ادم ونور بقلم شهد طارق
..
نور انا موافقة. .. وطلعت بطاقتها .. اتفضل ..
ودة رقم تليفونى ..
حسام مع انى حاسس ان الوش الادامى لايمكن يكون بيعمل حاجة بس معلش بحب اتأكد ..
نور حقك .. هو حضرتك شركتك فى القاهرة ولا اسكندرية ..
حسام انا شركتى فى القاهرة بس كان عندى صفقة فى اسكندرية خلصتها وكنت راجع وانتى
..
نور انا ايه ..
حسام رايحة القاهرة ليه ...
نور اسفة مش هقدر اقول ..
حسام براحتك ..
فى فيلا الجارحى ...
الجد لقيتها يا ادم ..
ادم قلبت عليها اسكندرية وبردوا مش لاقيها ..
الجد عمرى ما هسمحك يا ادم .. انت السبب انها تهرب .. وطلع اوضته ..
صحيت نور وكانت واقفة ف بلكونة الاوضة ال حجزتها فى فندق ..
لقت حد بيتصل عليها .. ردت
نور الو ... مين معايا ..
حسام انا حسام يا انسة نور ..
نور اه استاذ حسام أذى حضرتك ..
حسام انا تمام .. تقدرى تستلمى شغلك من بكرة ..
نور بجد ..
حسام أيوة بجد انا كشفت على بطاقتك طلعتى الحمد لله مفيش اى حاجة .. تعالى بكرة على الساعة ٨ وهبعتلك العنوان فى رسالة .. مش عايز تأخير بحب الالتزام بالمواعيد ..
نور متقلقش ٨ بالدقيقة هكون ادام حضرتك ..
حسام منتظرك .. مع السلامة ..
نور مع السلامة ..
كانت فرحانة انها بقت شغل بس قلبها حزين نفسه يشوف حبيبه .. طلعت صورة كانت شايلها ل ادم ..
تانى يوم ...
نزلت نور من الفندق وركبت تاكسي وصلها للعنوان ...
فى شركة اليكس ..
نور للسكرتيرة لو سمحتى عايزة اقابل استاذ حسام ..
السكرتيرة اسمك ايه ..
نور نور محمود ..
السكرتيرة اها .. اتفضلى معايا ..
السكرتيرة الأستاذة نور وصلت يا فندم ..
حسام ماشي روحى انتى يا سهى ..
حسام اذيك يا نور ..
نور تمام الحمد لله
انا متشكرة انك قبلت تشغلنى ..
حسام بس غريبة يا نور .. انتى متخرجة. بقالك سنتين .. مشتغلتيش قبل كدة ليه ..
نور يا اما مكنتش بلاقى ولو لاقيت بيبقوا عايزين خبرة ..
فى التليفون سهى قولى للانسة سهيلة تجيلى مكتبة حالا ..
سهى حاضر يا فندم ..
حسام دلوقتى الآنسة سهيلة هدربك وتعرفك طبيعة شغلك ..
نور تمام ..
سهيلة حضرتك طلبتنى ..
حسام أيوة يا سهيلة .. الآنسة نور اتعينت انهاردة عندنا .. حضرتك هتكونى مسؤولة عن تدريبها ..
سهيلة تمام يا فندم .. اتفضلى آنسة نور ..
استمر الحال ..
نور اتفوقت فى شغلها بسرعة.. وكانت فرحانة جدااا لكن دايما تكسر فرحتها ڼار قلبها .. كان نفسها تشوفه ..تلمحه .. تسمع صوته .. لكن متقدرش هى قررت تنسحب من حياته لازم تكمل الآخر ..
.. تقريبا مبيخرجش من اوضته ودايما ماسك صورة نور ..
الجد .. من حزنه على نور رجع مبيمشيش تانى والدكتور قال المرادى السبب نفسي يعنى طول ما هو زعلان مش هيقدر يمشي .. الجارحى كان زعلان على بعد نور مش عشان اعتبرها حفيدته بس .. لكن نور فكرته بفيروزته ..
وحش أنه فقدها للمرة التانية ..
هو وادم تقريبا مابقوش بيتكلموا ..
ادم بعد ما ييأس من التدوير عليها .. قرر أنه كل يوم يروح المكان ال اتعرفتله فيه بحبها ..
على امل انها ممكن تظهر هناك ولو يوم مراحش بيبعت حد يفضل هناك عشان لو ظهرت ..
فضل الحال دة لمدة ٦ شهور ...
فى شركة اليكس ..
