج الدكتور بقلم همس حسن

لبدر آه بس انا عايزاك.. انا بكرا الصبح هاجي اشوف زهرة
شريف ليه عايزة ايه
مها عايزة اقولها حاجة مهمة هتسهل عليك مهمتك وهتخليها توافق تطلق
شريف وده عشان سواد عيوني يعني هي الحداية من امتي بتحدف كتاكيت
مها لا يااخويا مبتحدفش شكلك نسيت ان انا كمان ليا مصلحة انها تتطلق منه
شريف مبدأيا احنا مبقيناش في نفس البيت انا غيرت المكان
مها بتقاطعه أيا كان المكان ابعت اللوكيشن يا شريف عشان عايزاها ضروررري
شريف ماشي هبعتهولك على الواتس بس وحياة امك لو عملتي اي غلطة وحد عرف هخلي يومك اسود
بعتلها اللوكيشن.. بدر اخد منها الفون وجاي يخرج علي برا مها جت تخرج معاه
بدر علي فين كدا يا قطة 
مها ايه اللي علي فين جاية معاك
بدر لا منا نسيت اقولك.. انتي هتقعدي هنا مكان اختك لحد ما اروح اجيبها وبعدين ابقا اشوف هعمل معاكي ايه
اصل من حفر حفرة ل أخيه وقع فيها وانتي هتتحبسي في نفس المكان اللي خططتي ان اختك تتحبس فيه
مها بخضة انت بتهزر يا بدر صح 
بدر بيجيب حبل من وراها شششش مش عايز نفس
قعدها علي كرسي خشب من الكراسي وربطها ايد ورجل وهي عمالة تزعق وټعيط
مها بدر انت بتعمل ااااايه يابدر حرام عليك انا مستاهلش منك ده
بدر بيضحك متستاهليش ده 
ده انتي لسة مشوفتيش حاجة اتقلي بس لما اخلص موضوع زهرة واروقلك عشان اعرفك ان الله حق
هاتفضلي قاعدة ع الكرسي ده لا اكل ولا شرب ولا هوا ولو حبيتي تدخلي الحمام ابقى اتصرفي على نفسك وانتي قاعدة بقا لحد مالاقي اختك
سابها وخرج على برا وقفل الباب من برا كويس ومشي
مها بدر انت رايح فين وسايبننننني انا خاېفة يابدر
بعد ساعتين 
زهرة بتفوق وبتبص قدامها لقت شريف قاعد ع الكرسي باصصلها.. قامت اتعدلت بسرعة
زهرة انت جيبتني فين تاني
شريف ببرود مكان اامن شوية متقلقيش
زهرة انت مريض عقليا.. أقسم بالله مريض
شريف انا مريض بيكي يا زهرة قلبي
زهرة وانا واحدة متجوزة.. اي نعم لسة بنت بنوت بس متجوزة ممكن تفهم ده 
شريف بنت بنوت 
زهرة باستغراب ايه اللي بيضحك في كده 
شريف بيحاول يلحق نفسه لا عادي انا بضحك علي كلامك كله
عموما سواء متجوزة او بنت بنوت او ارملة حتى انتي بتاعتي اتفقنا 
زهرة يخربيت ام البروووود.. بقولك مش عايزاك يااخي مش عايزاك انت مبتفهممممممش
شريف بس انا عايزك
قام وقف وحاول ېتهجم عليها.. بدأت بتصوت وتصرخ بعلو صوتها وبتضرب فيه برجلها وبتزقه
حد جه من وراه ضربه على دماغه بخشبه.. والشخص ده بدر
شريف بيحط ايده على دماغه اللي ساحت ډم وبيلف بسرعة يشوف مين اللي وراه.. راح بدر ضربه ضړبة تانية على دماغه من قدام وقعه في الأرض
حاضنها وبيطبطب عليها مټخافيش يا زهرة انا جيت
سابها ولسة بيلف عشان يكمل على شريف..
