لفي بينا يادنيا
العربيه وكان وقت لطيف بينهم وصلها بسلام والكل بارك لها وهنى حتى محمد برغم زعله بس اتمنى لها ولباسل الخير ..
كل يوم بقى تليفونات بتقربهم من بعض وبيفهمو بعض أكتر .. وكل اجازه ينزلوها يعملو حاجه فى شقتهم وهى تجيب حاجه فى جهازها .. شهر ورا التانى ورا التالت والرابع ... وخلاص حددو الفرح بعد ما كل حاجه بقت تمام ... وخلاص الاتنين ها يدخلو القفص مع بعض ويصوصو او يجعرو عادى بقى ماهو الراجل وضميره
تن تن تن تن تن تن ..
اتمخطري يا حلوة يا زينة. يا فلة من جوة جنينة. يا عود قرنفل يا عروسة. الورد ضلل علينا
زينب ماتقومى لولو .. قاعده زى القبه كدا ليه
لولو أعااااا .. مش عايزا أتجوز
زينب زقت راسها أتجننتى فى مخك .. يوم فرحك تقولى مش عارفه ايه
لولو أيوا .. البيه مش عاجبه حاجه وبيزعقلى .. وكل ما يكلمنى يقولى لما تيجى البيت ها اوريكى .. وانا مش عايزا أشوف يا ماما ..
لولو بتشاور بصباعها لا ياماما .. بيقولى محضرلك مفجأه زى وشك يوم الصبحيه مش مرتحاله دا مكار مشغل دماغه 48 ساعه فى ال
زينب ضړبت على رجلها صبرنى يارب .. صبرنى .. وخرجت من الاوضه وباسل وصل عندهم البيت .. فتحت الباب .. إتفضل يابنى
باسل عامله ايه يا طنط .. فين لولو ها تتأخر كدا معادها 9
باسل بصوت عالى نعم هى فين
لولو اتنفضت فى الاوض اول ما سمعته وبتلبس العبايه بسرعه لفت عند راسه ... باسل دخل عليها ھجم بدون تفاهم ... لاقها محشوره فى العبابه مسك العبايه من عند راسها وشدها جامد ويوديها ويجبها انتى مش هاتبطلى شغل العيال بتاعك دا .. قولتلك أتقى شړ الحليم
باسل شدها أكتر وبص ناحيه الباب ملقاش حد نزل العبايه من عند راسها .. وضحك وماسك راسها بايده .. وبغمزه مش ياله عشان نلحق نفرفش ونظقطط
لولو ظقطط لوحدك انا عايزا أظقطط مع أمى ..
باسل شدها من ايدها ومسك الطرحه .. ألبسى فين شنطتك الا ها تاخديها
باسل ببتسامه عيب عليكى بايته فى حضنى وانتى والبدله ها تباتو فى حضنى انهارده ان شاء الله
لولو بكسوف بتشده .. ياله .. ياله
زينب أستنو .. وبتاكل باسل وتاكل لولو ... ها تقعدو طول النهار من غير أكل .. كلو كلو
باسل كفايه ياحماتى .. ياله عايزا حاجه
لولو عيطت وحضنتها ها توحشينى ياماما
باسل انتى مسافره موزنبيق مانتى فى المستشفى بالشهر والاتنين .. وشدها ونزل .. وداها البيوتى سنتر ومشى ... أخر النهار راح خد عروسته بتوب الفرحه وأبدا أبدا ما نسيتش الطرحه .. وزفه وعريس وناس حواليها بتهيص .. رقص ومغنى ورقصه سلووو .. هاديه تضم أجمل وأخف دمين .. خلص فرحهم بخير وسلام وراحو شقتهم يكملو فرحتهم ...
باسل ووشه بيلمع من الفرحه ولولو واقفه بالفستان مكسوفه محشوره مزنوقه ..
باسل ها تفضلى مكسوفه كدا كتير .. وبيلف إيده عادى بقى يا لولو فوكيها
لولو نفسى افكها ها اتخنق .. محشوره
باسل قرب عليها وهو بيضحك انتى على طول محشوره كدا ارحمينا بقى
لولو يعنى يا باسل بذمتك دى ليله ينفع
يلبسونا فيها ديق
باسل قربو رفع وشها بايده وباصص فى عيونها حبيبى ربنا يجعل دخولك لشقتنا دى خير عليكى وعليااا .. ويقدرنى أخلى الابتسامه منوره وشك .. لولو تقريبا محطوطه على الصامت ساكته ما بتنطقش .. باسل بمداعبه وهزار .. قولى أمين يابت
لولو أبتسمت أمين ونزلت أيده ودخلت الاوضه محرجه جدا داخل وراها وقفت على الباب وقفلت نصه بايد وبالايد التانيه بتزق باسل على برا .. رايح فين
باسل رايح المطار عندى رحله .. وبيزقها لجوا ..