حسام مش ممكن يا نور بجد انا مكنتش اعرف انك شاطرة كدة .. انتى بقيتى افضل محاسبة فى الشركة .. فى مدة ٦ شهور بس ...
نور متشكرة جداا على رأيي حضرتك فيا ..
حسام بمناسبة الشطارة ديه اولا ليكى مكافأة ثانيا انتى هتبقى السكرتيرة الشخصية بتاعتى دة غير شغلة المحاسبة ..
نور بجد ..
حسام طبعا بجد .. بصي يا ستى بما انك بقيتى السكرتيرة الشخصية بتاعتى وكمان اشطر محاسبة عندى .. احنا بكرة المفروض نسافر اسكندرية عشان عندنا صفقة مهمة ..
نور يا سبحان الله ..
حسام فى ايه ..
نور اصل بصراحة كنت هطلب من حضرتك اسافر اسكندرية بكرة ..
حسام ههههه بجد يا سبحان الله فعلا .. كنتى عايزة تنزلى اسكندرية. ليه ..
نور حسام دلوقتى من حقك تعرف حكايتى ..
حسام وانا سامع ..
نور وهى تبلع ريقيها اولا أنا مدام مش آنسة .. انا نور محمود حرم ادم عز الجارحى ...
حسام پصدمة نعم ..
نور فى ايه ..
حسام كملى يا نور ..
نور بعد جوازنا حصلت مشاكل بينا .. مش هقدر اقولها .. اضطرتنى انى اهرب منه يوم ما
قابلتك فى القطر كنت لسه هربانة وجريت على القطر ..
بس رغم المشاكل ال بينا أنا بحبه جداا
وبعشقه .. وهو عيد ميلاده بعد بكرة كنت هنزل اسكندرية اشوفه من بعيد واروح المكان ال اعترفتله فيه بحبى ..
ديه الحكاية ..
حسام وهو بيحبك ..
نور معرفش .. فعلا معرفش ..
حسام تمام .. هعدى عليكى بكرة نروح اسكندرية مع بعض .. تمام ..
نور تمام عن اذنك .. وتقوم تقف ..
حسام نور ..
تلف نور نعم ..
حسام انتى لسه على ذمته ..
نور اه ..
حسام تمام اتفضلى ..
عند صخور البحر ..
ادم انتى فين يا نورى .. وحشتينى .. كدة يا نور تسبينى اتعذب بس عندك حق أن ال عملته فيكى مكنش سهل .. بس دة من حبى فيكى .. لما افتكرت انى حبى ليكى قابلتيه بكذب وخداع بس انتى صح انا ال مسألتش .. انا ال غلطان واستاهل كل حاجة..
ومشي للفيلا ..
الفيلا بقت مطفية مفيهاش حياة كأن نور كانت نور حياتهم .. ولما مشيت اطفت .. ..
متنسوش لايك و كومنت فيه رأيكم
الفصل العاشر ..
جه اليوم ...جه يوم مقابلة العشاق بس يا ترى هيعدى ازاى ...
فى الصباح فى القاهرة ..
نور خلاص انا نازلة يا حسام ..
حسام ماشي يا نور يلا ..
فى العربية ..
حسام صباح النور يا نور ..
نور هههه صباح الخير يا حسام ..
حسام راجعتى الورق يا نور ..
نور اه طبعا .. وفعلا ديه صفقة كويسة جداا ديه ممكن تنقل الشركة لمكانة أعلى ..
حسام انشاء الله ..
نور هو احنا هنقضى اد ايه فى اسكندرية ..
حسام بصراحة أنا اجى عشان اصيف دة غير الصفقة يعنى .. تحبى تقضى معايا الاسبوع ولا ترجعى القاهرة براحتك ..
نور مش عارفة بصراحة اسكندرية وحشتنى وفى نفس الوقت مش قادرة اقعد فيها كتير بس اوعدك افكر
بس انا بطلب منك انى اخد بكرة إجازة ...
حسام اه طبعا .. بس دة عشان تروحى تشوفى ادم ولا ..
نور بحزن لأ انا قررت انى مش هشوفه .. هكتفى انى اعد فى المكان ال اعترفت بحبى ليه بس يمكن دة يفكرنى بيه وارتاح شوية ..
حسام مبتفكريش تسامحيه يا نور ..
نور هتصدقنى لو قولتلك مش عارفة ..
حسام
طبعا هصدقك .. المهم انا حاجز فى الفندق غرفتين تحبى ترتاحى فى الاوضة قبل الاجتماع ولا نروح نشرب حاجة ..
نور سورى يا حسام .. بس انا عايزة اغير هدومى وارتاح شوية قبل الاجتماع .. اوعدك بعد الاجتماع نتعشى مع بعض .. ماشي ..