ملحقش يتصرف اتفاجئ بشريف اتعدل وضربه ضړبة بشعة بالمجرفة في رجله وقعه في الأرض
زهرة بدرررررر
بدر واقع في الأرض ماسك رجله اللي ساحت ډم وزهرة واقفة بتصوت.. شريف حاطط ايده علي دماغه وبالايد التانية راح شد زهرة من دراعها بالعافيه عشان يخرج بيها
وفجأة لقى في وشه  
بدر واقع في الأرض ماسك رجله اللي ساحت ډم وزهرة واقفة بتصوت.. شريف حاطط ايده علي دماغه وبالايد التانية راح شد زهرة من دراعها بالعافيه عشان يخرج بيها
وفجأة لقى في وشه 
فريد ومعاه الحكومة داخلين عليهم.. شريف اتسمر مكانه مصډوم.. زهرة بتضحك بفرحة
فريد ايه فاكرها سايبة ياشيفو ولا ايه قسما بالله لولا إن الحكومة معايا كنت سفتتك تراب الزريبة اللي خاطف اختي فيها دي
الظابط اتفضل معانا
شريف اتفضل معاكو فين ده هما اللي 
الظابط شششش مش عايزين أي تحوير.. احنا متابعين مع بدر من بدري وسمعنا كل اللي حصل وياريت تتفضل معانا بهدوء
زهرة ياريت مشوفش وشك تاني
بدر بيقوم يقف بالعافيه وهو بيعرج من رجله اللي ۏجعاه وبيبص لشريف كلمة حطها حلقة في ودنك
الحساب بيني وبينك لسة مخلصش ولو حابب تتحاسب على الجديد والقديم فكر تقرب من مراتي تاني ياشريف
شريف بيبصلهم وبيضحك فاكرني عباية فيسكوز انا عشان اكش لما أسمع الكلمتين دول 
اوعوا تفكروها خلصت علي كدا.. انا راجع تاني وهاخدها منك يا بدر
الظابط بصوت عالي ممكن تنجز ويلاااااا بينا 
فريد بيحط ايده علي وشها انتي كويسة ياحبيبتي
عملك حاجة الكلب ده 
زهرة لا لا ملحقش يعمل الحمدلله.. وانا كويسة
بتبص ل بدر هو انت لحقت امتى تتفق مع الحكومة وتعمل المسلسل ده كله
بدر بيضحك بتحسبي اختك بس اللي محامية ولا ايه.. نسيتي ان انا كمان محامي وعندي مكتب كبير واكيد ليا رجل جوا القسم وناس مستنية توجب معايا
المهم.. خدها ياشريف وديها لابوها يشوفها ويتطمن بيها وانا شوية وهعدي عليكو أخدها
زهرة بتبص على بدر وعلي رجله لا طبعا انا مش هروح في حتة وانت كدا نروح المستشفي الأول نشوف رجلك ونعمل اللازم وبعدين اروح لبابا
النهار طلع أهو وزمان الناس فتحت خلاص
بدر لا يازهرة مفيش الكلام ده.. انا كويس مفيش حاجة وهعدي على اي صيدلية يتصرفوا انتي روحي لابوكي يتطمن ويشوفك ابوكي تعبااان
زهرة وانا قولت مش هروح في حتة يا بدر اللي حصلك ده حصل بسببي ومش هسيبك كدا
فريد زهرة عندها حق يا بدر يلا بينا
خرجوا ركبوا العربية وراحوا على المستشفي.. كشفوا علي رجله وخيطوا الچرح ولفوه بشاش وبلاستر
خلصوا وخرجوا.. فريد اخد زهرة يوديها البيت تشوف أبوها.. بدر سابهم ومشي من غير ما يقولهم رايح على فين بالظبط
بعد ساعة 
عاصم قاعد في الصالة قريب من باب الشقة.. حاطط ايده على دماغه
فجأة لقى فريد بيفتح بالمفتاح وداخل.. نزل ايده بسرعة وقام وقف
عاصم ايه يا فريد معرفتش اي حاجة عن اختك 
فريد ايه ياحج انت لسة منمتش ليه !
عاصم نوم ااايه اللي بتتكلم فيه بقولك لقيت اختتتتك ولا لسة
زهرة جت من برا.. اه يابابا لقاني
عاصم كنتي فين يازهرة.. كنتي فين ياحبيبتي قلبي وقع عليكي
زهرة سلامة قلبك يا بابا.. أهم حاجة دلوقتي اتطمن علي صحتك وبعدها هحكيلك كل حاجة
بدر وقف بالعربية ونزل عند المكان اللي حابس فيه الحيوانة  مها 
نزل من العربية ودخل على البيت.. فتح باب الأوضة
مها متكتفة ع الكرسي زي ما هي وشبه نامت وهي قاعدة.. اول ما لقت الباب بيتفتح فتحت عينيها وعدلت دماغها بسرعة
مها جاي تخرجني صح 
بدر بيشد كرسي وبيحطه قدامها.. فضل باصصلها وساكت خالص
مها ايه يا بدر مفكتنيش ليه
بدر كان عندي كام سؤال بس الأول كدا
مها اتفضل 
بدر اول حاجة.. فين المكان اللي خطفتي فيه زهرة انتي وشريف وعمل فيها اللي عمله
مها قصدك امبارح يعني.. ماهو ده المكان اهو يابدر وبعدين نقلها علي المكان التان