لولو زقته لبرا مفيش الكلام دا ... بعد اذنك عايزا أغير وأعيش حياتى
باسل أيوا منا ها أعيشها معاكى كنت لسا بدعيلك دلوقت .. ولا بيطمر فيكى حاجه يا بعيده
لولو ماتهزرش .. سبنى دلوقت لازم اتخلص من الفستان الا كابس على نفسى .. وزقته جااامد وقفلت الباب
باسل والله انا عارف إنك ما بتجيش بالمسياسه .. لازم الواحد ياخدك خطڤ ..
لولو واقفه ورا الباب بتضحك من غير صوت وبتحاول تق لع الفستان مش عارفه .. تشد فيه مفيش فايده .. فتحت الباب وپخنقه
لولو إلحقنى يا باسل بتخنق
باسل زق راسها بايده ماكان من الاول
لولو فوكنى بسرهو
.. هما مربطينك كدا ليه خايفين لتهربى
لولو انا عارفه .. وبتاخد نفسها .. اااه الحمد لله يارب .. أخيرا ودخلت غيرت وصلت هى وباسل وفضلو يدعو شويه .. وأبتدو حياه جديده مع بعض خاصه ليهم لوحدهم .
.. قامو الصبح الأتنين فى همه ونشاط ..
باسل ياله يا لولو جهزى شنطه حلوه كدا واى أكل حطيه فى الفريز عشان ها نسافر
لولو بفرحه فين يا باسل
باسل وبابتسامه وصوت هامس ها أحقق حلمك ... مش كان نفسك تلبسى وتخرجى وتعيشى حياتك
لولو بفرحه اه
باسل وكان نفسك تروحى جزر المالديف ويبقى ليكى بيت على البحر وفى قزاز بالطول والعرض وتشوفى البحر منه
لولو سقفت ايوا صح
باسل ونفسك فى ايه تانى
لولو اركب لانش وأفرد إيدى فى الهوا وهو بيطير شعرى من جماله
باسل ليه ها تقلعى الحجاب
لولو هزت راسها اه منا ها أكون لوحدى بقى
باسل وكان نفسك فى فطار وفواكه وليله كدا عايزا ملياردار او حرامى شريكات وبنوك
لولو هههههههه .. شكلك بتاخدنى على قد عقلى
باسل هو انتى فيكى عقل أصلا .. ياله الطياره ها تفوتنا
لولو أنت بتتكلم بجد
باسل والله ها نسافر وها أعيشك أيام تحكى بيها لأحفادك لو لينا عمر .. عشان تبقى تقولى حبيبى حققلى كل الا نفسى فيه
لولو بفرحه نطت عليه باسته وجريت على جوا جهزت نفسها وعملت المطلوب وفعلا سافرو ... وصل بيها شاطئ خاص بالقوات المسلحه فى أسكندريه .. ولولو مديقه عيونها وبتبصله
لولو هى دى جزر المالديف
باسل ضحك بصوت عالى دى جزر مالديف مصر وبيطلع إيده وينزلها .. أصطبرى دانا ها أروقك
لولو تدرى ليش أحبك
باسل ضحك هو كمان ليش
لولو لإنك والله ما كذبت علي .. دخل جوا وأستلم مفتاح أستراحه له وهو ولولو .. لولو بتذمر .. فين شباك القزاز الا على البحر
باسل بيطلع ايده وينزلها أصبرى على رزقك .. وشال حاجات فى ايده جايبها معآه ولابس شورت بس وسلسله .. خرج ولولو وراه صفر بصوت عالى .. وفى شاب صغير جاله جرى ..
الشاب أيوا يا باشا
باسل عايزك تبعدنى عن هنااا فى مكان كدا فاضى نكون فيه براحتنا وطلع فلوس بيدهاله
الشاب بفرحه خلى يا باشا طيب
باسل خبط على كتفه والشاب خد منه الحاجه . ومشى فعلا بيهم فى مكان بعيد عن الأنظار .. وسابهم ومشى
لولو بتبص حواليها .. وباسل واقف بيفتح فى خيمه متنقله وبيحطها على الارض ودخل حاجتهم فيها وكان جايبها كبيره شويه ..