حسام اوكيه ..
نور حسام ممكن طلب تانى ..
حسام اؤمرى ..
نور عايزة عربيتك بكرة ..
حسام انتى بتعرفى تسوقى ..
نور بإبتسامة حزن اه بعرف ..
شردت لما ادم أصر يعلمها وفعلا علمها السواقة ووعدها لما بتجوزوا هيجبلها عربية .. لكن ...
حسام نور .. نور ..
نور ها اسفة سرحت شوية ..
حسام لأ مفيش حاجة .. كنت بقولك العربية تحت امرك كدة كدة انا بكرة مش هتحرك بالعربية ..
نور شكرا يا حسام ..
فى فيلا الجارحى ..
داخل غرفة الجد ..
ادم بحزن اذيك يا جدى ..
الجد
بجمود كويس يا ادم كنت عايز حاجة ..
ادم وعينه تلمع بالدموع لأ يا جدى كنت بطمن عليك ..
شعر الجد بالقسۏة الشديدة عليه .. ولم يعد يحتمل أن يقسوا عليه اكثر من ذلك ..
وعندما الټفت ادم ليغادر ..
الجد ادم ..
ادم نعم يا جدى ..
الجد حقك عليا يا قلب جدك انى قسيت عليك حقك عليا .. متخافش نور بتحبك اوى .. مش هتستحمل تبعد عنك كتير متأكد انها هتظهر .. انشاء الله .. وبعدين فى واحد عيد ميلاده بكرة يبقى كدة ..
ادم اسوء عيد ميلاد هيعدى عليا كان نفسي تبقى معايا وانا بكبر سنة .. كان هيبقى اول عيد ميلاد .. ليا معاها ..
الجد معلش يا ادم .. معلش يا حبيب جدك ..
ادم سامحنى يا
جدو ..
فى فندق فى اسكندرية ...
حسام بفرحة مش مصدق يا نور خدت الصفقة ال كنت بتمناها وكمان بسعر أقل كتير من ال كنت عامل حسابى عليه ... انتى عبقرية بجد .. عبقرية ..
نور للدرجادى فرحان .. انا مبسوطة انى سبب فى سعادتك للدرجادى ..
حسام انتى دايما السبب فى سعادتى يا نور .. احم وعشان كدة تقبلى عزومتى على العشاء فى افخم مطعم فى اسكندرية كلها ..
نور هههه ملوش لزوم ..
حسام ملوش لزوم ايه .. احنا لما نرجع القاهرة هيبقى عندك عربية وكمان هيتصرفلك مكافأة وثانيا مرتبك هيزيد ..
نور پصدمة ايههه كل دة مش للدرجادى ..
حسام انتى تستهالى اكتر من كدة يا نور ..
نور ابتسمت بشرود ..
حسام سرحتى فى ايه ..
نور مش مصدقة ال انا فيه .. انا أعدت سنتين بدور على شغل وكنت بتذل عشان الاقى مش مصدقة أنى فجأة بقيت محاسبة فى شركة كبيرة وكمان سكرتيرة حسام احمد .. وعايز يدينى كل دة .. مش قادرة استوعب ...
حسام ربنا معانا دايما يا نور ومبينساش حد ..
نور عندك حق .. ممكن اقولك على حاجة ومتزعلش ..
حسام قولى يا
نور ..
نور اما محتاجة انهاردة بجد معملش حاجة غير انى انام .. ف سامحنى انهاردة وبكرة وصدقنى من بعد بكرة نعمل ال انت عايزه وكمان هكمل معاك الاسبوع عشان نصيف .. تمام ..
حسام خلاص سماح انهاردة وبكرة ونبتدى بعد بكرة ..
نور تصبح على خير ..
حسام وانتى من اهله يا نور .. اه نور.. المفاتيح ..
نور ميرسى يا حسام ..
حسام العفو يا نور ..
راح ادم قبل ما الساعة تدق ١٢ ..
عند المكان المفضل ليه هو نور .. الصخور ال عند البحر..
ادم فينك يا نورى .. يا ترى نستينى ولا لأ .. هترجعيلى تانى. ولا .. كان نفسي اشوفك يوم عيد ميلادى .. بس للاسف حلم من احلام كتير ضاعت ..اااااه وحشتينى يا نورى ..
عند نور ..
واقفة فى البلكونة ال مطلة على البحر ..
والساعة دقت ١٢ ..
نور كل سنة. انت طيب يا أغلى من حياتى ....
يا عشقى .. يا حبى يا دنيتنى ..