بدر بصوت عالي مش بتكللللم عن امبارح
مها بتبلع ريقها اومال بتتكلم عن ايه 
بدر بتكلم عن الخطڤ اللي حصل من شهر.. ايه نسيتي 
مها انا مش عارفة انت بتتكلم عن ايه
بدر بيبص في الأرض اممممم.. طيب لآخر مرة هسألك يا مها
يوم الخطڤ خطفتوها فين والتسلسل كان ماشي ازاي
مها هو انت ما صدقت مسكت عليا غلطه ف هتشيلني كل حاجة بقا قولتلك معرفش حاجة عن اللي بتقوله ومش هتكلم بالعافيه انا
بدر اه قولتيلي بقى.. طيب اللهم بلغت
قام وقف.. فكها من الاحبال اللي رابطها بيها لحد ما قامت وقفت هي كمان
بدر تاني سؤال بقى بس ده تعجب مش استفهام
ياترى كان إحساسك ايه وانتي بتدمري أختك اللي من لحمك ودمك بإيدك 
وقبل ما تلحق مها تنطق كلمة كان رزعها قلم لزقها في الحيطة
بدر ياترى جبتي الغل ده كله وراثة ولا اكتساب 
مها حاطة ايديها علي وشها راح جايبها من شعرها ورازعها في الشباك
مها پتتوجع اااااه دراعي.. انت اټجننت يابدر
بدر رايح ناحيتها انتي لسة شوفتي جنان.. وحياة امي لاطلع علي عينك كل اللي عملتيه فيها ماديا قبل ما يكون معنويا عشان تعرفي ان الله حق
مسكها نزل فيها ضړب يمين وشمال بالايد والرجل وشتايم ضربها علقة موووت لما كسر عضمها ومبقتش عارفة تتنفس ولا تتكلم من العياط والصويت 
لحد ما اترمت في الأرض بټعيط وتتوجع وكل حتة في جسمها بتجيب ډم او زرقا وشعرها متقطع
بدر بينهج ده جزء بسيط اووووووي من اللي عملتيه في اختك.. كنت أقدر اكون متحضر بقا ومتفتح واقول لا الراجل ميمدش ايده علي ست اياااااا كانت الظروف بس في حالتك دي بالذااااات الضړب فيكي حلال وانا مش من اوروبا عشان اعاملك ب رقة بعد اللي عملتيه فيها وډمرتي مستقبلها.. بس اوعي تفتكري إن حسابك خلص يامها
انا هسيبك محپوسة هنا زززززي الكلبة
عشان تتربي وتتعلمي الادب من جهة وتدوقي كل اللي دوقتيه لأختك.. وعشان احميها من شرك شوية من جهة تانية
خرج وقفل عليها الباب تاني.. وقف سند ع الحيطة عرقان وماسك رجله اللي بقت توجعه اكتر من الاول عشان لسة الچرح صاحي وهو ارهقه زيادة وهو بيضربها
طلع الفون من جيبه واتصل..
بدر أيوة يا مصطفى.. انت فين
مصطفى انا لسة داخل المكتب اهو قولت أخلص اللي اقدر عليه في الشغل بسرعة واجيلك نكمل تدوير علي زهرة عشان مينفعش انا وانت نسيب المكتب كدا
بدر سيب المكتب والشغل وكل حاجة وتعالي ع اللوكيشن اللي هبعتهولك دلوقتي
مصطفى لوكيشن ايه يا بدر.. زهرة حصلها حاجة 
بدر لا انا لقيت زهرة خلاص الحمدلله.. بس تعالي بسرعة وانا هقولك
بعد ساعة
مصطفى داخل عليه ايه يابني في ايه.. وايه المكان الغريب ده
بدر انا حكيتلك اللي حصل واني خطفت مها صح
مصطفى ايوة عملت حاجة تاني ولا ايه
بدر لا معملتش.. انت اللي هتعمل
مصطفى هعمل ايه
بدر مها في البيت اللي واقفين جنبه ده.. وانت الوحيد اللي اقدر اعتمد عليه يفضل هنا مكاني
مصطفى والمكتب يابدر مين هيخلي باله م الشغل الكام يوم دول
بدر انت هتاخد مرتبك كأنك شغال بالظبط وانا هخلي بالي لحد ما نرجع نشتغل زي ما كنا.. أهم حاجة تخليك هنا طول الوقت صاحي لا تهرب
وحاجة كمان.. هقولك كام حاجة تعملها معاها لحد ما نشوف ايه الخطوة الجاية
في بيت عاصم
زهرة وعاصم وفريد قاعدين يتكلموا.. عبير واخدة الشاي وخارجة لقوا الجرس بيرن راحت تفتح الباب
بدر داخل سلام عليكم
عاصم عليكم السلام.. أهلا يابدر تعالى اتفضل
بدر بيمسك رجله عشان يعرف يتنيها ويقعد عامل ايه ياعمي دلوقتي طمني عليك
عاصم الحمدلله دلوقتي احسن كتير.. ربنا ستر ولحقوا الجلطة في الوقت المناسب
بدر الف بعد الشړ عليك ياحج خد بالك من نفسك ده انت العمود اللي ساندنا كلنا
عاصم انت اللي شكلك تعبان يا بدر ورجلك ۏجعاك.. زهرة وفريد حكولي عن اللي عملته عشان زهرة
ربنا يكرمك