بنت ال يحيي
انت في الصفحة 8 من 8 صفحات
موجوده.!
في اي يابني لا حول ولا قوة الا بالله انا ابوها على فكره لو مش واخد بالك.
أنا آسف ياعمي حقيقي آسف أنا أنا الغيبوبه كانت مأثره عليا ونستني حاجات كتير حقيقي
ومن ضمنهم بنتي صح.!
نزلت راسي بحزن سمعت تنهيدته واستغفارو وقالي ادخل لحظات ولقتها قدامي واقفه مربعه ايدها ووشها بارد
افندم.! في حاجه يا استاذ يحيى يمكن حاجه ضايعه جايه تسألني خدتها.
وعد أنا اسف حقيقي آسف انا مكنتش فاكر اي حاجه حصلتلي وقت الغيبوبه صدقيني أنا افتكرت كل حاجه.
رجعت خطوه لورا وقالت
وأنا أسفه مش هقدر أنسى الي قولته يايحيى.
مسكت ايدي بالعافيه وأنا شايفها مش راضيه تسامحني اتقدمت منها بسرعه وأنا بقولها
وعد اوجوكي أنا بحبك ياوعد
اتسمرت مكانها وبصتلي وقالت
ايه.!!
أنت قولت اي.
أنا قلت اي!
نفخت وكانت هتدخل اوضتها رحت مسكت ايدها بسرعه وأنا بضحك
خلاص اسف بقولك بحبك يامغلبا اهلي
وشها أحمر وسحبت ايدها بسرعه لما والدها دخل الصالون وأنا بعدت وأنا بقول
انا هجيب بابا ياعمي ونيجي نتقدم لوعد بالليل بإذن الله
موافقه ياوعد.
ميلت راسها على سؤال باباها ووشها أحمر ابتسم وقال
بالليل خدت والدي واخويا ورحنا نتقدم لوعد مكنتش مصدق إن كل دا يحصل ولحد دلوقتي مكنتش بعرف ليه وقت الغيبوبه كنت بروح أقف قدام شركتها القديمه وحاسس إن ضالتي هناك بس اتأكدت إن ربنا كان بيديني إشارة واحلى إشارة كمان.
........
باب المكتب خبط وسمحت للي بره يدخل لاقتها قدامي بفستان رقيق أبيض بتبتسم وقعدت قدامي ابتسمت وأنا بقوم وقعدت قدامها
عسل.! بقيت بيئه اوي يا يحيى.
من عاشر قوم أربعين يوم يا عيون يحيى
ضحكنا واحنا بنفتكر نفس الحوار رفعت ايدها الي فيها الدبله وقالت
بكره دي هتتنقل من الايد دي للتانيه.
احلى نقله والله.
ضحكت بخجل وقالت وهى بتقوم
يالا علشان تيجي معايا نشتري فستان كتب الكتاب.
عيني.
مسكت المفاتيح ومشينا من الشركه وصلنا للمحل وجبنا الفستان والليل جه معاد كتب الكتاب كان في بيتها وسط اهلها وأهلي أما الفرح هيكون في الفيلا عندنا
بارك الله لهما وبارك عليهما وجمع بينهما في خير
أسعار السيارات في الآونة الأخيرة شهدت تقلبات ملحوظة حيث تأثرت بارتفاع وانخفاض الدولار مما انعكس على تكلفة علامات تجارية مثل تويوتا هيونداي ومرسيدس. و BMW هذا الارتباط بين سعر الصرف وسوق السيارات يحدد قدرة المستهلكين على اقتناء المركبات.
صوت الزغاريط ملا الشقه ومعرفتش اتلم عليها خالص بسبب الناس والناس بقت تمشي لحد مبقي بس بابا واخويا وباباها ومامتها دخلت اوضتها بالراحه ولاقتها واقفه في البلكونة حاوطتها وحطت دقني على كتفها
كنت حاسس هلاقيكي هنا اخيرا لقيتك
ضحكت بخجل وقالت بهمس
فاكر
لما كنا بنقعد نتكلم هنا.
أكيد ودي تتنسي
بوست خدها ضحكت بخجل ولفت ليا بتبص لكل حاجه معانا عيني
معقول ام لسانين مكسوفه.!
بصتلي بسرعه وقالت بضيق
بردك هتفضل تقولي الكلمه دي.
احلى ام لسانين في حياتي كلها
ضحكت وحطت راسها على كتفي وضمتها ليا
اسمراااني عيونه سمرااا واد جدع راضي و رجوووله.
غنيت بشقاوه وهى كملت بضحك
فهلوي يفهمها طايره يدخل القلب بسهوووله
ضحكت وبعد شويه هديت سمعت تنهيدتها وابتسمت سمعت صوت مامتها بتنادي علشان جهزت السفره.
مسكت كف ايدها بين ايدي ودخلنا جوه وبدأت من هنا حياتنا الجديده الهاديه الي مش بتهدي من مشاكستها العسل على قلبي..
كنت شريد بين طرقات الزمن أعاني من أقرب الأشخاص حتى ظهرت هى مثل النور شعاعها أضاء قلبي معها.