لولو واقفه متنحه وباسل شدها جوا الخيمه قاعد وايده ساند بيها ورا ضهره .. وبيكلمها
باسل إيه رأيك بقى
لولو دى الاوضه الا بتطل على البحر ..
باسل أيوا اهووو سرير ارضى أرضى تنامى كدا .. وبيريح ضهره تقومى تبصى من الشباك كدا وبيفتح سنه من الستوسته وطلع راسه منها .. بحر دا والا مش بحر .. أنطقى ..
لولو بتضحك بصوت عالى
باسل على صوته وعشان ما تقوليش باسل حرمنى من حاجه ... ادى الفطار .. وبيحط ساندوتشات جابها من على الطريق .. وأدى الفاكهه وجاب شنطه فيها فاكهه مشكله مغسوله وطلع طبق فل وبيحطلها فيه
لولو أنت جبار
باسل ولسا البدال جاى فى السكه مش كان نفسك فى لانش .. وبما انك فى مالديف مصر فا هنا بقى بدال إجتهاد ذاتى يعنى وضړبو كف على كف .. وفضلو يضحكوو .. أستمتعو بوقتهم جدا جدا جدا .. هزار وجرى وبدال فى البحر مطلع عين لولو .. وسباحه مع بعض يشوفو مين ها يسبق التانى ولولو اتفاجئت بدفترها فى الشنطه وحستأد إيه مسطوله ههههه .. فعلا حسو انهم حققو كل حلمهم ببساطه بأقل الإمكانيات عاشو وأتبسطوو وهى هى نفس النتيجه الفرق ان ناااس بترضى فا يدخل قلوبها الفرحه ونااااس
لاء ومهما تعملهم عمرهم ما يحسو لا بمتعه ولا فرحه ..
ها أفضل أحلم وأدعى ربنا إن حالنا كلنا يتعدل وبلدنا ينصلح حالها ونلاقى الدكتور فى مهنته بيعامل ربنا قبل ما يعامل الناس ونلاقى الممرضه ملاك رحمه والكلمه الا بتخرج من بوئها طيبه مش خبيثه .. واى مهنه مهما كانت لاننا فعلا ينقصنا الضمائر التى اصبحت فى خبر كان إلا من رحم ربى .. وعلى قد مافى نماذج سيئه جدا جدا فى نماذج نفتخر بيها وبوجودها وبإخلاصها تحيه لكل الا عندهم ضمير ورحمه وربنا يكتر من أمثالكم
وتوتا توتاااا ... خلاص سمعتو كل الحدوته رأيكم حلوه والا ملتوته
بقلم لبنى طارق
لا إله إلا أنت سبحانك إنى كنت من الظالمين
لفى بيا يا دنيا 10
سبحان الله والحمد لله ولا إله إلا الله والله أكبر
سبحان الله والحمد لله ولا إله إلا الله والله أكبر
سبحان الله والحمد لله ولا إله إلا الله والله أكبر
اللهم صل وسلم وبارك عليك يا سيدى يا رسول الله
برغم مرور الأيااام إلا إن لولو زى ماهى ما أتعيرتش بالعكس حست إنها بتقرب من باسل وبتفهمه وهو بيفهمها أكتر من أى حد برغم كل الا حصل بينهم فى يوم من الأيااام دا ما يمنعش أبدا ابدا إن يكون حكمنا على بعض سطحى عشان لما الابواب بتتقفل علينا الدنيا بتختلف لينا .. ياما ناس أتخدعنا فيهم وفى أسلوبهم وكلامهم بس مع العشره تبان حقيقه مره صعب نتأقلم عليها وياما ناس دخلت حياتنااا . لا اتوقعنا فى يوم يكون لها مكان بينااا او حتى معرفه وفجأه بقو هما كل حياتنااا .. قلبك ونبضه مش كفايه حتى عقلك ساعات بيحكم غلط .. القدر .. هو القدر بيقربنا ساااعت برغم الكره وتزيل كل الموانع وتبعدنااا ساااعات برغم كل الحب وتنكشف القلوب .. اااه على دى دنيا فعلا طول ما إحنا ربنا مدينا العمر بنتعلم وها نفضل نتعلم ..
باسل واقف فى المطبخ وفاتخ التلاجه بيشرب ميه .. حط القزازه وبيدور
